Thekrü 1:17 - Angami Naga CL (Re-edited) Bible (BSI)

¹⁷ Zion-e puo dzie yhashü, derei miapuorei puo nou thupeluokeshü jü; Jihovae Jakob petsoulie nu diekhashü puo siezanuomia bu puo ngumvümia chütaketuo la; Jerusalem-e süko donu mha kerhu puo chüte.

Thekrü 1:17 Iomraidhean Croise

Kediko Kerieu 8:22

Sitse Solomon-e Israel kro-u pete kehou kebau nu Jihova ruosuo chüu mhodzünu thalie, tsiu puo dzie yhapie teigei petsoulie.

Kediko Kerieu 8:38

themia kehoupuo shierei morei n themia Israel pete-e kecha chülie mu u mezhiemelolie mu mia pete u melou nu mha kesuou silieta di puo dzie yhapie ki hau kevatsa shülie ro,

Kediko Kenieu 25:1

Siro puoe kedi chükelie cie thepfü cie, khrü ker-u nu zha ker nhie, Nebukadnezar Babilon kediue puo rüpfhünuo pete ze vor Jerusalem perhie di süu houpfü bata; tsiu ukoe süu khieümhoura dahou chülie di re bata.

Pethakeshüu 4:1

Siro a niaki khro huoniehuo pesekecü pete ngushü. Mu harie, mia bu u peseyakezhako mhidzü mehoshücie, miapuorei uko nou thupeluoketuo tuo mo! Mia uko peseyakezhako kitsa we kekuo nyi, derei uko mia nou thupeluoketuo puorei tuo mo.

Isaya 1:15

Niekoe nie dzie yhakeshü ki, nie kinu a mhi kevietatuo; nieko kecha chü phi zo shierei, a rünyü lho; nieko dzie sü thezie thuo tshu.

Isaya 54:11

He-i pechüpenyü seketuou, khriedi puo he se, mu thenouluolie kemo-u, a n tsieko antimoni tsie pie pfhetuo, mu n mvüdzeko safir pie dzeshütuo üzhie.

Jeremia 12:9

Haina a diekhakeshü la a kayie mehoute me? Tekecü perako puo houpfü ba me? Vo di nha khunuo pete kie kenguliecie; puo peka cüketuo la uko ze vorlie.

Jeremia 15:5

He-i Jerusalem, supuonie n ngumezhielie, morei supuo n krükratuo mu? Supuonie rürei vor n dze kevi ketsotie shi?

Jeremia 16:6

Thechü hanunu kezhamia rei kecümia rei siatatuo; uko khrulie lho, mu miapuorei uko krükralie lho; uko la u chü gei lho, uko la u tsü rei thielie lho.

Jeremia 34:22

Ae die khashütuo, Jihovae siya, sidi uko la nadi hau nu vortuo; tsiu ukoe süu petsoutuo, mu süu lielie, di mi pie thewatuo, siro ae Juda rünako chüpie themia puorei bu lhou mota di bie peruowatuo.

Jeremia 4:31

Kekreilamonyü ae mhapfhe puo tuoikecü, nuorieu penuoshütuo üdi kemezhiekecü, Zion nuopfü pfhe hatoutoui di puo dzie yhapie lutsahatsashü di sie, “A we ce, chülietie! A we kedukhrimia mhodzünu phisiazhüte!” isikecü si ho.

Jeremia 6:3

Kuopfheko u kuokro ze vor di puo petsoutuo. Ukoe u pfhekiko pethoupie puo houlietuo; uko mia puopuokecü puo chü nunu mhacütuo.

Jeremia 8:18

A kenei jüte, nousuo a gei bate, a melou mhachü bate.

Thekrü 1:16

Mha hako la a kra; a mhi nu mhidzü krütsur; kekreilamonyü thukepeluou a ki nu peciete, a kekuo chü perheishükezhau rei; a nuonuoko u dzükezei chü bate, ngumvümia kuolietakecü la.

Thekrü 1:19

A a neimiako kieshü derei uko a sewate; a zievoko mu phichümiako uko kekuo chü penyilietuo üdi uko kecüca pfhüketuo ki nadiu nunu kate.

Thekrü 1:2

Puoe theva gei kra phi baya, puo mhidzü puo dzo kerhiekerho pfü di; puo kekhrieko donu miapuorei puo nou thupeluoketuo ba mo; puo zemia pete rei puo gei kelhie, ukoe puo ngumvümia chüte.

Thekrü 1:21

Ukoe a kidepuo meheimelo ba shi sishüte, miapuorei a nou thukepeluo jü. A ngumvümia pete a kemezhie keba sishü; ukoe no süu chükeshü la uko nei bate. No shiekeshü teisozhau se vorshücie, sidi uko bu a kemhietacie.

Thekrü 1:8

Jerusalem phoumathorwata zo, süla puoe mia krenyü chüte; puo rhuyakezha pete puo rütsete, uko puo kemethuo ngukewa la; puo thuo rei meheimelo, sidi puo zie kereiliete.

Thekrü 1:9

Puo kerhue puo chiecha nu tuote; puoe puo siedze la mhapuorei le mo; puo tetsuketae kemerie zo, miapuorei puo nou thupeluokecü jü. “He-i Jihova, a kemezhiekecü mehoshüyi, kekreilamonyü ngumvümiae kuoliete!”

Thekrü 4:15

Themiako uko pu di, “Tuotalie! Mesa mo,” “Tuotalie, tuotalie! Nyü hie!” Süla uko taketuomia mu rühouketuomia chüte, süla seyieko donu kepu di, “Ukoe hanu tuo salie lhote.”

Ezekiel 36:17

Themiau, Israel kinuko u thuo u kijü nu lhoukelie ki, uko u thuo u zhoko mu uko mhathoko geinu süu perhuwaya; uko zho-u a mhodzüki thenumia mhase di mesa mo keba ki mhie zo.

Hosea 8:8

Israel mezuliete; uko tsie we seyieko donunu mhabou selie kesuo puo mhiete.