Thekrü 2:14 - Angami Naga CL (Re-edited) Bible (BSI)

¹⁴ N siedzekesikoe n la kemeda mu mia sekedokecü ziemhoko ngushüte; Ukoe miadie chü ketuo nu kela lalieketuo la, n kephoumau hielashü mote, derei n la kemeda mu cha tha kekrükecü die pukeshü ngu.

Thekrü 2:14 Iomraidhean Croise

Isaya 58:1

Shiekhouilie, ketheta hie! Ketsü puo tuoi n pfhe piesielie! A themiako ki uko kejo pushülie, Jakob kinumia ki u kephoumako pushülie.

Jeremia 2:8

Zievokoe, “Jihova kirapuo ba ga?” sikecü pu mote. Siro thezho kesekoe a si mo; kezhako a gei kejokemou chü; siedzekesiko Baal geinu siedzedie pu, sidi puo kemevi kejütsa whuo vota.

Jeremia 20:6

Siro no, Pashur, mu n kinu keba pete, miadie chü votatuo, mu no Babilon nu votatuo; sidi sünunu no siatatuo, mu sünunu n khruwatuo, no mu n zemia pete, no uko ki ketijü siedzedie pukeshü kheko.

Jeremia 23:22

Derei ukoe a kepetha nu thalie, sidi a dieko pie a themiako ki pushülie ro, sitse ukoe uko zho kesuo nunu rüreilie, mu uko mhatho kesuoko nunu rüdilie zotuo.

Jeremia 23:36

Derei “Jihova pieu” nie pu salie lho, kekreilamonyü thepieue themia pete dieu chütatuo, niekoe rhei tuoyakezha Ukepenuopfü, krodiko Jihova, úko Kepenuopfü dieko chü kediwaketa la.

Jeremia 28:15

Mu siedzekesiu Jeremia sie Hanania siedzekesiu üse, “Rünyüliecie, Hanania, Jihova n ketseshü mo, mu no themia hako chüpie uko bu kemeda pelete.

Jeremia 29:21

Krodiko Jihova, Israel Kepenuopfüe puya, Kolaia nuou Ahab mu Maseia nuou Zedekia a za nunu ketijü siedzedie pu di: A uko khapie Babilon kediu Nebukadnezar dzie nu shüwatuo, mu puoe nieko mhinguki nu uko dukhriwatuo.

Jeremia 37:19

N siedzekesiko n ki siedzedie pu di, ‘Babilon kediu vor no mu n kijüu perhielie lho,’ isi ketuoko kirapuo tuota ga?

Jeremia 5:31

Siedzekesiko ketijü siedzedie pu, mu zievokoe siedzekesiko pukeshü medzi di mha kekha; a themiakoe sikecü u neite, derei nieko puo thela kevor nhie kedipuo chütuo ga?

Thekrü 4:13

Puo siedzekesiko kephouma la, tsiu puo zievoko mha kesuo kechü la, ukoe u donu kemiathomia zie pekrukecü lanu zo.

Ezekiel 13:22

Kekreilamonyü nie meda di kemiathomia nou chü pesuowate, a sükosü nou chü pesuoshü mo zo ciü, sidi kerüzhümia dzie chü kemeteishü, sidi puo ki rheilieketuo dze pu di, puo bu puo kerüzhü nunu rüdilie kelho chüwa.

Ezekiel 22:25

Puo kedinuokoe losha puo chüte pfhü di mehoketuo mhie zo; uko themia kerheiro mezuliete; uko kinyi mu mhama kereko lieliete; uko samimiapfü kekra chüshüliete.

Ezekiel 22:28

Puo siedzekesiko uko sou nu u nyhü pekrapfü, ziemho kemeda ngu mu uko la kemeda pu di sie, “Niepuu Jihovae puya,” siya. Jihova mha pushü mo zo ürei,

Ezekiel 23:36

Siro Jihova a ki: Themiau, no Ohola mu Oholiba unie capi chütieya me? Siüro unie mhatho kerütsekecüko se unie ki pushüliecie.

Hosea 9:7

Siazha khashüketuo teisozhau vorte, su laketuo teisozhau vorte; Israel shiekhoui di, “Siedzekesiue kenyamia, ruopfü themiau melute!” Kekreilamonyü nie kejokemou kezha la, n kepetsou rei rete.

Mika 2:11

Mhanuü mia puoe meda di kemethuo die pu tuota, sidi sie, “A nieko ki khubezu mu zu kekuo dze pushütuo,” siliro süue themia hako la kepethamia puota zotuo!

Mika 3:8

Derei a la we, kekuo, Jihova ruopfü mu kethoca, tsiu kemecakemekhro se a tshupfülietuo, Jakob kesuo kechü mu Israel kephouma thashüketuo la.

Zefania 3:4

Puo siedzekesikoe kehoukeruo chü, kepele kejü themia zo; puo zievokoe mha kemesako bie perhuwaya, ukoe thezho-u gei zhosuo chü.