Thekrü 2:21 - Angami Naga CL (Re-edited) Bible (BSI)

²¹ Nhicumia mu phichümia chaüko nu tetsu zhüte; a rüüko mu a khriesako zhiecha geinu tetsu; no n nou meyieketa nhie uko dukhri, ngumezhie moto di dukhriwate.

Thekrü 2:21 Iomraidhean Croise

Seyiedze Kenieu 36:17

Süla puo Chaldiako kediu ze uko petsou vorta, süue zhiecha üse uko kemesachü nunu uko khriesako duwa, thepfunuo kemedzüko, rüüko, ketsako mu phichüketako rei ngumezhie mo zo; puo uko pete khapie puo dzie nu shüwa.

Esther 3:13

Judamia phichünhicu pete, nhicunuo kecüko rei mu thenupfümia rei, khrü kerekenieu, Adar-u khrü zha kerese nhie, uko dukhriwa mu Judamia pete pejüwanu di leshüko ketsepie kediu rüna pete nu shüwata.

Isaya 27:11

Puo coko siata ro, süko tsetaya; thenupfüko vor di süko pie mi chüwaya. Themia hakoha kesikele kejü kro puo eru; süla uko chükeshüu uko ngumezhielie lho; uko rhikeshüu uko gei noulie thashülie lho.

Jeremia 11:22

Süla krodiko Jihovae puya: A siazha pie uko tsütuoüzhie; khriesako zhiecha geinu siatuo; uko nuonuo thepfu mu thenu rei pekrie nunu siatuo;

Jeremia 13:14

Sidi a uko bu huoniehuo geinu kejoshütuo, miakrünuoko mu u nuonuoko, Jihovae siya. Ae mia ngumezhielie lho morei peshashülie lho morei khrielie lho derei süko pekawatuo.

Jeremia 18:21

Süla uko nuonuoko pie pekriekecü nu shüwacie; zhiecha kekuo geinu uko zie peruwalie, u kimiako bu nuojü mu samimiapfü chütacie. Uko thepfuko bu thepe geinu siatacie, u khriesako bu terhü nu zhiecha geinu sia üthienyü.

Jeremia 21:7

Siro süsietsa, Jihovae puya, ae Juda kediu Zedekia mu puo kituoko, tsiu nadi hau nu themiako, thepetheruo nunu zhiecha nunu, mu pekriekecü nunu lhie se kebako pie Babilon kediu Nebukadnezar dzie nu, mu uko ngumvüko dzie nu, uko kerheiro pfhü ketuoko dzie nu shüwatuo. Puoe zhiecha üse uko dukhrituo; puoe uko ngumezhielie lho, morei peshashülie lho, morei khrieshülie lho.

Jeremia 4:31

Kekreilamonyü ae mhapfhe puo tuoikecü, nuorieu penuoshütuo üdi kemezhiekecü, Zion nuopfü pfhe hatoutoui di puo dzie yhapie lutsahatsashü di sie, “A we ce, chülietie! A we kedukhrimia mhodzünu phisiazhüte!” isikecü si ho.

Jeremia 51:22

a n ze di thepfumia mu thenumia vüdawaya; a n ze di phichümia mu nhicunuomia vüdawaya, a n ze di khriesamia mu thenunuomia vüdawaya;

Jeremia 6:11

Derei a gei Jihova noupfhüu tshu bate; ae süu pukecü la a nyiete. Süu rupie cha nu keba nuonuoko gei shücie, mu khriesamia vo kengu kebako gei rei shüwacie; siro thenuthepfu tsiu ketsamia mu tsatoketako sa di zetatuo.

Jeremia 9:20

He-i thenupfüko, rünyüliecie, Jihova dieu, tsiu nie nyie pie puo tie nu dieko rünyüliecie; nie nuopfüko ki thekrü kechü pethashülie, tsiu mia puopuokecü thekrü kechü pie puo zanuomia pethashülie.

Jeremia 9:21

“Kesiae vor u khirkiko tso bate, süu u kedikiko nu lerte, chaüko nunu nhicuko dukhriwatuoü tsiu ziekeko nunu khriekesako dukhriwatuo üdi,”

Thekrü 1:15

Jihova a khieki nu a terhümiavimia pete meliewate; puoe a khriesako bie pejüwatuo üdi teisozha puo chiepie a petsoute; Niepuue khubedzü kethebou tuoi, Juda nuo rüü phousepfü kedewate.

