Zefania 1:16 - Angami Naga CL (Re-edited) Bible (BSI)

¹⁶ Dahou nadiko petsoukecü mu kuda rükriekecüko petsoukecü la ketsü khou, tsiu meciemewhikeshü teisozha puo.

Zefania 1:16 Iomraidhean Croise

Isaya 27:13

Mu sünhie ketsü kezha puo khoushütuo, sidi Asiria kijü nu jüketako mu Ijipt kijü nu whuokewako vor di Jerusalem kijüthou kemesau geinu Jihova rüsuotuo.

Isaya 32:14

Kedikiu rükra motaketuo la, nuolhou kekra nadiu nu lhou motatuo; kijükhruu mu rükhouba shadzeu, kechachie khunuo bou chütatuo, nha gadako kenei mu peri kroko tuo chüketa la;

Isaya 59:10

Hie mhiciemia tuoi sozha kese vo, hie u mhi kejümia tuoi kesekevuo; hie khinhieluo gei teizei merükecü ki tuoi hie phi mesü, hie-e u keshürheithoko donu kesiamia tuoi.

Jeremia 6:1

He-i Benjamin nuonuoko, kelalieketuo la Jerusalem nunu tatalie! Sidi Tekoa nunu ketsüu khoushülie, mu Bet-hakerem nu zasiu piesieshülie; kekreilamonyü mha kesuo mu kepeka kemeriekecü pesotsa nu partatie.

Jeremia 8:16

Kier nyhü kekhau pfhe Dan nunu si; puo kierko keruo pfhe sikeshü ki kijü pete rünieta. Ukoe vor di kijüu pekawa, mu sünu keba pete rei, nadiu mu sünu lhou keba pete.

Ezekiel 7:7

N kepeka n ki vorte. He-i kijü nu kelhouko. Puoteiu vorte, teisozhau penuote, kemezhie ketuou, kijüthouko geinu u nei kebaulie lho.

Hosea 5:8

Gibia nu tekuo kiau khoushülie, Rama nu ketsüu khoushülie. Bet-aven nu kemichie vorkezhü pfheu shieshülie; Benjamin n sietsa mehoshülie!

Hosea 8:1

Ketsü pie n tie nu shülie! Jihova kiu gei chürhaü kemhie puo ba, kekreilamonyü uko a dietseidiekho-u bierhuowate, sidi a zho-u varhuowa.

Joel 2:1

Zion nu ketsüu khoushülie; a kijüthou kemesau gei kemichie vorkezhü pfhe khoushülie! Kijü nu lhouketuo pete bu pekhrukhru batalie, kekreilamonyü Jihova teisozhau vorzhie, süu penuo bate;

Amos 3:6

Nadi nu ketsü khoushü ro, themiako michie bata motuo me? Jihova thuo chüshü mo di kepeka nadiu nu vorlietuo me?

Habakuk 3:6

Puoe thalie, sidi kijüu shükenieshü; puo mehoshü di seyieko bu perüsürüsata. Kechachie keba kijüthouko keza phawa, keriekimia chaweko, kechachie keba kijütseiko sa di rükre tsuta.

Pulakeshüzho 28:52

Ukoe n kijü pete nu n kuda kerükrie, no pele kebako tetsuta kemochie, n rüna pete nu n retuo; mu ukoe Jihova n Kepenuopfü se n ketsü kijü pete nu n rünako nunu n retuo.

Joshua 6:20

Süla ketsüko khoushü, mu themiako shieshü. Themiakoe ketsü khoukeshü sishü mumetha, ukoe mepfüshü, sitse dahouu me tsu puozha chüpfü zhüta, sidi themiakoe u thuo u mese kinu nadiu nu lelie, di nadiu lielie.