Thekrü 2:22 - Angami Naga CL (Re-edited) Bible (BSI)

²² Noe thenyi teinhie tuoi lutsahatsa nu a ngumvümiako kieshüte; tsiu Jihova puo nou meyiekelie nhie miapuorei talie lho, morei rhei balie lho; ae meho mu theke se sierkecüko a ngumvümia thuo pekawate.

Thekrü 2:22 Iomraidhean Croise

Seyiedze Kenieu 36:17

Süla puo Chaldiako kediu ze uko petsou vorta, süue zhiecha üse uko kemesachü nunu uko khriesako duwa, thepfunuo kemedzüko, rüüko, ketsako mu phichüketako rei ngumezhie mo zo; puo uko pete khapie puo dzie nu shüwa.

Chieliko 31:13

Kenoupukecü die si phi vor ba, kemichie dze rübei! Uko a petsou di mharhü, a kerheiro liewatuo üdi rhü.

Isaya 28:19

Puo kevor metsei, puoe nie telietuo; puoe teisoduü vortuo, khinhie rei theva rei; mu diecau lelieketuo mha kemerie zotuo.

Jeremia 11:11

Süla, Jihovae puya, a kepeka se uko gei vor tou zotuo mu uko tapralie kenjü; uko thuo a ki u mezhiemelo zorei, a uko pfhe rünyülie lho.

Jeremia 14:19

No Juda kha lotsowate me? N meloue Zion rütsete me? Kiüdi no hie vükhrüshü di hie bu shürholie mo bata ga? Hie vitho pfhü, derei mha kevi ngulie mo, chü keshürhokecü tei puo pfhü, derei süu sou nu kemichie rübei.

Jeremia 20:3

Süsieduü Pashur-e cabo nunu Jeremia ze kepar ki, Jeremia sie puo ki, Jihovae n za pie Pashur üdi kie lhote derei, “Mha pete nu kemeriekecü,” ütatuo.

Jeremia 21:7

Siro süsietsa, Jihovae puya, ae Juda kediu Zedekia mu puo kituoko, tsiu nadi hau nu themiako, thepetheruo nunu zhiecha nunu, mu pekriekecü nunu lhie se kebako pie Babilon kediu Nebukadnezar dzie nu, mu uko ngumvüko dzie nu, uko kerheiro pfhü ketuoko dzie nu shüwatuo. Puoe zhiecha üse uko dukhrituo; puoe uko ngumezhielie lho, morei peshashülie lho, morei khrieshülie lho.

Jeremia 44:7

Süla krodiko Jihova, Israel Kepenuopfüe puya: Kedipuo la üdi nie mha kesuo haha chüpie nie thuo nie pesuo, mu Juda nunu thepfumia, mu thenumia, nhicumia mu nuoranuomia dathewa, sidi nie miapuorei lhiekelie jüta ga?

Jeremia 46:5

Kiüdi süko michie keba a ngu ga? Uko tsiesiete; uko terhümiavimiako penyüwate, sidi kenourhei tate. Uko rürei pesie la mo zo, kemeriekecü thuo lutsahatsa houpfü! Jihovae puya.

Jeremia 6:25

Lie nu tuo vo hie, morei cha nu tuo hie; kekreilamonyü ngumvümia zhiecha se tuo, tsiu lutsahatsa pete nu kemichie bate.”

Pulakeshüzho 28:18

N phou sikevü mu n kijü sikevü tsiu n khunuo sikevü, n kiri mu n kuonuo kruokecü nu rüsepfütuo.