Thekrü 4:22 - Angami Naga CL (Re-edited) Bible (BSI)

²² N kesuo kechü siazhau chüshüwate, he-i Zion nuopfü, puoe cüsie n ze vo miadie chü salie lhote; derei puoe n kesuo kechüko siazha chüshütuo, he-i Edom nuopfü; puoe n kephoumako hielashütuo.

Thekrü 4:22 Iomraidhean Croise

Chieliko 137:7

O Jihova, Edom nuonuoko, kepetsou lecie, Jerusalem tetsuketa teiso-u, ukoe pucü, “Bierhuowalie, bierhuowalie! Puo mvüdze ketso bierhuowalie!” chü tha zokecü.

Isaya 40:2

Menenuoi di Jerusalem ki pushücie, mu puo ki rükhruoshülie, puo meseu chüwata ücü, puo gei kejo mau chü tseishüwate, puoe puo kephouma pete la Jihova dzie nunu süde ma kenie ngulieta ücü.

Isaya 52:1

Colie, colie, n kekuou selie, he-i Zion! N pfhenei keziviko selie; he-i Jerusalem, kemesa nadiu; zhürekemoko mu mesa kemoko n ki vor salie lhotacü la.

Isaya 60:18

N kijü nu zhosuo kechü si sa motatuo, mhavakecü morei bie pesuokecü n riehou nu si sa motatuo; no n dahouko üse Kelakelie, mu n kharuko üse Ketshe ütuo.

Jeremia 32:40

Ae uko ze kechachie dietseidiekhotuo, uko gei mha kevichütuoü mu tsiesietalie lho, mu a khrüpreiu pie uko melou nu shüwatuo, sitse uko a kinu tsiesietalie lho.

Jeremia 33:7

Ae Juda mu Israel miadie chü voketako ze la vorshütuo sidi uko chüpie therieki tuoishütuo.

Jeremia 33:8

Siro ae uko a gei mha kesuo kechü kephouma pete nunu uko chü kemesashütuo, tsiu ae uko a gei mha kesuo kechü kephouma pete vashü tsütuo.

Jeremia 49:10

Derei ae Esau pfhenei rhuo tseiwate, ae puo kepekhre chüko hielashüte, mu puoe puo thuo puo kevielie kenjütatuo. Puo tsunuonuo pekawate, puo siezedzüriemia mu puo zanuomia rei; mu puoe ba sa mote.

Jeremia 50:20

Teisozha süko nu mu süteiki, Israel kejo pfhü sietuo, derei puo rei ngulie lho, Jihovae siya, siro Juda kephoumako pfhü sietuo, mu puorei ngulie lho; kekreilamonyü ae lhiepie kebako kejokemou vashü tsüwatuo.

Thekrü 4:21

N neilie tsiu n noumvülie, he-i Edom nuopfü, Uz kijü nu bayakezhapfü; derei tehieu rei sa keyiepie n ki vortuo; no mezetatuo sidi n thuo methuo zhütatuo.

Thekrü 4:6

Kekreilamonyü a themia mha kesuo kechü siazhau Sodom kephouma siazhau ki zhakuota zo, süue hiepuo kinu pekawa, thedzie puorei puo gei shü morei.

Ezekiel 37:28

Sidi a kemesachüu uko donu kechachie bata tse, seyiekoe a Jihova Israelmia chü kemesakeshüu ücü silietuo.

Ezekiel 6:12

Kepetse nu ketuomia thepetheruo geinu siatatuo; kepenuo nu ketuomia zhiecha geinu sia; tsiu peshakelie mu lhiekeshü kehoupuorei pekrie geinu siatatuo. Hakemhie di ae uko gei a nouyieu chü tseiwatuo.

Obadia 1:10

Noe n siezeu Jakob dukhri, mu kemvü chükecüko la thenga thuo n zepfülietuo, tsiu kechachie n kelhiwatuo.

Malaki 1:3

derei a Esau ngumecü; ae puo rüna kijükhruko chü kemethuo mu puo kayieu pie meseruko la kijükesia puo chüwate.

Malaki 1:4

Edom sie, “Hie bie pesuowate derei hie kazhüketau chü piesie lalietuo,” iya rei, krodiko Jihovae puya: Uko chü la pesielie vi zo, derei a süu bierhuowatuo, mia uko üse kerüzhü rünau üdi kielie kemochie, mu kechachie Jihova u gei puo nei moketa themiako üdi kielie kemochie.