Thekrü 1:21 - Angami Naga CL (Re-edited) Bible (BSI)

²¹ Ukoe a kidepuo meheimelo ba shi sishüte, miapuorei a nou thukepeluo jü. A ngumvümia pete a kemezhie keba sishü; ukoe no süu chükeshü la uko nei bate. No shiekeshü teisozhau se vorshücie, sidi uko bu a kemhietacie.

Thekrü 1:21 Iomraidhean Croise

Chieliko 35:15

Derei a phi mesükelie ki uko keze u neita, uko kepekro di a petsou; a u si kemo kethesü zocü kro puo a petsou te mo zo;

Chieliko 37:13

Jihovae kerüzhüko krenyüya, puoe süko teisozha vorkezhü ngu keba la.

Chieliko 38:16

Süla a chaya, “A bu uko nei krawa hiecie, a tsierhiekelie ki u neiyakezhako bu.”

Isaya 14:5

Jihovae kelhieko the, kezhako the bietshewate.

Isaya 14:6

Süue noupfhü se mia vüthorkeshüko, nouyieu se mia pesüpemvü di seyieko mho dikecüko.

Jeremia 30:16

Süla n pekakecümia pete pekawatuo, tsiu n ngukemvümia pete, uko kehoupuorei, miadie chü votatuo; siro n bie pesuokecümia pete bie pesuowatuo, mu n rükeba pete ae pie mia chüte chüwatuo.

Jeremia 48:27

Israel pie nie krenyü chüte; kerüguko donunu puo telie mo zo ürei, derei kehoukipuorei puo dze pushü ro n tsü tsügetatuo!

Jeremia 50:11

N thuo n nei ba rei, n thuo n noumvü ba rei, he-i a kayie pekakewako, nie thuo thuünuo nha cü di luokelie mhiei, mu kier tuoi ruo tha rei,

Jeremia 50:15

Lutsahatsa nu puo perhie di shieshülie, “Puoe mia khro lete; puo mvüdzeko tetsute, puo dahouko mete.” Hau Jihova khepuukecü la, puo gei khepu lielie, puo chükeshü mhiei chüpie puo gei lashülie.

Jeremia 50:29

Theü kepieko kie kengupie Babilon perhiecie, theü gayakezha pete. Puo khieümhoura houpfü balie; miapuorei bu taprata hie. Puo mhatho kheki sü chü puo tsücie; puo chükeshü kemhie tou di sükemhie chüpie puo gei shülie, puoe kemiako di Jihova Israel Kemesau perhukecü la.

Jeremia 50:31

Ae n perhieya, he-i, kemiakokecüu, krodiko Niepuu Jihovae siya; kekreilamonyü n teisozha vorte, a n siazha khashüketuo teiu.

Jeremia 51:24

Siro ae Babilon mu Chaldia nu kelhou themia pete gei zhadavüshütuo ukoe nieko mhinguki nu Zion nu mha kesuo chükeshü pete la, Jihovae siya.

Jeremia 51:49

Babilon-e Israel dukhrikewa la tetsu zotuo, kijü pete Babilon la nu siaketa tuoi di.

Thekrü 1:16

Mha hako la a kra; a mhi nu mhidzü krütsur; kekreilamonyü thukepeluou a ki nu peciete, a kekuo chü perheishükezhau rei; a nuonuoko u dzükezei chü bate, ngumvümia kuolietakecü la.

Thekrü 1:2

Puoe theva gei kra phi baya, puo mhidzü puo dzo kerhiekerho pfü di; puo kekhrieko donu miapuorei puo nou thupeluoketuo ba mo; puo zemia pete rei puo gei kelhie, ukoe puo ngumvümia chüte.

Thekrü 1:22

Uko kerüzhü pete bu n mhodzü vorlie; sidi a kephouma peteko la no a gei chükeshü tuoi uko gei rei chüshücie; kekreilamonyü a meheimelothor bate mu a melou nu a phisiate.

Thekrü 1:4

Zion nu kevo chako thekrü chü, miapuorei thenyiko nu vor mote; puo kharuko pete methuote, puo zievoko meheimelo bate; puo rüüko thenousuo bate, mu puo kemezhiekecü nu bate.

Thekrü 1:8

Jerusalem phoumathorwata zo, süla puoe mia krenyü chüte; puo rhuyakezha pete puo rütsete, uko puo kemethuo ngukewa la; puo thuo rei meheimelo, sidi puo zie kereiliete.

Thekrü 2:15

N pfüthe kevoko pete u dzie dziedapie n kiete; ukoe Jerusalem nuopfü pese tsiu tsüge di sie: “Nadi hau üse, zivi tsei zokecüu, kijü pete keneiu üdi kieyakecüu me?” si.

Thekrü 2:16

N ngumvümia pete u tie tiehiepie n petsou; uko n pese, tsiu u hu thegeipie tuo, ukoe sie: “Hieko puo mezuliete! He-i, hieko merüketuo teisozhau sü haha tou zo; tsie we hie süu ngushüte!”

Ezekiel 26:2

Themiau, kekreilamonyü Tur-e Jerusalem dze pu di: “Yha, themiako kharu chau bierhuowate; süu ta a ki vorte; a ketshu chülietuo, tsie süue methuo zhüte.”

Joel 3:14

Themia krodi, themia krodi, pepiketuo razhau nu bate! Kekreilamonyü pepikecü razhau nu Jihova teisozhau penuo baketa la.

Pesikeshü 18:6

Puoe mia gei chükeshü touu chüpie puo gei lashücie, mu puo mhathoko de kenie rei chüpie puo tsü lashücie; tsiu tehieu nu puo pie reikeshü de kenie pie rei lashücie.