Thekrü 1:16 - Angami Naga CL (Re-edited) Bible (BSI)

¹⁶ Mha hako la a kra; a mhi nu mhidzü krütsur; kekreilamonyü thukepeluou a ki nu peciete, a kekuo chü perheishükezhau rei; a nuonuoko u dzükezei chü bate, ngumvümia kuolietakecü la.

Thekrü 1:16 Iomraidhean Croise

Chieliko 106:42

Uko ngumvüko rei uko peseta, tsiu uko ze vo süko dzie kekuo khroshüwa.

Chieliko 119:136

A mhidzüe kerüdzü mhie kru parte, uko n zho medzilie kemo la.

Chieliko 69:20

A kengakecüko bu a melou biephrowate; a dzüzei phite. Ae ngukemezhie pfhü, derei miapuorei tuo mo; thenou thukepeluomia pfhü, derei puorei ngulie mo.

Pethakeshüu 4:1

Siro a niaki khro huoniehuo pesekecü pete ngushü. Mu harie, mia bu u peseyakezhako mhidzü mehoshücie, miapuorei uko nou thupeluoketuo tuo mo! Mia uko peseyakezhako kitsa we kekuo nyi, derei uko mia nou thupeluoketuo puorei tuo mo.

Isaya 54:11

He-i pechüpenyü seketuou, khriedi puo he se, mu thenouluolie kemo-u, a n tsieko antimoni tsie pie pfhetuo, mu n mvüdzeko safir pie dzeshütuo üzhie.

Jeremia 13:17

Derei nie rünyülie moliro, nie kemiakokecü la a ruopfüe pekhre di kra batatuo; a mhi-e kra phituo sidi mhidzü pekrütuo, Jihova kuoko teze kedie chü voketa la.

Jeremia 14:17

No die hau pie uko ki putuo: A mhinie bu teizeiteiso mhidzü pekrucie, mu unie bu rülei hiecie, kekreilamonyü rüü phousepfü a themiako kevü sei pie vü pesuo sewate, rüza zadi pfüliete.

Jeremia 15:5

He-i Jerusalem, supuonie n ngumezhielie, morei supuo n krükratuo mu? Supuonie rürei vor n dze kevi ketsotie shi?

Jeremia 8:18

A kenei jüte, nousuo a gei bate, a melou mhachü bate.

Jeremia 9:1

He-i a tsüe dzüluo chü, tsiu a mhi-e mhidzü rü chüücü we, a teisoteizei a themia kejüko mia u dukhrikewako la kralietuomu ru!

Jeremia 9:10

Kijüthouko la kra mu thekrü chücie, tsiu rayhau nu nha kepejoko la thekrü chücie, kekreilamonyü süko vawatuo miapuorei süko pfüthe volie lho, siro periko mokecü pfhe rei silie lho; teirako tsiu khunuoko tate di tuo mote.

Jeremia 9:21

“Kesiae vor u khirkiko tso bate, süu u kedikiko nu lerte, chaüko nunu nhicuko dukhriwatuoü tsiu ziekeko nunu khriekesako dukhriwatuo üdi,”

Thekrü 1:2

Puoe theva gei kra phi baya, puo mhidzü puo dzo kerhiekerho pfü di; puo kekhrieko donu miapuorei puo nou thupeluoketuo ba mo; puo zemia pete rei puo gei kelhie, ukoe puo ngumvümia chüte.

Thekrü 1:9

Puo kerhue puo chiecha nu tuote; puoe puo siedze la mhapuorei le mo; puo tetsuketae kemerie zo, miapuorei puo nou thupeluokecü jü. “He-i Jihova, a kemezhiekecü mehoshüyi, kekreilamonyü ngumvümiae kuoliete!”

Thekrü 2:11

A krakecü la a mhi meziete; a va chü bate; a se a rie kerülapie kijü shüwate, a themiako pekawaketa la, nhicuko tsiu kenunuoko nadiu chaüko nu phisia zhüketa la.

Thekrü 2:18

Niepuu ki shie petoshülie! He-i Zion nuopfü dahouu! Teisoteizei n mhidzü bu kerü puo tuoi kru tsuliecie! Rüleita hie, mu n mhi bu mhitshü hie!

Hosea 9:12

Uko thuo u nuonuo theke sesier rei, a uko pesia zo vo miapuorei lhieshülie lho. A uko kinu tuoketa ki uko we ce, chülietie!