Zefania 1:5 - Angami Naga CL (Re-edited) Bible (BSI)

⁵ kikhru geinu nuketsu teiko krodi rüsuokecüko; nuketsu di rüsepie Jihova ki shü, siro Milkom rei se rüsekecüko;

Zefania 1:5 Iomraidhean Croise

Kediko Kerieu 11:33

kekreilamonyü ukoe a rükra mote, sidi Sidonmia rhuopfü Ashtoret, Moabmia rhuo Kemosh mu Ammonmia nuonuoko rhuou Milkom rüsuote, sidi a cha nu tuo mote, a mhi ki puotoukecüu, mu a kepethazhoko mu ahzako keze nu puo puo David tuoilie mote.

Kediko Kerieu 11:5

Kekreilamonyü Solomon-e Sidonmia rhuo Ashtoret mu Ammonmia kerütsekecüu Milkom medzita.

Kediko Kerieu 18:21

Sitse Elijae themia peteko penuo vor di sie, “Nieko kichiepuo kenounie batieya ga? Mhanuü Jihovae u Kepenuopfü üliro puo siemedzilie; derei Baal üro, puo siemedzilie.” Sitse themiako puo die yopuorei kelalie mota.

Kediko Kenieu 17:32

Ukoe Jihova rei rüsuo, sidi uko donu themia miahoumia kedapie uko bu thechü kerükrieko gei zievo chü, sükoe uko la thechü kerükrieko gei kiko nunu uko la ruosuo chü.

Kediko Kenieu 17:33

Sidi ukoe Jihova rüsuo derei u thuo u rhuoko lie rei chü, uko thuo u seyie nu vorkecü zhoko mhie di.

Kediko Kenieu 17:41

Siro seyie hako Jihova rüsuo derei uko terhuorhi rhikelieko rei lie chü, uko nuonuoko, tsiu u tsunuoko rei uko krünuoko tuoi thie ketso rei si tuoya zo.

Kediko Kenieu 23:12

Tsiu Ahaz ki peso gei keba ruosuobako, Juda kediko thuo chükelieko, siro Manasseh-e Jihova kitiezhanie nu ruosuoba chükelieko, kediue bierhuowa mu süko biephrowa, sidi puoe nyophe süko kelhoupie Kidron Rücüu nu shüwa.

Isaya 22:1

Ziemho razhau dze pukeshü die. Nieko pete kedipuo le di kikhru gei sieta mu?

Isaya 44:5

Mia puoe sie, “A Jihova vie” ituo, kekrei puoe Jakob za se puo thuo puo kietuo, sirei kekrei puoe puo dzie se “Jihova vie” idi thutuo, sidi Israel za pevielietuo.

Isaya 45:23

A thuo rüseshüte, a tie nunu kemiatho nu die puo prate, die süu la vorlie lho. “Khoudza pete a ki khoutou tsutuo, meü pete rüsetuo.”

Isaya 48:1

Hau rünyüshücie, he-i Jakob kinuko, Israel za se u kieyakecüko, Juda va nunu keparko; ketho mu kemezhü nu mo di Jihova za se rüse, tsiu Israel Kepenuopfü kieyakecüko.

Jeremia 12:16

Süsie, ukoe a themia zhoko thethochü di dojülie, a za nunu rüse di, “Jihova rhei ketuo tuoi” idi ukoe a mia pethapie Baal gei rüsekecü mhielie liro, uko bu a themiako donu lhoulietuo.

Jeremia 19:13

Siro Jerusalem kiko mu Juda kediko kiko Tofet thechüu tuoi perhuwatuo, u kiko kitieko nunu ruosuo chüpie teigei krodiko pete tsü, tsiu ruosuo rupie terhuo kekrei tsüketa la.

Jeremia 32:29

Siro Chaldiamia nadi hau ze kegeikecüko, vor di mi pie nadi hau thetuo, sidi kiko thewatuo, süko kilha peso geinu ukoe kethengu thepie Baal tsü tsiu kekrie ruosuo rupie terhuo kekrei tsü, di a nou chü kemeyie.

