Thekrü 4:11 - Angami Naga CL (Re-edited) Bible (BSI)

¹¹ Jihovae puo noupfhü kha tseishü; puoe puo nouyie kereu rushü, sidi Zion nu mi petushü, sidi puo mvüdzeko thewa.

Thekrü 4:11 Iomraidhean Croise

Isaya 51:20

N nuonuoko phisiate, uko chabo pete nu thelou jal nu mapfü kezhü tuoi zhüte; Jihova noupfhüu mu n Kepenuopfü kerhiekecüu bu uko ketshu chüte.

Jeremia 13:14

Sidi a uko bu huoniehuo geinu kejoshütuo, miakrünuoko mu u nuonuoko, Jihovae siya. Ae mia ngumezhielie lho morei peshashülie lho morei khrielie lho derei süko pekawatuo.

Jeremia 17:27

Derei nie a pfhe rünyü mo, sabat zha se kemesa mo, mu sabat nhie thepie pfü di Jerusalem kharuko nu le suokecü si moro, a kharuko nu mi petushütuo; süue Jerusalem nu kedikiko thetuo mu tshülie lhotatuo.

Jeremia 21:14

Ae nie mhatho kheki sü chü di siazha pie nie tsütuo, Jihovae siya; siro ae ketsa sünu mi petushütuo, sidi süu khieümhou keba pete thewatuo.

Jeremia 36:7

Ukoe Jihova mhodzü uko mezhiemelo rei silie lhomu, sidi themia pete rei puo zho kesuo nunu rüreilie rei silie lhomu, kekreilamonyü Jihova noupfhüu tsiu nouyie themia hako gei shütuoükeshüu re seta zo,” sishü.

Jeremia 7:20

Süla Jihovae puya: A nei kemo mu a nouyie rupie thechü hanu, themia gei, khunuo gei, tsiu lie nu seiboko gei mu kijüu chiebie gei shütuo; süu thetuo tsiu tshülie lho.

Thekrü 2:1

Kimhie di Niepuue puo nouyieu pie Zion nuopfü chü kemengashü shi! Puoe teigei nu Israel ziviu chü kelhoupie kijü shüwate; puoe puo nou meyiekelie nhie puo phikhrau rükra mote.

Thekrü 2:17

Jihovae chüketuou chüwate, puo kepechüu se vorshüte; puoe thiedzütho pupie ketuou, ngumezhie moto di pekawate; puo ngumvümia bu n gei u neikecüu chüshüte, tsiu n ngumvümia kekuo chü pezhashüte.

Thekrü 2:3

Puoe puo nei mo seketa geinu Israel kekuo pete dathewate; puoe ngumvümia mhodzü nunu puo dzie puo zatsa teshüliete; sidi puoe miü tuoikecü pie Jakob thewate, süue puo khie keba lutsahatsa thewate.

Thekrü 2:4

Puoe ngumvümia puo tuoi puo theü gase bate, ngumvümia puo tuoi puo dzie puo zatsa dojüse thate; puoe Zionnuopfü pfhekiu nu keba, hie u la kemiakoyakezha kheko dukhriwate; puoe puo nouyie mi kemhie rushüte.

Thekrü 2:8

Jihovae Zion nuopfü dahou bie pesuoketuo rhüliete; puoe kemejüro-u teshülie; puo mha kepeka nunu puo dzie ketheshü mote; puoe kuda tsiu dahou bu kra khouite; uko kemezhie zhüte.

Thekrü 4:22

N kesuo kechü siazhau chüshüwate, he-i Zion nuopfü, puoe cüsie n ze vo miadie chü salie lhote; derei puoe n kesuo kechüko siazha chüshütuo, he-i Edom nuopfü; puoe n kephoumako hielashütuo.

Ezekiel 22:31

Süla a a noupfhünouyie rupie uko gei shü; sidi a nouyie miu nunu uko the pejüwa; a uko zho-u chüpie uko tsüko gei lashü, Niepuu Jihovae siya.

Ezekiel 36:18

Ukoe kijüu gei thezie pekrukecü la, mu uko terhuorhi se süu perhukewa la a nouyie rupie uko gei shütuo.

Ezekiel 6:12

Kepetse nu ketuomia thepetheruo geinu siatatuo; kepenuo nu ketuomia zhiecha geinu sia; tsiu peshakelie mu lhiekeshü kehoupuorei pekrie geinu siatatuo. Hakemhie di ae uko gei a nouyieu chü tseiwatuo.

Daniel 9:12

Puoe hie mu hie kezhako petsoukeshü puo dieko chü toushüte, hie kepeka sü zhathor zo, süusü Jerusalem petsou di chükeshü mhie tei khro kekreira chüshü chie mo.

Levimiako 26:28

a rei noupfhü nunu nie petsou tuo zotuo, di nie kephoumako la a thuo süde thenie se nie pechütuo.

Zefania 2:2

Shübe tuoi nie he petakewa mhodzü, Jihova nouyie kemeriekecüu nie gei kevor mhodzü, Jihova noupfhü teisozhau nieko gei kevor mhodzü.

Zekaria 1:6

Derei a dieko mu a zhoko, a kituo siedzekesiko ki pukeshüko, süko nieko puonuokoe sanyü mota mo üme? Siro uko thenou kedilie di sie, “Krodiko Jihovae chütuo üdi rhükelie mhiei u zhoko mu u mhathoko medzi di u gei mhachüshü.”

LUK THUKESHÜ DIELIEKEVI 21:22

Kekreilamonyü sükisü thupie ketuoko chü tseilieketuo khepu teisozhako zocü la.