Thekrü 5:22 - Angami Naga CL (Re-edited) Bible (BSI)

²² no hie kha tseiwa, tsiu n nei mothorta zo kemosie.

Thekrü 5:22 Iomraidhean Croise

Chieliko 44:9

Derei no we hie khawate, sidi hie pie kethesewate, mu hie rüpfhünuoko ze tuoprashü mote.

Chieliko 53:5

Sünu uko kemichie kezha ze kesetuo, sükemhie kemichie ngu chie kemo; Ukepenuopfüe puorhi kemoko ru bie kezakeziwatuo. No uko bu thenga chütuo. Ukepenuopfüe uko meliewaketa la.

Chieliko 74:1

He-i Kepenuopfü, no kiüdi kechachie hie khawata mu? Kiüdi n rituochü nu ketuo kuoko gei n noukemeyie bu khu sieta ga?

Chieliko 79:5

Harie Jihova, kichiepuotieya mu? No kechachie n ro di mi ketu mhie n nou meyie ba zotuo me?

Isaya 64:9

N nei mo phita hiecie, he-i Jihova, mu kechachie kejokemouu rükra sei tuo hiecie. Tsie leshücie, hie pete n themia phre zo.

Jeremia 14:19

No Juda kha lotsowate me? N meloue Zion rütsete me? Kiüdi no hie vükhrüshü di hie bu shürholie mo bata ga? Hie vitho pfhü, derei mha kevi ngulie mo, chü keshürhokecü tei puo pfhü, derei süu sou nu kemichie rübei.

Jeremia 6:30

Mia uko üse, “Meliekewa rakachü” üdi kietuo, Jihova uko meliewaketa la.

Jeremia 7:29

N tsütha bewalie di süu kelhouwacie; thechü kerükrie geinu thekrü chücie, kekreilamonyü Jihovae puo nou bie kerüpekeshü seyieko meliewa tsiu khawate.

Ezekiel 24:13

Sishierei a n kerhu kerütsekecü chü kemesawatuoü kesie ki, no n kerhuko nunu mesalie mote; a nouyie pie n gei shü kemochie, mhakipuorei no n kerhu nunu mesalie lho.

Ezekiel 37:11

Sitse puo a ki, “Themiau, theru hako Israel kikru pete ho. Uko sie, ‘Hie ruko sotote, mu hie kemerü jüte; hieko dathe tseiwate.’

Hosea 1:6

Süsie puo nuonipfü lalie sidi thenumia yopuo penuoshü, sitse Jihova sie puo ki, “Puo za thopie Lo-ruhama chülie, kekreilamonyü a Israel kiu ngumezhie salie lhote morei uko kejo rei vashülie lhote.