Jeremia 4:2

tsiu mhanuü noe, “Jihova rhei ketuo tuoi!” ketho nu, kethoca, mu kemezhü nunu rüselie liro, puoe japie seyieko tsütuo, tsiu ukoe puo geinu u mhokuo chütuo.

Jeremia 49:1

Ammonmia dze pukeshü. Jihovae puya: Israel-e puo nuo thepfumia jü me? Puoe puo kayiemia jü me? Kiüdi Milkom-e Gad penyü se bata ga? mu puo themiako puo rünako nu lhou bata ga?

Jeremia 5:2

Uko thuo sie, “Jihova rhei ketuo tuoi,” isikecü pu rei, uko tijü di rüse.

Jeremia 5:7

Kimhie di a n kejo valietuo mu? N nuonuoko a khakegewate, tsiu uko terhuo kemo kro puo ki rüse. Ae uko vachü pevüshü tse, uko pieü chü tsiu thethenuko ko vo kengupfü bate.

Jeremia 7:10

sidi ki hau nu a za kieyakezhau nu a mhodzüki vor thalie di sie, “Hie kelaliete,” iya, sidi mha kerütsekecü hakoha chü tuo zotieya me?

Jeremia 7:9

Nie mha rügu, mia dukhri, mu pieü chü, tsiu tijü di rüse, mu kethengu thepie Baal tsü, mu nieko si kemo rhuo kekreiko siemedzi,

Jeremia 8:2

sidi ukoe süko kelhapie uko khrie kevor mu uko lie chü kevor tsiu uko medzi kevor, tsiu uko pfhü voketa mu rüsuoketa niaki, khrü siro teigei ketuo krodiko mhodzünu shütuo, mu uko pa kengulie lho, morei khru reilie lho; uko pie kijü zieu gei nyorhu mhiewatuo.

Hosea 10:2

Uko meloue kemeda melou, süla tsie uko kejo-u pfü morosuo. Jihova uko ruosuobako biemewatuo; mu uko coko pekawatuo.

Hosea 4:15

He-i Israel, no thethe lie zorei, Juda bu we jota hiecie. Gilgal nu le hie, morei Bet-aven nu kho hie, tsiu rüse di, “Jihova rhei ketuo tuoi,” isi hie.

Amos 5:26

Nieko Sakut pie nie kediu chü, mu Kaiwan pie nie rhuo themvüu chü, nie terhuorhiko, nie thuo nie la chükelieko setuo zotuo.

Mathi 6:24

“Miapuorei niepumia kenie kituo chü keduolie kenjü; siliro puo mia puo ngumecüta mu kekreiu khrietatuo; morei puo mia puo kitsa bata di kekreiu thitatuo. Nie Ukepenuopfü mu mamon kituo chü keduolie kenjü.

Mhakechüko 10:9

Süsienhie thehe meseki uko rüve nadiu penuo vokezhü ki, Pitor kecha chütuo üdi ki mho gei kho.

Rommiako 14:11

Süu thupie kezhü: “A rhei ketuo tuoi, khoudza pete a mhodzünu khoutou phretuo, mu meü pete Kepenuopfü tshe phretuo,” Niepuue siya.

Pulakeshüzho 10:20

Noe Jihova n Kepenuopfü preituo, puo rübei rüsuotuo. Puo rübei kutsapfü tuotuo, mu puo za rübei se rüsetuo.

Pulakeshüzho 4:19

Siro no n mhipie tei mehoshü di n seketsipie n bu niaki morei khrü morei themvüko mu teigei ketuo kro pete ngushü di, Jihovae khapie teiko khro themia pete tsükeshüko rüsuo mu theketa molieketuo la menuoliecie.

Joshua 23:7

mu nie-e nie donu baluokecü seyieko ze puochü di lhouta mo mu uko rhuoko za pu, se rüse, uko lie chü morei nerhutsu rüsuota lho,