Thekrü 4:10 - Angami Naga CL (Re-edited) Bible (BSI)

¹⁰ Mia ngumezhieyakecü thenupfüko dzie thuo u nuonuo pie dzü nu belie; süko pie u kecüca chü, a themiako kaketa nhie.

Thekrü 4:10 Iomraidhean Croise

Kediko Kenieu 25:3

Siro khrü diau nu zha thepfü nhie nadiu nu pekrie re se vorta, süla kijüu nu themiako kecüca puorei jüta.

Isaya 22:2

Nieko melie kekuoko, metoumebe keba nadiu, puo nei keba nadiu. N themia siaketako zhiecha geinu sia mo, morei terhü nu sia mo.

Isaya 49:15

Thenumiae puo nuo kenuyo rükra mo, morei puo noupranuoyo ngumezhie motalie vi me? Uko zowe rükra motalie vi, derei a we n rükra motalie lho zo.

Jeremia 19:9

Siro ae uko bu u nuonuo thepfumia chü mu thenumia chü cütuo, tsiu uko terhü kechü mu kemezhiekecü nunu u thuo u zanuomia chü cütuo, sidi u ngumvüko mu u kerheiro pfhü ketuoko u pechütuo.

Thekrü 2:11

A krakecü la a mhi meziete; a va chü bate; a se a rie kerülapie kijü shüwate, a themiako pekawaketa la, nhicuko tsiu kenunuoko nadiu chaüko nu phisia zhüketa la.

Thekrü 2:20

He-i, Jihova, mehoshüyi, sidi leshücie! No supuo gei hau chüshü ga? Thenupfümia bu u geinu kepar, u penuokeshü nuonuoko cütieya me? Niepuu kemesachüu nunu zievomia mu siedzekesimia dukhriwatuo me?

Thekrü 3:48

A themia kepeka la a mhidzü kerü nu dzükru tuoite.

Thekrü 4:3

Meseruko thuo zorei puo nu khapie u nuonuo kemedzüko bu nulieya, derei a themiako u zhosuote, rayha nu ostrik rako tuoite.

Ezekiel 5:10

Ketho zo, miapuonuoko nieko donunu u nuonuoko chü cütuo, tsiu u nuonuoko rei upuonuoko chü cütuo; a nieko capi chütuo, siro nieko lhiepie kebako pete ae kezapie teikhrie pete nu shüwatuo.

Levimiako 26:29

Nie-e nie nuo thepfunuoko chü cütuo, mu nie nuo thenunuoko chü cütuo.