Thekrü 5:19 - Angami Naga CL (Re-edited) Bible (BSI)

¹⁹ Derei no we, he-i Jihova, kechachie di baya; n kedi-e thephou pete nu baya.

Thekrü 5:19 Iomraidhean Croise

Chieliko 10:16

Jihova we telhekecha Kediu zo: seyieko we puo kijü nu kaüjütaya.

Chieliko 102:12

Derei Jihova, no we kechachie di ba zotuo; mu n zae thephou pete nu rükra tuo tsotuo.

Chieliko 145:13

N kedi-e kechachie keba kedi, mu n rüvie-e thephou pete nu baya. Jihovae puo die pete nu diethoya, mu puo mhatho pete nu ngukemezhie nyi.

Chieliko 146:10

Jihovae kechachie dituo, thephou pete la, O Zion, n Kepenuopfü. Jihova tsheliecie!

Chieliko 29:10

Jihovae dzüdi mhogei rei baya; Jihovae kechachie la kediu chü bate.

Chieliko 45:6

Harie Kepenuopfü, n kediba sü telhekechachie tuoyawe; n kedi theue kemezhü thewe.

Chieliko 9:7

Derei Jihova we di sei baya; puoe mia nyie pepituoü puo kediba keseliete.

Chieliko 90:2

Kijüthouko kesier mhodzü, morei kijüu chü kepar mhodzü, kechachie nunu kechachie ketso no sü Kepenuopfü zo.

Chieliko 93:2

N kedi thiedzütho nu chüse tuote; no sü telhekechachie ketuou zo.

Daniel 2:44

Siro kedi süko teiki teigei Ukepenuopfüe kedi puo, mhakipuorei pekawalie kelho puo morei puo kedi khapie kekreimia tsüwalie kelho puo pesieshütuo. Sidi süue kedi hako pete bietshie phaiwatuo mu uko pie puo thela chüwatuo, tsiu puoe kechachie thatatuo;

Daniel 7:14

Siro mia mho dikecü mu zapuzayie tsiu kedi kechü pie puo tsüshü, themia peteko, seyieko, tsiu die kekreikreikecüko bu puo lie chütuo üdi. Puo mia mhodiketuoe kechachie di baketuou zo, süu jütalie lho, mu puo kedi rei pekawalie kelho puo zo.

Daniel 7:27

Siro kedi kechü mu mha kekhakecü tsiu tei khro kedirüvie pete khapie Kerükrietho-u mia kemesako tsüwatuo; uko kedi kechüe kechachie dikecütuo, tsiu mia kekhakecü pete uko lie chü mu uko dieze chütuo.”

Habakuk 1:12

He-i Jihova a Kepenuopfü, Kemesau. No thiedzü nu tuo mo me? No siatalie lho. He-i Jihova, noe uko nyie kecütuoü uko rü se bate; siro no, he-i, Tsiekrieu, siazha pie uko tsüketuo la uko sesiershüte.

Johan 1:38

Süla Jisu reipra unie puo siemedziketuo ngulie di sie, “Nnie kedipuo pfhüya ga?” Unie sie puo ki, “Rabi (puoca Kepethau) no kirapuo baya ga?”

Pulakeshüzho 33:27

Puo kerieki rhuoko penyüwate, mu thiedzü kekuoko bietshewa, puo n mhodzüki nu n ngumvümia whuowa tsiu “Pekawa,” si.

Timothi Kerieu 1:17

Siro kechachie Kediu, siatalie kelho-u, umhi pie ngulie kelho-u, Ukepenuopfü puo rübei zokecüu bu kechachie thetshetherhupfü mu zapuzayie chücie. Amen.

Ibriko 13:8

Jisu Khrista zowe ndu rei thie rei kemhie ba zo mu kechachie si tuo zotuo.

Pesikeshü 1:4

Johan kinu thupie Asia nu kehou thenieko ki keshü: Ngukemezhie mu noune bu tsiedo mu thiedzü ketuou mu thiesie vorketuou kinu, mu puo kediba mhodzünu ketha ruopfü thenieko kinu,

Pesikeshü 1:8

“Ae Alfau mu Omegau,” Niepuu Ukepenuopfüe siya, tsiedo mu thiedzü ketuou, mu thiesie rei tuoketuou, Kuokejokejüu.