Thekrü 2:10 - Angami Naga CL (Re-edited) Bible (BSI)

¹⁰ Zion nuopfü phichüko kemekrie di kijü bate; ukoe nyophe kelhoupie uko tsü gei shü mu gakhropfhe dzie bate; Jerusalem rüüko u tsü pesupie kijü tsu tuote.

Thekrü 2:10 Iomraidhean Croise

Samuel Kenieu 13:19

Derei Tamar-e mige pie puo tsü gei shülie, tsiu puo boulie kerütshuu seketuou cierhawa; sidi hapfüe puo dzie pie puo tsü kegulie di cha ze kra vota.

Isaya 15:3

chadiko nu ukoe gakhropfhe se u phapfü; kitsüle gei mu kitiezhako nu mia pete kra mu u mhidzü krü tuote.

Isaya 3:24

Puore kevi sou nu menakecü batuo; chiepha sou nu kero; u tsütha kevi sou nu tsüpie batuo; mu puoma kere pfhedzie sou nu gakhropfhe chiecha; zivi sou nu thenga batuo.

Isaya 3:26

Mu süpfü kharuko nu thekrü chü mu kratuo, puo menyümenouwa di, puo bu tsu kijü batatuo.

Isaya 36:22

Sitse Hilkia nuou Eliakim, kediki mhokezhau mu kethuu Shebna mu Asaf nuou Joah, thedze kethuu uko pfhe cierha zo di Hezekia ki vor Rabshakeu dieko pie puo ki pushü.

Isaya 47:1

He-i Babilon nuo rüü phousepfü, ker di nyophe nu balie! Chaldia nuopfü, kediba gei mo di kijü balie! No üse nuokhrienuozünuo üdi kie salie lhoketa la.

Isaya 47:5

Chaldia nuopfü, kemekrie balie, mu kezei nu volie! No üse kedibako niepupfü üdi kie salie lhoketa la.

Jeremia 8:14

Kiüdi úko kemekrie bata ga? Vo kenguliecie, úko kuda houpie keba nadiko nu le khe, sidi kata khe; kekreilamonyü Ukepenuopfü Jihovae u bu katatuo üdi u khapie bawate, sidi therei dzü pie u bu krietuoü khashü, kekreilamonyü we Jihova gei jowatacü la.

Thekrü 1:1

Kiüdi themia ketshu chüpfü keba nadiu nu themia tuo mote shi! Kiüdi puo bu samipfü tuoite shi, puoe seyieko donu kezhau chü! Puoe kedirüvieko donu kedipfü chü ba ru kituomia chüte.

Thekrü 1:4

Zion nu kevo chako thekrü chü, miapuorei thenyiko nu vor mote; puo kharuko pete methuote, puo zievoko meheimelo bate; puo rüüko thenousuo bate, mu puo kemezhiekecü nu bate.

Thekrü 3:28

kemekrie di Niepuu u pie dakeshüu pfükelie,

Thekrü 4:16

Jihova thuo uko bie ketsieyawate, puoe uko dze le sa mote; therhu pie zievoko tsü mo, phichüko khriekecü rei chü mo.

Thekrü 4:5

Kecükekrie pie thehethehie chüketuomia chaüko nunu kate; pfhe meriemegekecü dzie kevormia thubuokhruko nu bate.

Thekrü 5:12

Kedinuoko pie gouwa; phichümia rhukecü tuo mo.

Thekrü 5:14

Nadi kharu nu phichümia ba sa mote, khriesamia tsali chü sa mote.

Ezekiel 27:30

Sidi n la shie petoshütuo, tsiu krakhouitatuo. Uko nyophe kelhoupie utsü gei shü, sidi nyophe nunu rüphre zhütatuo.

Ezekiel 27:31

Uko n la u thuo u chü kemethuowatuo, sidi gakhropfhe chü dzietuo, siro n la u nousuo phi di kratuo, tsiu thekrü chütuo.

Ezekiel 7:18

Ukoe gakhropfhe dzietatuo, kemeriekecü thuo uko whelietuo. Thezie pete rei mengatatuo, tsiu uko pete u tsü pietatuo.

Joel 1:8

Rüü phousepfü puoe gakhropfhe dzie di puo nupfu chütuoü kebau la thekrü kechü tuoiliecie.

Amos 5:13

Süla kemenuomia süteiki kemekrie batatuo; puotei süki vi mokecü la.

Amos 8:13

Teisozha sünhie rüü keziviko mu khriesako terhü di phisiatatuo.

Amos 8:3

Teisozha sünhie rüsuoki nu tsaliko kekra pfhe chütatuo.” Niepuu Jihovae puya; “Kesiamo kra phitatuo, süko kelhoupie thechü pete nu shütatuo. Kemekrie batalie!”

Jona 3:6

Siro dielieu Ninevi kediu ki vo tse, puoe puo kediba nunu sielie, di puo boulie rhuowa, sidi gakhropfhe se puo whelie tsiu mige nu bata.

Joshua 7:6

Sitse Joshua tsiu Israelmia phichüko upfhe cierha mu uzie pie kijü zerepfülie di Jihova dietseidiekhobouu mhodzünu zhü thevatie tsota, siro nyophe pie uko tsügei shüpfü.

Pesikeshü 18:19

Mu uko nyophe kelhoupie u tsügei shülie tsiu kra mu thekrü chü di, “Hou, hou, nadi kezhapfü, dzükezha nu rou kenyimiako puo kinyi la mhanyikelie ze! Ru bavüdo puo nu puo pekaperuowate.”