Thekrü 1:2 - Angami Naga CL (Re-edited) Bible (BSI)

² Puoe theva gei kra phi baya, puo mhidzü puo dzo kerhiekerho pfü di; puo kekhrieko donu miapuorei puo nou thupeluoketuo ba mo; puo zemia pete rei puo gei kelhie, ukoe puo ngumvümia chüte.

Thekrü 1:2 Iomraidhean Croise

JOB LESHÜDAU 6:15

A siezedzüriekoe rücürünuo tuoi a se kedowate, tsiu rücürünuo dzü tuoi uko krute.

JOB LESHÜDAU 7:3

sütuoi thekhrü kemethuokecüko pie a ya chüwate, tsiu u nyie phikecü teizeizhako a tsüwate.

Chieliko 126:5

Mhidzü nunu prukeshüko kenei nu retuo!

Chieliko 31:11

A ngumvüko pete krenyü chüte, a siezanuoko mhodzünu kemerie chü zote; a khriethokhriechüko bu a ngupie preite, cha nu a kenguko tataya.

Chieliko 6:6

A meheimelo zo ba a nyiete; teizeizhü a zhü nu mhidzü pekru; a kekra mhidzü pie a yakou petse.

Chieliko 69:21

Uko therei pie a bu cü; mu a terhülie ru kekhrodzü pie a bu krie.

Mhasidie 19:7

Kejümia puo siezedzürie pete puo mecütaya; siüliro puo zemia we kide puo ze kepecietatuo mu? Puo die pu uko whuo voya, derei uko puo khawaya.

Jeremia 13:17

Derei nie rünyülie moliro, nie kemiakokecü la a ruopfüe pekhre di kra batatuo; a mhi-e kra phituo sidi mhidzü pekrütuo, Jihova kuoko teze kedie chü voketa la.

Jeremia 2:25

N phi bu phikou pfü mo, mu n mezha bu terhü moketuo la n kireilie, ishü. Derei noe, “Mhapuorei chülie suote, a sikemomia a neite, mu a süko siemedzi vota zotuo,” ite.

Jeremia 3:1

Mhanuü mia puoe puo kimia khawa, sidi süpfüe puo kinu tuota, sidi mia kekreimiae puo kimia chüta, siliro puoe süpfü ki la votuo me? Kijü süu perhu sewata mo üme? Noe n neimia kekra ze di thethelie; sidi rürei a ki la vortuo me? Jihovae siya.

Jeremia 30:14

N kekhriemia pete n rükra mote; uko n la u nounyü puorei jü; kekreilamonyü ae ngumvümia tuoi n bieshü, ngumvümia u zhosuo di chüyakezha tuoi, süusü n kejokemou zha phiketa la, mu n kephouma kra phiketa lanu zo.

Jeremia 4:30

Siro no, he-i pekakewau, no pfhe meriemegekecü pie n whese tuo zorei, no suna pienyie pie kerütso tuo zorei, no mha kenhekecü pie n mhi kenhelie rei, no sicü kedipuoü ta? N chü keziviketuou kemethuo zo. N kekhriemiako n mecüte, ukoe n kerheiro pfhü tuote.

Jeremia 9:1

He-i a tsüe dzüluo chü, tsiu a mhi-e mhidzü rü chüücü we, a teisoteizei a themia kejüko mia u dukhrikewako la kralietuomu ru!

Thekrü 1:19

A a neimiako kieshü derei uko a sewate; a zievoko mu phichümiako uko kekuo chü penyilietuo üdi uko kecüca pfhüketuo ki nadiu nunu kate.

Thekrü 1:21

Ukoe a kidepuo meheimelo ba shi sishüte, miapuorei a nou thukepeluo jü. A ngumvümia pete a kemezhie keba sishü; ukoe no süu chükeshü la uko nei bate. No shiekeshü teisozhau se vorshücie, sidi uko bu a kemhietacie.

Thekrü 1:9

Puo kerhue puo chiecha nu tuote; puoe puo siedze la mhapuorei le mo; puo tetsuketae kemerie zo, miapuorei puo nou thupeluokecü jü. “He-i Jihova, a kemezhiekecü mehoshüyi, kekreilamonyü ngumvümiae kuoliete!”

Thekrü 2:11

A krakecü la a mhi meziete; a va chü bate; a se a rie kerülapie kijü shüwate, a themiako pekawaketa la, nhicuko tsiu kenunuoko nadiu chaüko nu phisia zhüketa la.

Ezekiel 16:37

süla a n khriethomia pete, no uko geinu n kenei ngulieyakezhako, no khrieyakezhako pete tsiu no ngumezhieyakezhako pete ze vor kengulietuo; a lutsahatsa nu uko kengulie di uko bu n ngumvütuo, n kemethuo hieshü uko bu ngutuo, sitse uko n kemethuo pete ngutuo.

Hosea 2:7

Süpfüe puo neimia sie whuotuo, derei uko tsolie lho; tsiu puoe süko pfhütuo, derei uko ngulie lho. Sitse süpfü sie, “A tuo la se a nupfu kerieu ki votuo, kekreilamonyü süue tsieki rei vikuo zo.”

Mika 7:5

N khriethomia pele hie, nie kekhriemiako gei nie kepele khashü hie; n merü gei kezhüpfü kinu n me kikhau menuoliecie;

Pesikeshü 17:13

Hako keze nou puo chü phreya, tsiu uko kezha mu kekuo pie nhachüu tsüya.

Pesikeshü 17:16

Mu no kengu kia kerko, süko mu nhachüu keze thethenupfü ngumvütuo, sidi ukoe puo bie pesuo tsiu bie kemethuowatuo; ukoe puo chü cülietuo mu mi pie puo thewatuo.