Zefania 1:13 - Angami Naga CL (Re-edited) Bible (BSI)

¹³ Uko kinyiko pekawatuo, tsiu u kiko perapie zhüwatuo. Uko thuo kiko chülie zorei, uko süko nu lhoulie lho; uko thuo khube pelhoulie zorei, uko süko geinu puo zu krielie lho.

Zefania 1:13 Iomraidhean Croise

Isaya 6:11

Sitse ae sie, “Kichiepuo ta, he-i Niepuu?” si. Sitse puoe sie; “Nadiko kaüjü vo themia lhou mota, mu kiko nu themia tuo mota, mu kijüu ruo tseita kemochie,

Jeremia 15:13

N kinyi n vie puoma kere pie puoma kejü mhava chüwatuo, n kephouma la n tuo pete nu siwatuo.

Jeremia 17:3

rüna kezha nu kijüthou kebako rükralie. N kijü pete nunu vo kijü tierie ketso n nyaürako mu n kinyiko pete pie nie kephouma la mia bu vakelie chüwatuo.

Jeremia 4:20

Kepeka sie kepeka, kijü pete chü kemethuowate. Va puo nu a pfhekiko pekawate, tsiu hiepuo nu a kikha pfheko pekawate.

Jeremia 4:7

Loshae puo rüshübou nunu parte ho, seyieko kepekau parte; puoe n kijü bie kemethuowatuo üdi puo tha nunu tuo parte; n nadiko themia puorei ba mota di ruotatuo.

Jeremia 5:17

Uko n lha mu n kecüca cü phrelietuo; ukoe n nuonuo thepfumia mu thenunuoko cü phrelietuo; ukoe n kuokro tsiu n kicükiriko cülietuo; ukoe n khube tsiu n chiede cülietuo; nie dahou nadiko nie-e pele bayakezhako ukoe zhiecha pie pekawatuo.

Jeremia 9:11

Ae Jerusalem pekapie puo bu puo kro chüpfü zhütatuo, meseru ki chüwatuo; tsiu Juda rünako chü kemethuowatuo, miapuorei lhou motatuo.

Jeremia 9:19

Kekreilamonyü Zion gei thekrü kechü pfhe site: “Kimhie di u pekawate shi! U bie kethenga tseiwate, kekreilamonyü hie kijüu khawaketa la, kekreilamonyü ukoe hie lhou kebachüko vawate,” si.

Thekrü 5:2

Hie kayieko sikemomia tsüwate, hie kiko pie solhimia tsüwate.

Ezekiel 22:31

Süla a a noupfhünouyie rupie uko gei shü; sidi a nouyie miu nunu uko the pejüwa; a uko zho-u chüpie uko tsüko gei lashü, Niepuu Jihovae siya.

Ezekiel 7:19

Ukoe rakachü kelhoupie chaü nu shüwatuo, uko sunaü mesa mo ütatuo. Jihova teisozha nhie uko rakachü mu suna uko kelalie motatuo. Uko süu se di uko kemerü kelhuo morei u va ketshu chülie lho. Kekreilamonyü süu uko kesuo kechü phi kemesü puota zokecü la.

Ezekiel 7:21

Ae süu khapie ketakelie vie mhie di rüsomia tsüwatuo, pekakelie vie puo chü di pie kijü nu kerüzhüko tsüwatuo; sidi uko süu bie perhuwatuo.

Ezekiel 7:24

A seyie kesuothoko ze vor di süko bu uko kiko welietuo. A themia kekuomia kemelhaketuo chü pejüwatuo, sidi uko thechü kemesako perhuwatuo.

Amos 5:11

Süla nieko mhakejümia kede mu uko kinu thoulha khruolie, niekoe ketsie phropie ki chülie, derei nieko süko nu lhoulie lho; nieko khubebo u keneiko leishü, derei nieko khubezu krielie lho.

Mika 3:12

Süla nieko la Zion pie lie kemhie ciewatuo; Jerusalem pekapie pfhepie zhüwate, mu kiu keba kijüthouu ketsa chütatuo.

Mika 6:15

Nie prushütuo, derei relie lho; noe oliv kedenyietuo, derei tier pie nie kenhelie lho; no khube thetuo, derei no khubezu krielie lho.

Zefania 1:9

Sünhie a siazha pie kiciela nu rülhoukezhako pete, tsiu kecürü mu mia kemvü chüpie u niepumia ki ketshu chükeshü pete gei shütuo.

Pulakeshüzho 28:30

No thenu puo lietuoü vakhashütuo, mu kekreimia puoe puo ze zhüwatuo, no ki puo chüshütuo, derei sünu le lhoulie lho; no khubelie puo cieshütuo, derei khubesiko riepie n vie chülie lho.

Pulakeshüzho 28:39

No khubelie cieshü di mesatuo, derei khubedzü krielie lho morei puosi rei rie kengulie lho, zochü thuo cü phrewaketuo la.

Pulakeshüzho 28:51

Siro ukoe n kiri lhoukelieko tsiu n lie nu vükelie nhasiko rei cülietuo, n pekapejüwa kemochie; mu ukoe n bu jüta kemochie, telha, khubedzü kesa, tier morei n kiri kruokelie tsiu n kuonuoko puorei khapie balie lho.