Thekrü 4:2 - Angami Naga CL (Re-edited) Bible (BSI)

² Zion nuonuo puoma kereko, suna kevipfü ze kemejülie vi! Kimhie di uko pie litho-u thedzie pie kechü rünyoli kemhie üte shi!

Thekrü 4:2 Iomraidhean Croise

Isaya 30:14

Siro süu keme litho-u li kepro mhie, vaphrobawa di puo tsoko donu miyiekhou chülie kevi yopuo, morei dzübou nu pie dzü thoulie kevi yopuorei ngulie motatuo.

Isaya 51:18

Puoe penuokeshü nuonuoko donu miapuorei puo cha thakeshü jü; puo nuo theke kesierko donu miapuorei puo dzie teshüketuo jü.

Jeremia 19:1

Jihovae puya: Vo di lithomia rünyo pie kechü lipfhü puo khrüliecie sidi uko donu phichümia mu thetsei zievoko huo sa zelie,

Jeremia 19:11

sidi uko ki hakemhie pushülie: Krodiko Jihovae puya: Ae rünyo lipfhüu biephrokewa tuoi di themia hako mu nadi hau biephrowatuo, mu süu chü kema lalie kenjü. Tofet nu u kekhru chü ba sa mota kemochie khru ba zotuo.

Jeremia 22:28

Konia hau thikewa liproketau, miapuorei lie nyü moketau me? Kiüdi puo mu puosepuoyie chü kelhoupie ue si kemo kijü nu shüwata ga?

Thekrü 2:21

Nhicumia mu phichümia chaüko nu tetsu zhüte; a rüüko mu a khriesako zhiecha geinu tetsu; no n nou meyieketa nhie uko dukhri, ngumezhie moto di dukhriwate.

Thekrü 5:12

Kedinuoko pie gouwa; phichümia rhukecü tuo mo.

Hosea 8:8

Israel mezuliete; uko tsie we seyieko donunu mhabou selie kesuo puo mhiete.

Zekaria 9:13

Kekreilamonyü a theü tuoi Juda galiete; a Efraim pie puo theütsie chüshü. A n nuonuoko piesieshütuo, He-i Zion, süko bu n nuonuoko petsoutuo, He-i Gris, sidi n chüpie terhümiavimia zhiecha mhieshütuo.

Korintmiako Kenieu 4:7

Derei kinyi süu hie geinu monyü Ukepenuopfü geinu par zokecü mia bu silieketuo la mhama kere süu rünyo üse kechü hie kelhou nu tuo zo.

Timothi Kenieu 2:20

Siro ki kezha nu zorei mhabou kekreicü baya; suna mu rakachü pie kechü rübei mo, derei sei mu rünyo pie chüya; huo se therhu mhatho chü tsiu huo we si zo mo.