Thekrü 4:16 - Angami Naga CL (Re-edited) Bible (BSI)

¹⁶ Jihova thuo uko bie ketsieyawate, puoe uko dze le sa mote; therhu pie zievoko tsü mo, phichüko khriekecü rei chü mo.

Thekrü 4:16 Iomraidhean Croise

Keriekitho 49:7

Rüse bu nnie nouyie gei pfülie; süue kemeriecü la! Mu nnie noupfhünouyie gei rei pfücie, süue puo zhosuocü la! A Jakob nunu nnie kezawatuo, sidi nnie bie ketsieyapie Israel nu shüwatuo.

Seyiedze Kenieu 36:17

Süla puo Chaldiako kediu ze uko petsou vorta, süue zhiecha üse uko kemesachü nunu uko khriesako duwa, thepfunuo kemedzüko, rüüko, ketsako mu phichüketako rei ngumezhie mo zo; puo uko pete khapie puo dzie nu shüwa.

Chieliko 106:27

seyieko donu uko tsiako penyüwatuoü, mu uko bu kijüko nu cüre tuotatuoü.

Chieliko 106:44

Sizorei puoe uko kekra pfhe kesi ki uko mezhie leshü.

Isaya 24:2

Siro themiako gei tuoi, zievomia gei rei tuo; mia dieu gei keshü tuoi, puo niepuu gei rei tuo; kituopfü gei keshü tuoi puo niepupfü gei rei tuo; kekhrüu gei tuoi, kezeu gei rei tuo; mia kethepuu gei tuoi thepukelieu gei rei tuo; mia bu u pu kepfüu gei tuoi, mia pu kepfüu gei rei tuo.

Isaya 47:6

A a themiako gei a nei mote, a a kayie chü perhuwate; a uko khapie n dzie nu shü, no uko ngumezhie mo; ketsako gei n vocie bie kemesi seshü.

Jeremia 15:4

A uko chüpie kijü nu kedi pete bu merietatuo kekreilamonyü Hezekia nuou Manasseh Juda kediue Jerusalem nu chüshüwaketa la.

Jeremia 24:9

Sidi ae uko chüpie kemeriekecümia, mu kijü nu kedi pete la mha kesuo puo, thenga chü, miadzemiase chü, u pese, mu a uko whuokeshü thechü kheko nu mia bu u rüsekecü chütuo.

Jeremia 52:24

Sitse kepfhekezhau phichü kezhatho-u Seraia, mu zievokezha süsieso-u Zefania, tsiu kikha kepfhe mia seko zelie;

Thekrü 2:20

He-i, Jihova, mehoshüyi, sidi leshücie! No supuo gei hau chüshü ga? Thenupfümia bu u geinu kepar, u penuokeshü nuonuoko cütieya me? Niepuu kemesachüu nunu zievomia mu siedzekesimia dukhriwatuo me?

Thekrü 2:6

Puoe puo rüsuokiu tezie puo tuoi bierhuowate, puoe puo pfhekiu bie pesuowate; Jihovae Zion nu thenyi tsiu sabat khawate, tsiu puo nou meyiethorkecü nunu kediu mu zievo-u rei meliewate.

Thekrü 5:12

Kedinuoko pie gouwa; phichümia rhukecü tuo mo.

Ezekiel 5:10

Ketho zo, miapuonuoko nieko donunu u nuonuoko chü cütuo, tsiu u nuonuoko rei upuonuoko chü cütuo; a nieko capi chütuo, siro nieko lhiepie kebako pete ae kezapie teikhrie pete nu shüwatuo.

Pulakeshüzho 28:25

Jihova n chüpie n bu n ngumvümia lhotatuo; no cha puo ze uko whuo pratuo, mu cha thenie ze uko mhodzü tatuo, n bu kijü nu kediko mhodzünu u phou kemehou puo chütatuo.

Pulakeshüzho 32:26

Ae uko bie kezawa di themia donu uko dze si sa kemo chüwaketuo lesie,

Ibriko 8:9

a uko puonuoko ze dietseidiekhokeshüu, a Ijipt nunu uko dzie teshü di uko cha tha ze kepar nhie mhie lho, ukoe a dietseidiekho-u nu tuolie mo, süla a rei uko sanyü mote, Niepuu sidi puya.