Thekrü 1:9 - Angami Naga CL (Re-edited) Bible (BSI)

⁹ Puo kerhue puo chiecha nu tuote; puoe puo siedze la mhapuorei le mo; puo tetsuketae kemerie zo, miapuorei puo nou thupeluokecü jü. “He-i Jihova, a kemezhiekecü mehoshüyi, kekreilamonyü ngumvümiae kuoliete!”

Thekrü 1:9 Iomraidhean Croise

Samuel Kenieu 16:12

Jihovae a kemezhiekecü mehoshü, sidi puo thie a rüpfhürüsekecü hau la Jihova mha kevi se a tsü rei silie lhomu,” sita.

Kediko Kenieu 14:26

Jihova Israel kemezhie se baketa ngu, kedie kechümia rei morei kedie chü kemomia rei, morei Israel khruohiketuo miapuorei jüketa la.

Nehemia 9:32

“Süla tsie, hie Kepenuopfü, kezhau, kekuou, siro kemerie zokecü Ukepenuopfü, diekhakeshüu mu kekhrie se bayakezhau, Asiriamia kediu teiki nu vor thie ketso, kemezhiekecü, hie gei hie kediko gei, hie kedinuoko gei, tsiu hie zievoko gei, hie siedzekesiko gei, hie puonuoko gei, mu n themia peteko gei kevor ha üse mhathopuo mo ükecü chüwa hiecie.

Chieliko 119:153

A mezhieko rükra di a kelashücie, a n zho rükra mota mocü la.

Chieliko 140:8

He-i Jihova, kerüzhüko mengu chü uko tsü hiecie; puo rüzhü doko khruo sashü hie, uko thuo uko le pezhata rei silie lhomu. Selah

Chieliko 25:18

A mezhie mu a kechü mehocie; mu a kephouma pete vashücie.

Chieliko 69:21

Uko therei pie a bu cü; mu a terhülie ru kekhrodzü pie a bu krie.

Toukepra 3:17

Mu ae kemezhiekecü Ijipt nunu nieko ze parshütuoü a die phrashü, sidi nieko ze Kanan kijü nu, Hitko, Amorko, Perizko, Hivko mu Jebusko kijü mithunudzü mu mepfhidzü krukezhü nu nieko ze voshütuoü shü,’

Toukepra 3:7

Sitse Jihovae sie, “Ae a themia Ijipt nu kebako kemezhiekecüko ngushüte, mu ukoe uko mhatho niepuko la kemezhie di meheimelo keba sishüte;

Toukepra 4:31

Sitse themiakoe pelelie; mu ukoe Jihova Israelko ki vor di uko kemezhiekezhüko ngu ba ükecü silie tse, uko tsu Ukepenuopfü rüsuota.

Pethakeshüu 4:1

Siro a niaki khro huoniehuo pesekecü pete ngushü. Mu harie, mia bu u peseyakezhako mhidzü mehoshücie, miapuorei uko nou thupeluoketuo tuo mo! Mia uko peseyakezhako kitsa we kekuo nyi, derei uko mia nou thupeluoketuo puorei tuo mo.

Isaya 3:8

Jerusalem-e kate mu Juda tetsuketa la, kekreilamonyü uko diepu mu uko mhathoko Jihova petsou di uko ze keba puo zayieu perhuwate.

Isaya 37:17

He-i Jihova n nyie kedeishü di rünyüshüyi; he-i Jihova, mhirhoshücie di mehoshücie, sidi Senacherib-e rhei ketuo Ukepenuopfü kretuo üdi ketsekeshü dieko rünyüshücie.

Isaya 37:23

“ ‘No supuo kre mu pu pesuoya ga? No supuo petsou di n pfhe kerükrie mu kemiako di n mhi pelapie ba ga? Israel Kemesau petsou di!

Isaya 37:29

Kekreilamonyü no a perhiekecü, mu kemelhakecü vor a nyie tsote, a cawi pie n nyhü nu shütuo mu kier mekedouu pie n me doutuo; a n shükerei lapie no kevor chau nu shüwatuo.

Isaya 37:4

Rabshakeue puo niepuu Asiria kediu bu rhei ketuo Ukepenuopfü kengashünu di puo ketsekeshü mu puo dieko Jihova n Kepenuopfü sishüte; süla lhiekelieko la no kecha chüshücie,” si.

Isaya 40:2

Menenuoi di Jerusalem ki pushücie, mu puo ki rükhruoshülie, puo meseu chüwata ücü, puo gei kejo mau chü tseishüwate, puoe puo kephouma pete la Jihova dzie nunu süde ma kenie ngulieta ücü.

Isaya 47:7

Noe sie, “A niepupfü chü sei batatuo,” isi, sidi mha hako pie n nou shü mo morei uko thela dze rükra mo.

Isaya 51:19

Mha hanieha n gei vorte; supuo n ze thenousuoshü ta? Mhakeva mu kepeka, pekriekecü mu zhiecha nu supuonie n nou thupeluolie ta?

