Thekrü 2:17 - Angami Naga CL (Re-edited) Bible (BSI)

¹⁷ Jihovae chüketuou chüwate, puo kepechüu se vorshüte; puoe thiedzütho pupie ketuou, ngumezhie moto di pekawate; puo ngumvümia bu n gei u neikecüu chüshüte, tsiu n ngumvümia kekuo chü pezhashüte.

Thekrü 2:17 Iomraidhean Croise

Kediko Kerieu 9:7

süsie ae khapie uko ketsü kijüu nunu Israel dathewatuo; mu ki hau la, ae a za la chü kemesakelieu a a mhodzü nunu chü kelhouwatuo; sidi Israel bu mia pete donu miadzeüse tsiu mia krenyü chü tuotatuo.

Chieliko 35:24

Harie Jihova, n kemiatho-u nunu a nyie pepishücie, mu uko bu a la u neita hiecie!

Chieliko 35:26

A kemezhiekelie ki u neiyakezhako bu thenga chü mu u ziekejü chütalie; a petsou di u thuo u chü pezhalieyakezhako bu thenga mu therhu kejü dzietalie.

Chieliko 38:16

Süla a chaya, “A bu uko nei krawa hiecie, a tsierhiekelie ki u neiyakezhako bu.”

Chieliko 89:42

Noe puo ngumvümiako dzie thezatsa chü pezhashüte, no puo ngumvüko pete bu u nei.

Chieliko 89:43

Noe puo zhiecha puoütsa kereiwate, terhü nu puo khruohishü mota.

Isaya 14:29

Nie nei hiecie, nie Filistinko pete, nie kevü seiro-u tseta üdi, kekreilamonyü tinyhüu mieu geinu nyhübvü puo partuo, mu süu siue tinyhü kekhrie pruokecü puo tuo.

Jeremia 18:11

Süla tsie, Juda themiako mu Jerusalem nu kelhouko ki pushüliecie: Jihovae puya: Harie, ae mha kesuo puo rhipie nieko ngumvütuoü bate, tsiu mhapuo rhüpie nieko petsoutuoü bate, tsie nie pete mhatho kesuo nunu rüreilie, sidi nie zhoko mu nie mhathoko bu viliecie.

Jeremia 4:28

Hauha la kijüu kratuo, tsiu pesogei teiko teimekietatuo; kekreilamonyü ae pushüte, a süu rhüshüte; tsiu a nou rüdi lalie lho, morei sünunu tsiesietalie lho.

Jeremia 40:3

mu tsie Jihovae süu chüshüte, tsiu puo kepu tuoi chüshüte, kekreilamonyü niekoe Jihova gei phoumawate tsiu puo pfhe rünyülie mo. Süla mha hau nieko gei vorketa zo.

Thekrü 1:5

Puo peseyakezhamia bu puo niepumia chüte, puo ngumvümia vi kehie siete, Jihovae puo bu kemezhielie, puo kephouma kekra baketa la; puo nuonuoko ngumvümia mhodzü kedie chü vote.

Thekrü 2:8

Jihovae Zion nuopfü dahou bie pesuoketuo rhüliete; puoe kemejüro-u teshülie; puo mha kepeka nunu puo dzie ketheshü mote; puoe kuda tsiu dahou bu kra khouite; uko kemezhie zhüte.

Thekrü 3:43

No nouyie chü dzielie di hie whuo, ngumezhie moto zo di dukhriwa;

Thekrü 4:11

Jihovae puo noupfhü kha tseishü; puoe puo nouyie kereu rushü, sidi Zion nu mi petushü, sidi puo mvüdzeko thewa.

Ezekiel 5:11

Süla a rhei tuoyakezha tuoi, Niepuu Jihovae puya: Ketho zo, nieko mha kerütsekecü pete pie a kemesachüu bie perhuwata zo, süla a rei nieko dathewatuo; a mhi-e ngu jowalie lho, mu a mia ngumezhieshülie lho zo.

Ezekiel 8:18

Süla a rei nouyie se mhachütuo; a mhi uko ngu jowalie lho, morei ngumezhielie lho, tsiu uko thuo peto se di a bu si zotuoü shierei, a uko pfhe rünyülie lho,” sita.

Ezekiel 9:10

Derei a la we, a mhi mia ngu jowalie lho morei a mia ngumezhielie lho, derei a uko mhathoko pie uko tsügei shütuo.”

Daniel 9:12

Puoe hie mu hie kezhako petsoukeshü puo dieko chü toushüte, hie kepeka sü zhathor zo, süusü Jerusalem petsou di chükeshü mhie tei khro kekreira chüshü chie mo.

Mika 2:3

Süla Jihovae puya: Tsie, a kikru hau petsou di mha kesuo rhüzhie, sünunu niekoe nie vo kereilie kenjütatuo; tsiu kerüzha di tuolie motatuo; kekreilamonyü süu teisozha kesuo puotatuo.

Zefania 1:2

A kijüu zie geinu mha pete tsho kemesa tseiwatuo, Jihovae siya.

Zekaria 1:6

Derei a dieko mu a zhoko, a kituo siedzekesiko ki pukeshüko, süko nieko puonuokoe sanyü mota mo üme? Siro uko thenou kedilie di sie, “Krodiko Jihovae chütuo üdi rhükelie mhiei u zhoko mu u mhathoko medzi di u gei mhachüshü.”