Timothi Kerieu 3:3 - Angami Naga CL (Re-edited) Bible (BSI)

³ zu krie mezeyakemomia, mha kebvüshüyakemomia tsiu menekecümia, mehiemehakemomia mu shükeiraka mehouyakemomia morosuo.

Timothi Kerieu 3:3 Iomraidhean Croise

Mhasidie 1:19

U medasuo di mha mehoukecümia pete hai di thela chü zotuo; süu thuo u kerheiro chüsetaya.

Mhasidie 15:27

Mha kemehoumia puo thuo puo ki bie kebvüwaya, derei theso rütseyakezhamia lhoulietuo.

Pethakeshüu 7:8

Mha therieu ki puo thelau vikuo, tsiu unou shügeshühiekecüe unou kemiakokecü ki vikuo.

Isaya 28:1

Yha, Efraim kemezeko kemiakokecü cüu, mu puo zivi zapuzayie ratakezhü nyiepouu, mhakenyi ca cüpie luotshüpfü mu zu bu u penyükewako tsü gei kebau!

Isaya 28:7

Hako zorei zu la melu, mu zu kekuo la pevüvütaya; zievo-u mu siedzekesiu zu kekuo la melu, uko zu la kebou bate, uko zu kekuo la pevüvü bate; uko ziemho nu rei kekrü bate, theca khakeshü nu rei uko phi mesüliete.

Jeremia 6:13

Kekreilamonyü kecütho nunu vo kezhatho ketso, pete rei mha mehou di puotou kemo nunu ngukelie le; siedzekesiu nunu vo zievo-u ketso, pete rei meda di mhachü phre.

Jeremia 8:10

Süla a uko nupfünuoko pie mia kekreimia tsüwatuo tsiu uko lieko pie welieketuomia tsüwatuo, kekreilamonyü kecütho nunu vo kezhatho ketso uko pete rei puotou mo di ngukelie mehoumengu; siedzekesiu nunu vo zievo-u ketso uko pete rei medate.

Ezekiel 44:21

Zievomia puorei bu kinu lekecü ki zu krielie lho.

Levimiako 10:9

No mu n nuo thepfuko rei rüsuopfhekiu nu lekecü ki khubezu morei zu kekuo puorei krie hiecie, nie siata rei si momu; nie nuosenuoyie pete nu hau pie thezho puo chütuo.

Mika 2:11

Mhanuü mia puoe meda di kemethuo die pu tuota, sidi sie, “A nieko ki khubezu mu zu kekuo dze pushütuo,” siliro süue themia hako la kepethamia puota zotuo!

Mika 3:11

Sünu kezhako theso lie di capi chüya, puo zievoko puo zha lietuoü pethaya, puo siedzekesiko raka la die puya; sishierei uko Jihova ki pu di, “Jihova u ze ba ketho zo! mha kesuo puorei u gei vorlie lho,” siya.

Mika 3:5

A themia cha tha kekrüwayakezha siedzekesiko la Jihovae puya, ukoe kecükekrie keba ki “Kezekevi” idi puya, derei mha pie uko me nu shü kemo-u ze terhü chütuoü pesiya.

Malaki 1:10

He-i nieko donu mia puo ruosuoki kikhako khawatuo, sitse nieko bu kemethuo nunu a ruosuoba gei mi the molietuo. A nieko gei a kenei ba mo, krodiko Jihovae siya, mu a nieko dzie nunu ruosuo khakeshüko lielie lho.

Mathi 21:13

Sidi puo sie uko ki, “A ki üse kechaki ütuo, idi thupie zhü, derei nieko hau üse mia vie sekecüko ki chü bate.”

Mhakechüko 20:33

A mia puo rakachü rei, suna, morei pfhemenei rei lie nyü vor mo.

Rommiako 16:18

Kekreilamonyü siyakezhamia u Niepu Khrista lie chü monyü u thuo u va lietho chükezha zo, mu süko die pu pesikhuoi mu mha kese die pu di miamoko nou se ketsiwaya.

Efesako 5:18

Zu krie di meze hie, süu u chü penyawayakezha la; derei Ruopfüu bu nie ketshu chülie,

Thesaloniako Kerieu 5:14

Siro hie kekhrieko, hie nieko bu mezhü tuo moketako tarhoshünu, tsiu u melou kesuoko chü kethepfushünu mu mezie tuoketako khruohishünu, siro mia pete gei nie nou chalienu nie tarhoshüya.

Timothi Kerieu 3:8

Sütuoi dikonmia rei mhale pesouyakezhamia, die kenietayakemomia, zu die chütakemomia, shükeiraka mehouyakemomia morosuo,

Timothi Kenieu 3:2

Sükisü themia u thuo u zhazhü kepfhü, raka kemehou, kemelha, kemiako, mia thepesuo, u krü die ze kemvü, mia thezie kemo, mesa kemo,

Tita 1:11

uko bu kemekrieta morosuo, uko dietho kemo kemevi ngukelie le di pu zhü kemo dieko se mia petha di kikru kekra kebvü tuote.

Tita 1:7

Kehou kepfhemia puoe Ukepenuopfü kituomia puokecü la pejolie kelhomia morosuo; u thuo u medo kechü, u nou meyie mhaitayakezha, zu die chüyakezha, mu mia vütayakezha, siro mha kemehoumia suo,

Tita 2:3

Sütuoi ketsapfüko bu rei u zho u rüli nu menuo, mia tha mo morei zu die chüta mo; siro mha kevi pie mia pethakecümia chülie,

Tita 3:2

tsiu u bu mia dze kesuo puorei pu hie, keprüli hie, huoniehuo gei u zho mene, mu mia pete gei vilie.

Ibriko 13:5

Shükeiraka mehouta hie, derei nie vie ketuokoyo se nie nei tuolie; kekreilamonyü puoe pukecü, “A mhakipuorei n khawa morei n vawalie lho,” si;

Jakob 4:1

Nie donu kegei mu keprülikecüko kirapuo nu vorya ga? Süko nie menguko nie geinu kegei sei bayakezha nunu parya mo me?

Pitor Kerieu 5:2

Ukepenuopfü kuo kro-u thekeketuo pie nie peleshüte, meholiecie, chü morokesuo puo la üdi hieü nie nei siei di chücie, Ukepenuopfü medo mhie di süu chücie, nie kepra leta hieü chü nyü siei di chüliecie.

Pitor Kenieu 2:3

Tsiu uko kemehou la mha kese dieko se di nieko pie thelhi chütuo. Uko pejokecüe tsie rei hadzü mhie rüleizhü mo zo, mu uko kepeka rei rükreta mo zo.

Juda 1:11

Süko we ce, chülietie! Kekreilamonyü ukoe Kain chau zete, mu u kepra le di Balam kekrüketau nu vote, mu Kora mha kebvü sie di kaketa nu lete.

Pesikeshü 1:9

A, Johan, nieko zeu mu Jisu geinu nieko ze mezhie kezakecüu nu mu kedi kechüu nu, shügeshühiekecü nu nie ze kepekroyakezhau, Ukepenuopfü dieu mu Jisu zhapu kechü la Patmos kijü rüchütsokemo nu ba.

Samuel Kerieu 8:3

Derei puo nuonie puo cha nu tuolie mota, sidi unie-e unie ya kevi, thesokelie mu kecürücütsa vota.