Thekrü 2:19 - Angami Naga CL (Re-edited) Bible (BSI)

¹⁹ Sielie, theva gei krashülie, rükhou therie nunu sede di! Dzü kemhie di n nou rupie Niepuu mhodzünu shülie! N nuonuoko chaü pete nu merü di phisia zhüketako kerheiro la n dzie yhapie puo ki shülie.

Thekrü 2:19 Iomraidhean Croise

JOB LESHÜDAU 3:24

Kekreilamonyü a noukesuou a niekhrüda tuoi vorya, tsiu a meheimelokecü dzü kemhie lashü.

Chieliko 119:55

He-i Jihova, a theva gei n za rükralieya, sidi n zhoko se balieya.

Chieliko 134:2

Nie dzie yhapie kemesachüu gei shülie, sidi nieko Jihova tshelie.

Chieliko 141:2

A kecha bu n mhodzünu kethengu tuoilie thienyü, a dzie yhakesie bu thevatie ruosuo puo tuoilie.

Chieliko 142:2

A a panyako puo mhodzünu hielashü; a mezhieko pie puo ki pushü.

Chieliko 142:3

A ruopfüe phisiaketa ki, noe a chau si. A ketuo chau nu uko a la ciephrie puo keviepie zhüte.

Chieliko 28:2

A mezhiemelokeshü rünyüshüyi, n kekhruohi mengu di chazhie, a a dzie yhapie n kemesa rüsuokitsa va di.

Chieliko 42:3

A mhidzüko pie teisoteizei a ca chü bate; sirei uko zhate a ki, “N Kepenuopfü kirapuo ba ga?” siya.

Chieliko 42:4

A hako rükrakeshü ki, a ruopfü rushü, a themia kro-u ze vo zo, a uko ze Ukepenuopfü ki nu vo, kenei mu ketshe pfhe chü dinu, kemesa teisozha se keba krodi puo ze di.

Chieliko 42:8

Sirei Jihovae khinhie gei puo ketseikevi khashütuo, tsiu theva gei puo tsali a ze balietuo, mu a kechau pie a kerheiro Kepenuopfü ki shü.

Chieliko 62:8

Harie themiako, puo pele sei zoliecie; nie nou rupie puo mhodzünu shüshülie; Ukepenuopfü sü úko la rüzhükelie chü puowe. Selah

Chieliko 63:4

A rhei keba chie n tshetuo; a dzie yhapie di n za kietuo.

Isaya 26:9

A ruopfüe theva gei n menguya, a nou ruopfüu n pfhü kelho ba. N capiko kijü nu keba ki, kijü nu kelhoukoe kemiatho silieya.

Isaya 51:20

N nuonuoko phisiate, uko chabo pete nu thelou jal nu mapfü kezhü tuoi zhüte; Jihova noupfhüu mu n Kepenuopfü kerhiekecüu bu uko ketshu chüte.

Jeremia 14:18

A lie nu tsu ro, zhiecha pie dukhrikewako ngu! Mu a nadi nu le ro, pekrie la suo kebako ngu! Kekreilamonyü siedzekesiu mu zievo-u unie kenienie kijüu nu rühou di u mhatho pie thelhi chü tuote, mu unie kenienie rei kesikele tuo mo.

Jeremia 9:20

He-i thenupfüko, rünyüliecie, Jihova dieu, tsiu nie nyie pie puo tie nu dieko rünyüliecie; nie nuopfüko ki thekrü kechü pethashülie, tsiu mia puopuokecü thekrü kechü pie puo zanuomia pethashülie.

Ezekiel 5:10

Ketho zo, miapuonuoko nieko donunu u nuonuoko chü cütuo, tsiu u nuonuoko rei upuonuoko chü cütuo; a nieko capi chütuo, siro nieko lhiepie kebako pete ae kezapie teikhrie pete nu shüwatuo.

Ezekiel 5:16

a nieko petsou di pekriekecü, kesia theüko, kepeka theüko ketsepie nieko pekakeshü ki, sidi a pekriekecü chü pekrashü mu nieko kecüca bie pejükewa ki.

Mika 1:16

No tsüpie chütalie mu n tsütha bewaliecie, no khrieyakecü nhicuko la, tsüü tuoi n tsü bu pie tseitalie, kekreilamonyü ukoe n ki nunu miadie chü votakecü la.

Nahum 3:10

Sishierei puo miadie chüte, puo miadie chü vote; puo nuonuo kecüko rei chatietshü pete nunu vütshie phawate; puo themia kezhako la dape, puo themia kemeyieko pete thegiro se pha ze phrete.

Mathi 14:25

Siro khiserüna Jisue dzükezha mho geinu cha tuo uko ki vorzhü.

Mark 1:35

Siro khise teiso pi par kemonu puo sielie di tuo mia kejüra puo vo di kecha chü bata.

Mark 13:35

Süla nieko pfheüla ba zoliecie, kekreilamonyü nieko rei ki niepuu thevatie tuo mo khisoteiluo tuo mo, thevü kekhou ki tuo mo, khise tuo shi: puo kevor tei si kemo la,

LUK THUKESHÜ DIELIEKEVI 6:12

Siro süki puo kecha chütuoü kijüthou puo gei vota, sidi puo teizeizha pete Ukepenuopfü ki cha ba tso.

Timothi Kerieu 2:8

Siro a thepfumia bu kehourapuorei noupfhünouyie se mo mu keprülita mo di kemesa dzie yhapie chakecü a nei;

Capiko 7:19

Sidi Gideon mu mia krie puo puo ze ketuoko khisoteiluo rükhou sedekecü ki, tsiu rükhou kevalilie therieki vor razhüchüu tsolie; sidi ukoe ketsüko khoushü, mu uko dzie nu pieketuo lipfhüko biephroshü.

Samuel Kerieu 1:15

Sitse Hanae sie, “Molie, a niepuu, ae thenou suo tuoyakezhapfü puolie; a zu morei zu kekuo krie di meze ba mo, derei a nou lapie Jihova ki rükhruo balie.

Samuel Kerieu 7:6

Sidi uko vor Mizpa nu kengulie tse, dzüülie di rupie Jihova mhodzünu shü, mu sünhie mevo mu uko kejo phra di sie, “Hie Jihova mhodzünu phoumawate,” ilie. Siro Samuel-e Mizpa nu Israelko capi chü.