Thekrü 2:20 - Angami Naga CL (Re-edited) Bible (BSI)

²⁰ He-i, Jihova, mehoshüyi, sidi leshücie! No supuo gei hau chüshü ga? Thenupfümia bu u geinu kepar, u penuokeshü nuonuoko cütieya me? Niepuu kemesachüu nunu zievomia mu siedzekesimia dukhriwatuo me?

Thekrü 2:20 Iomraidhean Croise

Seyiedze Kenieu 36:17

Süla puo Chaldiako kediu ze uko petsou vorta, süue zhiecha üse uko kemesachü nunu uko khriesako duwa, thepfunuo kemedzüko, rüüko, ketsako mu phichüketako rei ngumezhie mo zo; puo uko pete khapie puo dzie nu shüwa.

Chieliko 78:64

Uko zievoko zhiecha geinu tetsuta, mu uko samipfüko thekrü puorei chü mo.

Toukepra 32:11

Derei Mosae Jihova puo Kepenuopfü ki cha di sie, “He-i Jihova, kiüdi n noupfhü bu rüda sier di n themiako petsou bata ga? No n thuo kekuo kezha mu n dzie kekuo üse Ijipt kijü nunu uko ze parshü ze.

Isaya 22:2

Nieko melie kekuoko, metoumebe keba nadiu, puo nei keba nadiu. N themia siaketako zhiecha geinu sia mo, morei terhü nu sia mo.

Jeremia 19:9

Siro ae uko bu u nuonuo thepfumia chü mu thenumia chü cütuo, tsiu uko terhü kechü mu kemezhiekecü nunu u thuo u zanuomia chü cütuo, sidi u ngumvüko mu u kerheiro pfhü ketuoko u pechütuo.

Jeremia 21:7

Siro süsietsa, Jihovae puya, ae Juda kediu Zedekia mu puo kituoko, tsiu nadi hau nu themiako, thepetheruo nunu zhiecha nunu, mu pekriekecü nunu lhie se kebako pie Babilon kediu Nebukadnezar dzie nu, mu uko ngumvüko dzie nu, uko kerheiro pfhü ketuoko dzie nu shüwatuo. Puoe zhiecha üse uko dukhrituo; puoe uko ngumezhielie lho, morei peshashülie lho, morei khrieshülie lho.

Jeremia 5:31

Siedzekesiko ketijü siedzedie pu, mu zievokoe siedzekesiko pukeshü medzi di mha kekha; a themiakoe sikecü u neite, derei nieko puo thela kevor nhie kedipuo chütuo ga?

Thekrü 1:19

A a neimiako kieshü derei uko a sewate; a zievoko mu phichümiako uko kekuo chü penyilietuo üdi uko kecüca pfhüketuo ki nadiu nunu kate.

Thekrü 4:10

Mia ngumezhieyakecü thenupfüko dzie thuo u nuonuo pie dzü nu belie; süko pie u kecüca chü, a themiako kaketa nhie.

Thekrü 4:13

Puo siedzekesiko kephouma la, tsiu puo zievoko mha kesuo kechü la, ukoe u donu kemiathomia zie pekrukecü lanu zo.

Thekrü 4:16

Jihova thuo uko bie ketsieyawate, puoe uko dze le sa mote; therhu pie zievoko tsü mo, phichüko khriekecü rei chü mo.

Ezekiel 5:10

Ketho zo, miapuonuoko nieko donunu u nuonuoko chü cütuo, tsiu u nuonuoko rei upuonuoko chü cütuo; a nieko capi chütuo, siro nieko lhiepie kebako pete ae kezapie teikhrie pete nu shüwatuo.

Ezekiel 9:7

Sitse puo uko ki, “Kiu bie perhuwalie, mu dukhrikewako pie kitiezhau ketshu chüwaliecie. Tuoshülie!” Süla uko tuo pra di nadiu nu themiako dukhri vota.

Levimiako 26:29

Nie-e nie nuo thepfunuoko chü cütuo, mu nie nuo thenunuoko chü cütuo.

Pulakeshüzho 9:26

Sitse ae Jihova ki cha di sie, “He-i Kepenuopfü Jihova, n themiako mu n kayieko, no n kezha nunu uko rhakelieko, n kekuo dzie se Ijipt nunu ze parkelieko pekawa hiecie.