Thekrü 3:48 - Angami Naga CL (Re-edited) Bible (BSI)

⁴⁸ A themia kepeka la a mhidzü kerü nu dzükru tuoite.

Thekrü 3:48 Iomraidhean Croise

Chieliko 119:136

A mhidzüe kerüdzü mhie kru parte, uko n zho medzilie kemo la.

Chieliko 137:1

Babilon rükhieko ba di, hie sünunu krata, hie Zion rükrakelie ki.

Jeremia 13:17

Derei nie rünyülie moliro, nie kemiakokecü la a ruopfüe pekhre di kra batatuo; a mhi-e kra phituo sidi mhidzü pekrütuo, Jihova kuoko teze kedie chü voketa la.

Jeremia 14:17

No die hau pie uko ki putuo: A mhinie bu teizeiteiso mhidzü pekrucie, mu unie bu rülei hiecie, kekreilamonyü rüü phousepfü a themiako kevü sei pie vü pesuo sewate, rüza zadi pfüliete.

Jeremia 4:19

A nou kemezhiete, a nou kemezhiete! A kechü la rüperülete! He-i, a melou keyau! A melou metouthorte; a kemekrie balie kenjüte; kekreilamonyü ae ketsü kekhou pfhe, terhü vorzhü üdi pesikeshü pfheu si bate.

Jeremia 9:1

He-i a tsüe dzüluo chü, tsiu a mhi-e mhidzü rü chüücü we, a teisoteizei a themia kejüko mia u dukhrikewako la kralietuomu ru!

Jeremia 9:18

uko bu rükri sie u la thekrü chüshülie, sitse u mhi nunu mhidzü krütatuo, tsiu u mhinhe geinu dzü kru tsurtuo.

Thekrü 1:16

Mha hako la a kra; a mhi nu mhidzü krütsur; kekreilamonyü thukepeluou a ki nu peciete, a kekuo chü perheishükezhau rei; a nuonuoko u dzükezei chü bate, ngumvümia kuolietakecü la.

Thekrü 2:11

A krakecü la a mhi meziete; a va chü bate; a se a rie kerülapie kijü shüwate, a themiako pekawaketa la, nhicuko tsiu kenunuoko nadiu chaüko nu phisia zhüketa la.

Thekrü 2:18

Niepuu ki shie petoshülie! He-i Zion nuopfü dahouu! Teisoteizei n mhidzü bu kerü puo tuoi kru tsuliecie! Rüleita hie, mu n mhi bu mhitshü hie!