Timothi Kerieu 4:3 - Angami Naga CL (Re-edited) Bible (BSI)

³ Süko mia bu kesekeri hienu, siro Ukepenuopfüe puo kepeleko mu ketho-u siketako bu puo thezie di se u ca chünu di chükeshü kecücako cü hienu sietuo:

Timothi Kerieu 4:3 Iomraidhean Croise

Keriekitho 9:3

A gajo kheko se n ketsü tuoi, lhou ketuo kemele khe bu n ca chütuo. A mha pete pie n tsüwate.

Pethakeshüu 5:18

Harie, a ngukecü, Ukepenuopfüe khapie puo ketsü, niakiu khro nu teisozha pete mhacümhakrie tsiu puo mhatho pete nu puo neikelie, haha vi mu puo mese tou zo; kekreilamonyü hau puo yau zo.

Daniel 11:37

Puoe puo puonuoko rhuoko morei thenumiae u neiyakecüu puorei rhulie lho; puoe terhuo puorei rhulie lho, kekreilamonyü puo thuo puo üse mha kekrei pete ki rei zhakuo üyacü la.

Mathi 14:19

Siro puo themiako bu phiechü gei balienushü. Süsie puo niekhrüda pengou mu khuonie pielie di tosie teigei meho di jashü; süsie niekhrüdako bietshielie di khapie pethakelieko tsüshü, mu pethakelieko rei süko pie themia kroko tsüshü.

Mathi 15:11

Themia me nu keleko themia va perhuwaya mo, derei themia me nunu parkezhako thuo themia va perhuwaya.”

Mathi 15:36

Sidi puo niekhrüda thenieko mu khuoko pielie di kethezie khashü di süko bietshielie di pie pethakelieko tsüshü, mu pethakeliekoe khapie themia kroko tsüshü.

LUK THUKESHÜ DIELIEKEVI 24:30

Siro mhacütuo üdi uko ke balie tse, puo niekhrüdau pielie di jashü, mu bietshielie di pie unie tsüshü.

Johan 6:23

Sirei Tiberiatsatie nu rou kekreiko rei vor dzükezha khie Niepuu niekhrüdako se Ukepenuopfü tsheshü di cükecü chüu tsolie.

Mhakechüko 27:35

Siro puo hau pukeshü sie, puo niekhrüda chü pielie di uko pete mhodzü nunu kethezie khapie Ukepenuopfü tsüshü di süu bietshiepie cülie.

Rommiako 14:17

Kekreilamonyü Ukepenuopfü kedi-e kecükekrietsa monyü kemiatho tsiu noune mu Kemesa Ruopfü nunu u neikecüu zo.

Rommiako 14:3

Süla mhakehoupuo cüyakezhamia cüyakemomia rütseta hie, mu cüyakemomia rei kecümia le pejo hie; Ukepenuopfü u zelieketa la.

Rommiako 14:6

Teisozha puo se pekreiyakezhau, süu Niepuu kerhu nu siya. Siro kehoupuorei cüyakezhamia Niepuu kerhu nu cüya, süu la kethezie pie Ukepenuopfü tsüyakezha la; derei cüyakemomia Niepuu kerhu nunu zo mu süu la rei Ukepenuopfü thezieya.

Korintmiako Kerieu 6:13

“Kecüca sü uvadi la zo mu uvadi rei kecüca la zo,” mu Ukepenuopfüe kenienie rei pekawatuo. Themo-u pierüü la mo, derei Niepuu la zo, mu Niepuu rei themo-u la zo.

Korintmiako Kerieu 7:28

Derei no kiyalie zorei, süu la phoumata mo, mu rüü phousepfü nyhüta zorei süu la phoumata mo. Derei kiyakeliemia kelhou hau nu kemezhie zotuo, süla a nie bu süu therhielie ro a nei zotuo.

Korintmiako Kerieu 8:8

“Kecücae u ze Ukepenuopfü penuoshülie kenjü.” Siro we süu cü mo zorei mhapuorei kataya mo, mu we süu cü zorei mhapuorei vi kreilieya mo.

Kolosiko 2:16

Süla miapuorei bu kecükekrie, morei thenyiko, morei khrülhou nyi, morei sabat puo la nie pejowa hie.

Kolosiko 3:17

Sizomonyü nie die nu rei, nie mhathoko nu rei, nie mhakehoupuo chü rei Niepuu Jisu za nu chü di Ukepenuopfü u Puou thezie tuo zolie.

Timothi Kerieu 2:4

puo medoe themia pete bu kelalie mu ketho mhasiu nu vorlieketuou zo.

Timothi Kerieu 4:4

Ukepenuopfü mhachükeshü pete vi phre zo, mu mhakehoupuorei puo tshe di lielieta ro thi suo,

Timothi Kerieu 5:14

Süla sami kemedzüpfüko bu nyhülie di u nuonuo nyilie, u kitiekinu meholie, sidi u ngumvümia thapfüta mokelie we a nei zo.

Ibriko 13:4

Nieko kehoupuorei kishükiya üse therhu puo chü zolie, mu kiya zhü bu kerüzhü zhü chü hie; Ukepenuopfü pieü kechüko mu pierüüko pejo zotuocü la.

Ibriko 13:9

Mia bu kepetha die neiüko se nie se seta hie, kecükekrie zhoko medzi monyü ngukemezhieu se thenou chü kemeteikelieu we vikuo, süko medziyakezhako rei süu la kemevi puorei ngulie lho.

Samuel Kerieu 9:13

Nnie-e rünau nu lelie mumetha puo thechü kerükrie nu kho mhacüketa mhodzü puo ngulietuo, puo vor ruosuo kechüu nu jashü kemochie themiako, mhacülie lhocü la. Sidi puo jakeshü sie nu kiepie kebako mhacütuo. Süla nnie tsie kholiecie, nnie puo ze kese mhailieketuo la.”