Thekrü 2:18 - Angami Naga CL (Re-edited) Bible (BSI)

¹⁸ Niepuu ki shie petoshülie! He-i Zion nuopfü dahouu! Teisoteizei n mhidzü bu kerü puo tuoi kru tsuliecie! Rüleita hie, mu n mhi bu mhitshü hie!

Thekrü 2:18 Iomraidhean Croise

Chieliko 119:136

A mhidzüe kerüdzü mhie kru parte, uko n zho medzilie kemo la.

Chieliko 119:145

He-i Jihova, a nou pete se kieya, a pfhekhoshücie, no chünukecüko a ze zotuo.

Jeremia 13:17

Derei nie rünyülie moliro, nie kemiakokecü la a ruopfüe pekhre di kra batatuo; a mhi-e kra phituo sidi mhidzü pekrütuo, Jihova kuoko teze kedie chü voketa la.

Jeremia 14:17

No die hau pie uko ki putuo: A mhinie bu teizeiteiso mhidzü pekrucie, mu unie bu rülei hiecie, kekreilamonyü rüü phousepfü a themiako kevü sei pie vü pesuo sewate, rüza zadi pfüliete.

Jeremia 4:31

Kekreilamonyü ae mhapfhe puo tuoikecü, nuorieu penuoshütuo üdi kemezhiekecü, Zion nuopfü pfhe hatoutoui di puo dzie yhapie lutsahatsashü di sie, “A we ce, chülietie! A we kedukhrimia mhodzünu phisiazhüte!” isikecü si ho.

Jeremia 9:1

He-i a tsüe dzüluo chü, tsiu a mhi-e mhidzü rü chüücü we, a teisoteizei a themia kejüko mia u dukhrikewako la kralietuomu ru!

Thekrü 1:16

Mha hako la a kra; a mhi nu mhidzü krütsur; kekreilamonyü thukepeluou a ki nu peciete, a kekuo chü perheishükezhau rei; a nuonuoko u dzükezei chü bate, ngumvümia kuolietakecü la.

Thekrü 1:2

Puoe theva gei kra phi baya, puo mhidzü puo dzo kerhiekerho pfü di; puo kekhrieko donu miapuorei puo nou thupeluoketuo ba mo; puo zemia pete rei puo gei kelhie, ukoe puo ngumvümia chüte.

Thekrü 2:8

Jihovae Zion nuopfü dahou bie pesuoketuo rhüliete; puoe kemejüro-u teshülie; puo mha kepeka nunu puo dzie ketheshü mote; puoe kuda tsiu dahou bu kra khouite; uko kemezhie zhüte.

Hosea 7:14

Uko u melou nunu kra a ki shü mo, derei uko zhüko geinu meheimelozhü; uko telha mu zu kesa la vo kengulie; uko a petsou sierte.

Habakuk 2:11

Ketsieko thuo sozha geinu melie partatuo, siro no mela donunu mhanyhüpie kebako thuo süu die kelashütuo.