Zefania 2:4 - Angami Naga CL (Re-edited) Bible (BSI)

⁴ Kekreilamonyü Gaza khawatuo, siro Ashkelon chü kemethuowatuo; Ashdod themiako khinhieluo geinu whuowatuo, tsiu Ekron phewatuo.

Zefania 2:4 Iomraidhean Croise

Chieliko 91:6

kezei nu tuoyakezha thepeu, morei khinhieluo mha pekayakezha thesau rei.

Isaya 14:29

Nie nei hiecie, nie Filistinko pete, nie kevü seiro-u tseta üdi, kekreilamonyü tinyhüu mieu geinu nyhübvü puo partuo, mu süu siue tinyhü kekhrie pruokecü puo tuo.

Jeremia 15:8

Uko samipfüko krapie dzükezha nu huocanyo ki rei krakuote; Ae khinhieluo ki u khriesako zuonuoko perhie di kepeka se vorshü; ae nousuo mu kemeriekecü bu te mhai uko gei tsukecü chüshüte.

Jeremia 25:20

themia kereiketuoko; Uz kijü nu kediko pete, Filistin kijü nu kediko pete, Ashkelon, Gaza, Ekron, mu Ashdod lhiekeshüko,

Jeremia 6:4

“Puo ze terhü chütuoü dojülie; sielie, sidi úko khinhie gei vo puo re khe!” “Úko we ce, chülietie, kekreilamonyü teisozhau votazhie, tsiu teizei khrüu chü pechaliete!”