Thekrü 1:18

Jihova mezhü zo, kekreilamonyü ae puo die petsoute; derei rünyüliecie, nie themia pete, a rüünuoko mu khriesako miadie chü vote.

Thekrü 1:4

Zion nu kevo chako thekrü chü, miapuorei thenyiko nu vor mote; puo kharuko pete methuote, puo zievoko meheimelo bate; puo rüüko thenousuo bate, mu puo kemezhiekecü nu bate.

Thekrü 2:17

Jihovae chüketuou chüwate, puo kepechüu se vorshüte; puoe thiedzütho pupie ketuou, ngumezhie moto di pekawate; puo ngumvümia bu n gei u neikecüu chüshüte, tsiu n ngumvümia kekuo chü pezhashüte.

Thekrü 2:2

Niepuue pete ngumezhie moto zo di Jakob kelhou chüko pete pekawate; puoe puo noukemeyie geinu Juda nuopfü dahou kemeteiu biemewate; kedirüvie mu süko kezhako bie kezhasewate.

Thekrü 3:43

No nouyie chü dzielie di hie whuo, ngumezhie moto zo di dukhriwa;

Ezekiel 24:21

Israel kiu ki pushücie, Niepuu Jihovae puya: A a kemesa kiu perhuwatuo, nie kekuo kemelha bayakecüu, nie mhi keneiu, siro nie melou menguu; mu nie nuo thepfu rei thenu rei nie lhiepie kebako zhiecha geinu tetsutatuo.

Ezekiel 5:11

Süla a rhei tuoyakezha tuoi, Niepuu Jihovae puya: Ketho zo, nieko mha kerütsekecü pete pie a kemesachüu bie perhuwata zo, süla a rei nieko dathewatuo; a mhi-e ngu jowalie lho, mu a mia ngumezhieshülie lho zo.

Ezekiel 7:4

A mhi n ngu jowalie lho, a mia ngumezhielie lho, a n zhoko ki ze siazha kha n tsütuo, no kerütsekecüko n donu keba ki. Sitse no ae Jihova zo ücü silietuo.

Ezekiel 7:9

A mhi n ngu jowalie lho, ae mia ngumezhielie lho. A n rüli rhi nunu n nyie kecütuo, nie kerütsekecüko nie donu keba ki. Sitse vüshüyakezhau sü a Jihova zo ücü noe silietuo.

Ezekiel 8:18

Süla a rei nouyie se mhachütuo; a mhi uko ngu jowalie lho, morei ngumezhielie lho, tsiu uko thuo peto se di a bu si zotuoü shierei, a uko pfhe rünyülie lho,” sita.

Ezekiel 9:10

Derei a la we, a mhi mia ngu jowalie lho morei a mia ngumezhielie lho, derei a uko mhathoko pie uko tsügei shütuo.”

Amos 4:10

Ae Ijipt nu rhiu tuoi thepe ketsepie nieko donu shü; a zhiecha pie nie khriesako dukhriwa; a nie kierko tezeta; sidi a nie razhüchü cieürieketa reu bu nie nyhüki nu si voshü; sirei nie rürei a ki vorlie mo, Jihovae siya.

Amos 8:13

Teisozha sünhie rüü keziviko mu khriesako terhü di phisiatatuo.

Zekaria 11:6

Kekreilamonyü ae kijü nu lhou ketuoko ngumezhie salie lho, Jihovae siya. A uko mia puopuokecü pie puo zanuou dzie nu shütuo, mu uko kha phrepie kediu dzie nu shüwatuo, sidi ukoe kijüu pekawatuo, mu uko dzie nunu a miapuorei kelashülie lho.

Pulakeshüzho 28:50

puo dzükezie jü zokecü seyie, phichümia rei rünyü kemo, mu nhicumia rei ngumezhieya mo.

Pulakeshüzho 32:25

Chazou ro zhiecha, kinu ro kemeriekecü se khriesamia tsiu rüümia, kenunuomia mu tsüpouko rei pekatuo.

Joshua 6:21

Siro uko zhiecha se nadiu nu mha pete peka lotsowa, thepfumia rei thenumia rei, phichünhicu mu sizomonyü mithu, tekuo, siro gada rei pete dukhriwa.

Samuel Kerieu 15:3

Süla tsie kho Amalekmia whuocie, sidi uko peka lotsowalie, uko keba pete rei pekawaliecie. Miapuorei peshashü hie, thepfu mu thenu, phichünhicu mu mithu, tekuo, ut, mu gada pete dukhriwalie.’ ”