Isaya 54:11

He-i pechüpenyü seketuou, khriedi puo he se, mu thenouluolie kemo-u, a n tsieko antimoni tsie pie pfhetuo, mu n mvüdzeko safir pie dzeshütuo üzhie.

Jeremia 13:27

Ae no kerütse chü keba, n pieüko mu rügerüzhükecüko, tsiu noe menga mo di kijükhruko geinu thethe lie keba ngushüte. No we ce, chülietie, he-i Jerusalem! Kichiepuo n chü kemesalie mo batuo ga?

Jeremia 16:7

Miapuorei thekrü kechümia la kecüca keselie lho, kesiamia la uko nou thupeluolie lho; morei mia u puonuo morei uko zuonuo la thenou chü peluokecü hiepie u bu krienu khashülie lho.

Jeremia 2:34

Siro n nei gei mhakejü kejo kejüu zie ngute; no uko kekrükecü chü ba di ngulie mo rei. Mha hako pete donu rei,

Jeremia 48:26

Puo bu meze batalie, puoe puo thuo puo chü pezhapie Jihova petsoukecü la; Moab bu puo merü nu rüphrepfü zhülie; puo rei mia krenyü chü batatuo.

Jeremia 5:31

Siedzekesiko ketijü siedzedie pu, mu zievokoe siedzekesiko pukeshü medzi di mha kekha; a themiakoe sikecü u neite, derei nieko puo thela kevor nhie kedipuo chütuo ga?

Jeremia 50:29

Theü kepieko kie kengupie Babilon perhiecie, theü gayakezha pete. Puo khieümhoura houpfü balie; miapuorei bu taprata hie. Puo mhatho kheki sü chü puo tsücie; puo chükeshü kemhie tou di sükemhie chüpie puo gei shülie, puoe kemiako di Jihova Israel Kemesau perhukecü la.

Thekrü 1:17

Zion-e puo dzie yhashü, derei miapuorei puo nou thupeluokeshü jü; Jihovae Jakob petsoulie nu diekhashü puo siezanuomia bu puo ngumvümia chütaketuo la; Jerusalem-e süko donu mha kerhu puo chüte.

Thekrü 1:21

Ukoe a kidepuo meheimelo ba shi sishüte, miapuorei a nou thukepeluo jü. A ngumvümia pete a kemezhie keba sishü; ukoe no süu chükeshü la uko nei bate. No shiekeshü teisozhau se vorshücie, sidi uko bu a kemhietacie.

Thekrü 2:13

A n la mha kikecüpuo putuomu, N pupie kedipuo mejütuo ga, He-i Jerusalem nuopfü? N khapie kedipuo mhie ütuo ga? N nou thupeluoketuo la, he-i, Zion nuo phousepfü! Kekreilamonyü n pekakewae zhapie dzükezha mhiete; supuonie n chü keshürho lalie ta?

Thekrü 4:1

Kikemhie di sunau zeita, siro kimhie di suna kevithopfü rüdite mu! Kemesa tsieko khu ketoupie chaü peteko nu kezakeziwate.

Thekrü 5:1

He-i Jihova, kedipuo hieko gei vor shikecü, rükrashüyi, mehoshüyi, sidi hie kemengakecü leshüyi!

Hosea 2:14

Süla, a tsie puo ketsilietuo, sidi puo ze rayha nu vortuo, sidi puo ki die pu menuoshütuo.

Zefania 2:10

Uko kemiakokecü la hau pie u yau chüshütuo, kekreilamonyü ukoe mia krenyü, tsiu kemelha di krodiko Jihova themiako petsoukecü la.

Johan 11:19

mu Judako kekra Martha mu Marianie prüu la unie nou thupeluotuoü vor ba.

Pulakeshüzho 26:7

Tsiu hie Jihova, hie puonuoko Kepenuopfü ki chashü ru, Jihova hie pfhe rünyü, di hie kemezhiekecü, hie mhatho kere mu hie pesekecüko mehoshü.

Pulakeshüzho 32:27

derei ae uko ngumvümia keka se parkeshü preite, sükoe mhale kekrü di sie, “U dzie kuo ba zo, hau chükeshüu Jihova mo,” italie vicü la.

Pulakeshüzho 32:29

Ukoe mhasi ücü we, ukoe hau sikelie mese, uko thiesie rüli lelietieciü.

Pitor Kerieu 4:17

Ukepenuopfü kikruu nu sede di mia nyie kecüketuo teiu tso batacü la; mu süu u kinu sede sie üro Ukepenuopfü dieliekeviu die zekemoko rüli we kimhie ta?

Samuel Kerieu 1:11

Tsiu Hanae Jihova ki rüse di sie, “He-i! krodiko Jihova, No n kituopfü mezhie rükrashü mu mehoshü, tsiu n kituopfü rükra mota mo, sidi thepfunuomia puo a tsüshü liro, a puo bu puo rhei chie, puo se ketso, Nazirmia chü di pie Jihova tsü lashü zotuo, puo bu zu morei kemelu vie puorei krielie lho zo. Mu tsüpfü pie puo tsü gei shülie lho zo.”