Zefania 2:5 - Angami Naga CL (Re-edited) Bible (BSI)

⁵ He-i, dzükezha khie lhou kebako, nie Keret seyieko we ce, chülietie! Jihova die nieko petsouya. He-i Kanan, Filistinmia kijü; mu a n peka zo vo miapuorei bu lhou motatuo.

Zefania 2:5 Iomraidhean Croise

Isaya 14:29

Nie nei hiecie, nie Filistinko pete, nie kevü seiro-u tseta üdi, kekreilamonyü tinyhüu mieu geinu nyhübvü puo partuo, mu süu siue tinyhü kekhrie pruokecü puo tuo.

Isaya 14:30

Kejümia nuorieu pevütuo, mu ketsopfhüu khrukhre di zhütuo; derei ae pekrie pie n mieu vakhriwatuo, mu a n geinu lhiekelieko dukhriwatuo.

Jeremia 47:7

Jihova diekhashüwata ro, kichiepuo kemekrie balietuo ga? Ashkelon mu dzükezha khie perhieketuo la puotei chieshüwate.

Ezekiel 25:16

Süla Niepuu Jihovae puya: Ae a dzie yhapie Filistinko petsoutuo, siro Keretmia kelhiwatuo, mu dzükezha khie lhiepie kebako pekawatuo.

Amos 3:1

He-i Israelko, Jihovae Ijipt nunu nie kikru ze parkeshü peteu petsou di pukeshü die hau rünyüshücie:

Amos 5:1

A nie la thekrü chü di pukeshü die hau rünyüliecie; he-i Israel kinuko:

Zefania 1:11

Mortar nu kelhouko krakhouikecü rei, kekreilamonyü lhithomia pete pekawate; rakachü pfü tuoyakezha pete bie pejüwate.

Zefania 3:6

A seyieko dathewate; uko dahouko ruozhüte; a uko chako chü kemethuowa, süla süko nu miapuorei tuoya mote; uko nadiko chü peruowate, themia tuo mo, miapuorei lhou tuo mote.

Zekaria 1:6

Derei a dieko mu a zhoko, a kituo siedzekesiko ki pukeshüko, süko nieko puonuokoe sanyü mota mo üme? Siro uko thenou kedilie di sie, “Krodiko Jihovae chütuo üdi rhükelie mhiei u zhoko mu u mhathoko medzi di u gei mhachüshü.”

Mark 12:12

Siro ukoe puo uko pehe di dievi hau puketa silie tse, uko puo telie nyüsie, derei uko themia krodiu preita. Süla uko puo khawa di tuota.

Joshua 13:2

Kijü lie saketuo hako: Filistin kijü rüvie pete mu Geshur kijü rüvie pete,

Joshua 13:3

(Ijiptmia rie nu keba Shihor rücüu nunu kho pesotsa Ekron rie ketso pie Kanan üsiya. Siro Filistinko kedi pengouko ro: Gaza, Ashdod, Ashkelon, Gath mu Ekron nadi hako nu lhouya), siro pekhrotsa keva Avim rüvie pete;

Capiko 3:3

Süko Filistinmia kedi pengouko, Kananko pete, mu Sidonko, tsiu Lebanon Kijüthou gei Hivko pete, Baal-hermon Kijüthou nunu vo Lebo-hamat ketso.

Samuel Kerieu 30:14

Siro hieko Keretmia Negeb nu kebako mu Juda viekecüko, tsiu Kaleb Negeb re tsu; sidi hieko Ziklag thewa.”