Thekrü 5:7 - Angami Naga CL (Re-edited) Bible (BSI)

⁷ Hie puonuoko phoumawa; uko tuo mote, sidi hie bu uko kephouma pfüte.

Thekrü 5:7 Iomraidhean Croise

Keriekitho 42:13

Sitse uko sie, “Hie, n kituoko mia kerekenie keze siezedzüriemia chü, Kanan kijü nu mia puo nuo; mu harie, hieko donu nhicutho-u hieko puo ze bate, mu mia puo we tuo mote.”

Keriekitho 42:36

Sitse uko puo Jakob uko ki, “Nieko thuo a nuonuoko pejüwa bate. Josef tuo mote, Simeon tuo mote, mu tsie rei nieko Benjamin ze latatuoüte; mha hako pete a gei vorte.”

JOB LESHÜDAU 7:21

Kiüdi no a kephouma vawa, mu a kesuo kechüko chüseta mo ga? Kekreilamonyü a tsie nyophe nu zhütatuo; no a pfhütuo, derei a ba motatuo.”

JOB LESHÜDAU 7:8

Themhi a nguwaketako a ngu salie lhote; nieko mhi a meho keba nu a ba motatuo.

Toukepra 20:5

no nuketsu süko rüsuo, kelu morei uko lie chülie lho; ae Jihova n Kepenuopfü, puo rokenyi Kepenuopfü puocü la, u krünuo kephouma la mu a meliekewamia nuonuo gei phou se phou dia ketso rei phituo;

Jeremia 14:20

He-i Jihova, hie kesuoko hie rei site, hie puonuoko kesuoko, hie n gei phoumawate.

Jeremia 16:11

Sitse noe sie uko ki: Süu kekreilamonyü nie puonuokoe a khawaketa la, Jihovae siya, sidi terhuo kekrei siemedzi tsiu süko lie chü mu süko rüsuo, sidi a khawa mu a zho ze balie mote;

Jeremia 16:12

Mu niekoe nie puonuoko ki rei kesuo chükuo, kekreilamonyü nie pete rei kesuo keleu medzitsa tuote, sidi a pfhe rünyü mvüte.

Jeremia 31:15

Jihovae puya: Rama nunu mhapfhe puo si, kra mu thekrü chü. Rachel-e puo nuonuoko krü kra; sidi puo nuonuoko la puo nouluo mvüta, kekreilamonyü uko tuo sa mote.

Jeremia 31:29

Süki ukoe sie: “U puonuokoe khubesi kekhro cüwate, sidi u nuonuo bu u hu mekre bate,” isikecü pu salie lho.

Ezekiel 16:58

Süla no n rügerüzhü tsiu kerütsekecü zhakhra toupfü morosuote, Jihovae siya.

Ezekiel 18:2

Nie kedipuo la Israel kijü hau dze mhasidie pu la mu pu la di, “Miapuonuokoe khubesi kekhro cüshü ru u nuonuoko hu mekre bate, iba ga?”

Zekaria 1:5

Nie puonuoko, uko kirapuo tuota ga? Siro siedzekesiko, kechachie rhei batuo me?

Nuolhoutsüphrü 14:18

“ ‘Jihovae puo nei mo rhütaya mo, mu puo kekhrie zhathor, mha kesuo kechü tsiu thezho kevarhuo rei vashüya, derei puoe kejo kechüu bu jo mo tsei zotuoya mo, puo puo kesuo kechü zhakhra khapie puo nuonuo phou se phou dia gei rei shüya.’