Thekrü 1:3 - Angami Naga CL (Re-edited) Bible (BSI)

³ Judae kemezhie mu miakhro leta di miadie chü vota; puo tsie seyieko donu lhou tuote, sidi kerülei chü puorei ngulie mo; puo kemezhie keba donu rei puo whuo ketuomia pete-e puo penyüliete.

Thekrü 1:3 Iomraidhean Croise

Kediko Kenieu 25:11

Süteiki kepfhekezhau Nebuzaradan-e nadiu nu keba themiako siro Babilonmia dzie nu kedie chü leketako, themia kro-u donu lhiepie kebako zeta.

Kediko Kenieu 25:21

Ru Babilon kediue Hamat kijü nu Ribla nunu uko vü di uko vükhriwa. Sükemhie di Juda teze puo kijü nunu miadie chü vota.

Kediko Kenieu 25:4

Sidi nadiu pfüphawa, siru terhü themia pete teizei ze kediu zie khieki, kuda kenie donu kharu puo ze di tata, Chaldiamia thuo nadiu houpfü ba zo shierei, ukoe Araba tsatie nu vota.

Kediko Kenieu 25:5

Derei Chaldiamia chüpahikoe kediu whuo vo, sidi Jeriko razha nunu puo tsolie; tsiu puo chüpahi pete puo khawa di ta cüreta.

Jeremia 13:19

Negeb nadiko khawatuo miapuorei süko khrü lalie lho; Juda pete ze kedie chü votatuo, peteko teze kedie chü votatuo.

Jeremia 16:16

Ae khuoketemia kekra ketseshüzhie, Jihovae siya, sidi uko süko telietuo; mu süsie a chüwhuomia kekra ketseshütuo, sitse ukoe kijüthou kheko nu mu kijükhru kheko nu, tsiu tsiekrie gei tsiepfüko nu uko whuotuo.

Jeremia 24:9

Sidi ae uko chüpie kemeriekecümia, mu kijü nu kedi pete la mha kesuo puo, thenga chü, miadzemiase chü, u pese, mu a uko whuokeshü thechü kheko nu mia bu u rüsekecü chütuo.

Jeremia 39:9

Süsie kezhau kepfheu Nebuzaradan-e nadi nu themia lhiekelieko teze Babilon nu vota, siro themia lhiekelie, takelieko puo ki vorta.

Jeremia 52:15

Siro kepfhekezhau Nebuzaradan-e themia kejüthoko tsiu nadi nu keba themiako mu uko kitsatie nu ta Babilon kediu ki vorketako siro themia mhachükesimiako teze kedie chü vota.

Jeremia 52:8

Derei Chaldiamia chüpahikoe kediu whuo zo vo, sidi Jeriko razhau nunu Zedekia tsolie; mu chüpahi pete puo kinu ta cüre tuota, sidi puo khawata.

Thekrü 2:9

Puo kharuko te kijü tsute; puoe puo seiphiko peka tsiu bietshebietshawate; puo kediu tsiu kedi nuonuokoe seyieko donu ba; chatha ba sa mote, tsiu puo siedzekesiko Jihova kinu ziemho ngu sa mote.

Thekrü 4:15

Themiako uko pu di, “Tuotalie! Mesa mo,” “Tuotalie, tuotalie! Nyü hie!” Süla uko taketuomia mu rühouketuomia chüte, süla seyieko donu kepu di, “Ukoe hanu tuo salie lhote.”

Thekrü 5:5

Vocie pie hie vo gei shü di hie bu kemezhie phite; hie hie nyiete, kerülei pie hie tsü mo.

Ezekiel 5:12

Nieko se-zapuo thesa se chütuo, morei pekrie bu nieko donunu nieko cü pejüwatuo; tsiu ae se-zapuo kezapie teikhrie pete nu shüwatuo, sidi ae zhiecha shüzou se uko whuotuo.

Pulakeshüzho 28:48

Süla noe terhümerü di, methuo mu mha pete nu tsopfhü di n ngumvümia, Jihova ketsepie n petsoukecüko lie chütuo; mu n pekawa kemochie puoe thegi vocie pie n vo gei shütuo.