Thekrü 1:4 - Angami Naga CL (Re-edited) Bible (BSI)

⁴ Zion nu kevo chako thekrü chü, miapuorei thenyiko nu vor mote; puo kharuko pete methuote, puo zievoko meheimelo bate; puo rüüko thenousuo bate, mu puo kemezhiekecü nu bate.

Thekrü 1:4 Iomraidhean Croise

Isaya 3:26

Mu süpfü kharuko nu thekrü chü mu kratuo, puo menyümenouwa di, puo bu tsu kijü batatuo.

Jeremia 10:22

Mhapfhe puo rünyüshücie! Rünyüshüyi, süu vorzhie, pesotsa kijü nunu kebvükebie se vorzhie Juda nadiko chü kemethuowaketuo la, tsiu meseru ki chüwatuo üdi.

Jeremia 14:2

Juda kra bate mu puo kharuko thedzükezei chü zhüte; sükoe kijü nu u dzükezei chü zhüte, tsiu Jerusalem kekra pfhe peso gei kho.

Jeremia 9:11

Ae Jerusalem pekapie puo bu puo kro chüpfü zhütatuo, meseru ki chüwatuo; tsiu Juda rünako chü kemethuowatuo, miapuorei lhou motatuo.

Thekrü 1:21

Ukoe a kidepuo meheimelo ba shi sishüte, miapuorei a nou thukepeluo jü. A ngumvümia pete a kemezhie keba sishü; ukoe no süu chükeshü la uko nei bate. No shiekeshü teisozhau se vorshücie, sidi uko bu a kemhietacie.

Thekrü 5:13

Khriesako kemvü chüpie mhage, thepfunuoko seide pfü di pevüvüte.

Thekrü 5:14

Nadi kharu nu phichümia ba sa mote, khriesamia tsali chü sa mote.

Hosea 2:13

A Baalko thenyi zhako la puo pechütuo, süusü puoe kethengu thepie süko tsü, tsiu puoe dziekha mu cümenyie se puo ketsolie di puo kekhriemia siemedzi tuote, sidi a rükra mote, Jihovae siya.

Levimiako 26:22

Tsiu u a nhachü kekhrieko khapie nie donu shütuo, sükoe nie kinu nie nuonuo sesetatuo, siro nie kicükiriko pekawatuo, mu nie chü petsawatuo, sidi nie chako bu raratatuo.

Mika 3:12

Süla nieko la Zion pie lie kemhie ciewatuo; Jerusalem pekapie pfhepie zhüwate, mu kiu keba kijüthouu ketsa chütatuo.