Thekrü 2:1 - Angami Naga CL (Re-edited) Bible (BSI)

¹ Kimhie di Niepuue puo nouyieu pie Zion nuopfü chü kemengashü shi! Puoe teigei nu Israel ziviu chü kelhoupie kijü shüwate; puoe puo nou meyiekelie nhie puo phikhrau rükra mote.

Thekrü 2:1 Iomraidhean Croise

Samuel Kenieu 1:19

He-i Israel, n zapuzayieu, n thechü kerükrieko geinu geipie zhüwate! Kimhie di kekuomia tetsute shi!

Seyiedze Kerieu 28:2

Süsie kediu siethalie di sie, “A siezedzürieko mu a themia pete a pfhe rünyüliecie, ae Jihova dietseidiekhobouu bu rülei balieketuo la Ukepenuopfü phipra puo chütuoü rhüliete; a kiu chütuo üdi mha keselie.

Chieliko 132:7

“Úko Puo rüsuopfhekiu nu le khe, úko puo phiba kinu rüsuo khe.”

Chieliko 89:45

No puo khriesa zhako da pedzüwa, thenga pie puo zewate. Selah

Chieliko 99:5

Nieko Ukepenuopfü Jihova chü kerükrieliecie, mu puo phiba kinu rüsuolie; puoe mesa.

Isaya 64:11

Hie ki kemesa mu keziviu, hie puonuoko sünunu n tshe kevor-u, mi bu thewate, mu thenou kemvü thechüko pete bie pesuowate.

Jeremia 30:14

N kekhriemia pete n rükra mote; uko n la u nounyü puorei jü; kekreilamonyü ae ngumvümia tuoi n bieshü, ngumvümia u zhosuo di chüyakezha tuoi, süusü n kejokemou zha phiketa la, mu n kephouma kra phiketa lanu zo.

Thekrü 1:1

Kiüdi themia ketshu chüpfü keba nadiu nu themia tuo mote shi! Kiüdi puo bu samipfü tuoite shi, puoe seyieko donu kezhau chü! Puoe kedirüvieko donu kedipfü chü ba ru kituomia chüte.

Thekrü 1:12

Nieko pfüthe vokecü, nie mhapuorei mo zo me? Mehoshücie sidi leshücie, a nousuo mhiekecü thenou kesuo huo ba me, süu a gei vorte, Jihova puo nei mo pie kemerie chüketa nhie hai di kemezhiekecü pie a gei shüwaketa la.

Thekrü 2:17

Jihovae chüketuou chüwate, puo kepechüu se vorshüte; puoe thiedzütho pupie ketuou, ngumezhie moto di pekawate; puo ngumvümia bu n gei u neikecüu chüshüte, tsiu n ngumvümia kekuo chü pezhashüte.

Thekrü 4:1

Kikemhie di sunau zeita, siro kimhie di suna kevithopfü rüdite mu! Kemesa tsieko khu ketoupie chaü peteko nu kezakeziwate.

Thekrü 4:11

Jihovae puo noupfhü kha tseishü; puoe puo nouyie kereu rushü, sidi Zion nu mi petushü, sidi puo mvüdzeko thewa.

Ezekiel 13:13

Süla Niepuu Jihovae puya: A noupfhü nunu a khriedi bu partuo, mu a nouyie geinu tei bu rü seshütuo, tsiu noupfhü prü krütsur süu pekatuo.

Ezekiel 19:12

Derei süu noupfhünouyie nunu phewa, sidi kelhoupie kijü shüwa; niathutsa teikhrieu bu süu he pesowa, puo siko he riewa, puobo kemeteiu rüwita; sidi mi bu süu thewata.

Ezekiel 24:21

Israel kiu ki pushücie, Niepuu Jihovae puya: A a kemesa kiu perhuwatuo, nie kekuo kemelha bayakecüu, nie mhi keneiu, siro nie melou menguu; mu nie nuo thepfu rei thenu rei nie lhiepie kebako zhiecha geinu tetsutatuo.

Ezekiel 30:18

Tehafnehe nu rei teisozhau bu zeitatuo, a Ijipt mha kekhakecü biekhrükeshü ki, tsiu puo kemiakokecü ba sa motatuo, nadiu kimhou bu zepfülietuo, mu puo socüko miadie chü votatuo.

Joel 2:2

teisozha kezei puo mu thedzükekou teisozha puo, kimhou shübouikecü tsiu zeibouikecü teisozha puo! Teimekiekecü tuoi di kijüthouko zepfülietuo, zha mu kuo phikecü rüpfhünuo vortuo; thiedzü rei uko mhiekecü vor mo, morei hasie rei uko mhiekecü vorlie lho.

Mathi 11:23

Siro no Kapernaum, n chü kerükrie kho tei thutuoü ba me? Mo, n chü kerünuopie tsu Hades nu shüwatuo. Kekreilamonyü n geinu chükeshü ungomhathoko Sodom nu chüshü ücüwe, thie ketso rei süu ba zotieciü!

LUK THUKESHÜ DIELIEKEVI 10:15

Siro no Kapernaum, n thuo n chü kerükrie se kho tei thutuoü ba me? N chü kerünuopie Hades nu tsuwatuo.

LUK THUKESHÜ DIELIEKEVI 10:18

Süsie puo uko ki, “Satan teigei nu teikemela tuoi te tsurketa a ngu ho.

Samuel Kerieu 4:21

Sidi puoe unuoyo zathopie Ikabod chülie, puoca, “Zapuzayieu Israel kinu tuote.” Mia bu Ukepenuopfü dietseidiekhobouu telieta tsiu puo meiu mu puo nupfu rei siaketa la.

Samuel Kerieu 4:22

Sidi puoe sie, “Zapuzayieu Israel kinu tuote, Ukepenuopfü dietseidiekhobouu telieketa la,” si.