Thekrü 5:6 - Angami Naga CL (Re-edited) Bible (BSI)

⁶ Niekhrüda cü pevülietuo üdi hie Ijiptmia tsiu Asiriamia ze kepfhekhowa.

Thekrü 5:6 Iomraidhean Croise

Keriekitho 24:2

Siro Abraham-e sie puo kinu kituo phichütho-u, puo vie pete mehoyakezhau ki, “N dzie pie a do khro shüshücie,

Kediko Kenieu 10:15

Sidi puoe sünunu tuota tse, Jehonadab Rekab nuou vor puo zelietuoü zhü di puo dzülie; puoe puo kelushü, di sie puo ki, “A nou n kitsa ketuo tuoi, n nou a gei dietho ba zo mo?” Sitse Jehonadab-e puo die kela di, “U zo,” si. Sitse Jehu sie, “Mhanuü siüliro, n dzie pie a tsücie,” sishü. Süla puoe puo dzie chashü. Sitse Jehue puo teshüpie puo kierbagei gei shülie.

Isaya 57:9

No tier se di Molek nu rüve vo, mu n vie mhare keviko chü pekra selie; no dieliemia ketsepie kepecie nu shü, mu ketsepie Sheol ketso rei tsu.

Jeremia 2:18

Siüro Ijipt nu kele kedipuo mevilie ga? Nail dzü krieketuo la me? Morei Asiria nu tsu kedipuo mevilie ga? Eufrat dzü krieketuo la üme?

Jeremia 2:36

No kiüdi n rienuochü n zho n rüli kedikeli ba zo mu! No Asiria dzie nunu mengakelie tuoi, Ijipt dzie nunu rei mengalietuo.

Jeremia 50:15

Lutsahatsa nu puo perhie di shieshülie, “Puoe mia khro lete; puo mvüdzeko tetsute, puo dahouko mete.” Hau Jihova khepuukecü la, puo gei khepu lielie, puo chükeshü mhiei chüpie puo gei lashülie.

Thekrü 4:17

Hie mhi-e kemethuo kekhruohi pfhü di merüte; hieko mia kelashülie kenjükecü seyie puo pfhe terü vor.

Ezekiel 17:18

Kekreilamonyü puo rüseu rütsete mu dietseidiekho-u bierhuo, kekreilamonyü puo puo dzie khashü sizorei mha hako pete chüshü, puo talie kenjü.

Hosea 12:1

Efraim-e teikhrie pfhe di, teisozha pete niathutsa teikhrieu whuo tuoya; ukoe kemeda mu zhosuo chü pekra miemieya, ukoe Asiria ze kepfhekholie, sidi tier toupfü Ijipt nu vo.

Hosea 5:13

Efraim-e puo kechükenyüko ngushü, mu Juda puo rüzapfü ngushü tse, Efraim-e Asiriamia ki vota, sidi kedi kezhau ki ketseshü. Derei puoe n chü pevilie kenjü, morei n rüzapfü chü kemenelie kenjü.

Hosea 7:11

Efraim-e mekhru tuoi, nya mu kesikele jü; uko Ijipt kie, uko Asiria nu vo.

Hosea 9:3

Ukoe Jihova kijüu nu ba motatuo; derei Efraim-e Ijipt nu la votatuo, sidi Asiria nunu ukoe mesa kemo cütuo.