Thekrü 1:19 - Angami Naga CL (Re-edited) Bible (BSI)

¹⁹ A a neimiako kieshü derei uko a sewate; a zievoko mu phichümiako uko kekuo chü penyilietuo üdi uko kecüca pfhüketuo ki nadiu nunu kate.

Thekrü 1:19 Iomraidhean Croise

Jeremia 2:28

Derei n thuo chükelie rhuoko kirapuo tuota ga? No kemezhiekelie ki n kelalie vi üro, süko bu vorliecie; kekreilamonyü n rünako kedithedepuo ba shiü, n rhuoko rei sü thede ba, he-i Juda.

Jeremia 30:14

N kekhriemia pete n rükra mote; uko n la u nounyü puorei jü; kekreilamonyü ae ngumvümia tuoi n bieshü, ngumvümia u zhosuo di chüyakezha tuoi, süusü n kejokemou zha phiketa la, mu n kephouma kra phiketa lanu zo.

Jeremia 4:30

Siro no, he-i pekakewau, no pfhe meriemegekecü pie n whese tuo zorei, no suna pienyie pie kerütso tuo zorei, no mha kenhekecü pie n mhi kenhelie rei, no sicü kedipuoü ta? N chü keziviketuou kemethuo zo. N kekhriemiako n mecüte, ukoe n kerheiro pfhü tuote.

Thekrü 1:1

Kiüdi themia ketshu chüpfü keba nadiu nu themia tuo mote shi! Kiüdi puo bu samipfü tuoite shi, puoe seyieko donu kezhau chü! Puoe kedirüvieko donu kedipfü chü ba ru kituomia chüte.

Thekrü 1:11

Puo themia pete niekhrüda pfhü meheimelo bate; ukoe u kekuo chü kemeteilietuo ükecü la, uko kinyiko se thelhi chü di kecüca pfhü. Mehoshücie, he-i Jihova, sidi leshücie, ae kidepuo mhacümhatho kemomia chüte shicü.

Thekrü 1:2

Puoe theva gei kra phi baya, puo mhidzü puo dzo kerhiekerho pfü di; puo kekhrieko donu miapuorei puo nou thupeluoketuo ba mo; puo zemia pete rei puo gei kelhie, ukoe puo ngumvümia chüte.

Thekrü 2:20

He-i, Jihova, mehoshüyi, sidi leshücie! No supuo gei hau chüshü ga? Thenupfümia bu u geinu kepar, u penuokeshü nuonuoko cütieya me? Niepuu kemesachüu nunu zievomia mu siedzekesimia dukhriwatuo me?

Thekrü 4:17

Hie mhi-e kemethuo kekhruohi pfhü di merüte; hieko mia kelashülie kenjükecü seyie puo pfhe terü vor.

Thekrü 5:12

Kedinuoko pie gouwa; phichümia rhukecü tuo mo.