Zefania 1:4 - Angami Naga CL (Re-edited) Bible (BSI)

⁴ A a dzie yhapie Juda petsoutuo, tsiu Jerusalem nu lhou keba pete rei; a thechü hau nunu Baal geinu lhiepie keba kehoupuorei, mu terhuorhi kerüsuo zievoko za pete dathewatuo;

Zefania 1:4 Iomraidhean Croise

Kediko Kenieu 21:13

Ae Samaria, siro Ahab kikru kemejüro teshüpie Jerusalem mho shütuo, mia puoe mekhou süwayakezha tuoi, a Jerusalem süwatuo, süu süwa, tsiu süu phou pekhegewatuo.

Kediko Kenieu 23:12

Tsiu Ahaz ki peso gei keba ruosuobako, Juda kediko thuo chükelieko, siro Manasseh-e Jihova kitiezhanie nu ruosuoba chükelieko, kediue bierhuowa mu süko biephrowa, sidi puoe nyophe süko kelhoupie Kidron Rücüu nu shüwa.

Seyiedze Kenieu 34:4

Miae puo mhodzü nunu Baal ruosuobako biephroshü mu puoe süko mhogei keba mhare kevi ruosuobako durhuowa; siro puo Asherako dutsha phawa mu mha kepie terhuorhi chükelieko morei mha thepezhapie chükelieko duphro phaphapie nyophe chü zolie di süko pie süko ki ruosuo chükecüko mekhruko gei kezashü.

Toukepra 15:12

No n dzie n zatsa yhashü ru kijüu uko mezulie.

Jeremia 15:6

No a khawate, Jihovae siya, noe tsiesiete; süla a dzie yhapie n petsou di n pekawatuo, a thenou shükhre ba a nyiete.

Jeremia 6:12

Uko kiko pie mia kekreimia tsüwatuo, uko lieko mu uko kimianuoko rei sa di; kekreilamonyü a dzie yhapie kijüu nu lhou kebako gei shütuo, Jihovae siya.

Ezekiel 25:7

Süla a a dzie yhapie n petsoutuo, sidi nie khapie seyieko bu pekawatuo. A mia donunu nieko kelhiwatuo mu a nie bu rünako nunu kaüjütatuo; a nieko pekawatuo. Sitse nieko ae Jihova ücü silietuo.

Ezekiel 6:14

Ae a dzie yhapie uko petsoutuo, sidi rayha nunu vo Ribla ketso uko lhou kebachü kehourapuorei chü kemethuowa mu pekawatuo. Sitse uko ae Jihova ücü silietuo.

Hosea 10:5

Bet-aven nu thudonuoyo la Samaria nu kelhouko peba. Puo themiako süu la thekrü chütuo; mu puo miarhi kerüsuo zievoko süu la kratuo, puo thetshetherhu puo kinu tuoketa la.

Mika 5:13

mu a nie miarhiko, tsiu nie donu sepie keba coko dathewatuo, sidi nie bu nie dzierhithoko mhodzü nuketsu salie lho;

Zefania 2:11

Jihova kemerie chü di uko petsoutuo; puoe kijü nu terhuoko pekhe khriwatuo, tsiu uko puo ki nuketsutuo, u thuo u tha nunu, dzükezha khie thechü mu kijü rüchütsokemo seyie pete.

Zefania 2:13

Siro puoe puo dzie yhapie pesotsako petsoutuo, mu Asiria pekawatuo; tsiu puoe Ninevi bie kemethuowatuo, kijükesia mhie chüpie sotowatuo.