Thekrü 1:14 - Angami Naga CL (Re-edited) Bible (BSI)

¹⁴ A kephoumako phapie vocie puo chüshü; puo dzie thuo süko pha kesaliete; süko pie a vo gei shü, a kekuo jüte; Niepuu a khapie a uko ze thalie kenjü zokecüko tsüwate.

Thekrü 1:14 Iomraidhean Croise

Mhasidie 5:22

Kerüzhümia u rüzhüko bu u mapfülietuo, mu u kephouma roko thuo puo phalietuo.

Isaya 14:25

A a kijü nu Asiriau biewatuo, mu a kijüthouko geinu a phipie puo kedewatuo; puo vocieu uko geinu chüwatuo, mu puo pieu uko bouka geinu lhouwatuo.

Isaya 47:6

A a themiako gei a nei mote, a a kayie chü perhuwate; a uko khapie n dzie nu shü, no uko ngumezhie mo; ketsako gei n vocie bie kemesi seshü.

Jeremia 25:9

Ae pesotsa seyieko pete kieshütuoüzhie, Jihovae siya, Babilon kediu, a kituou, sidi a uko ze vor kijü hau mu sünu kelhouko, mu seyie lutsahatsa houpfü keba pete petsoutuo; sidi uko pekawatuo, mu uko chüpie mia bu u michie, mu u rütse tsiu kechachie mengazhütatuo.

Jeremia 27:12

Ae Juda kediu Zedekia ki rei sükemhie tou di pu: N vo se Babilon kediu vocie nu leliecie, sidi puo mu puo themiako lie chülie di rheilie.

Jeremia 27:8

Derei seyie kehoupuorei Babilon kediu Nebukadnezar lie chü mo, tsiu u vo nu Babilon kediu vocieu shükemomia, ae zhiecha mu pekriekecü, tsiu thepetheruo pie seyie süu pechütuo, ae puo dzie bu süko pekawa kemochie si tuo, Jihovae siya.

Jeremia 28:13

vo di Hanania ki pushülie, Jihovae puya. Noe sei vocieu bietshewa rei süko sou nu no thegi vocie chütuo.

Jeremia 28:14

Kekreilamonyü krodiko Jihova, Israel Kepenuopfüe puya. Ae seyie hako pete vo nu thegi vocie khashü, uko bu Babilon kediu Nebukadnezar lie chüketuo la, tsiu ae lie nu khunuoko rei sa pie puo tsüwate.

Jeremia 32:3

Juda kediu Zedekiae puo tepie sünu khawa. Zedekia sie, “Kiüdi siedzedie pu di. Jihovae puya. Ae nadi hau pie Babilon kediu dzie nu shüwatuo, mu puoe süu lielietuo.

Jeremia 32:5

siro puoe Zedekia ze Babilon nu tsutatuo, sidi a vor puo meho kemochie puoe sünu tuotuo, Jihovae siya; nieko Chaldiamia ze kegei rei, nieko kuolie lho, iya ga?”

Jeremia 37:17

Sitse kediu Zedekia puo la mia ketseshü, di puo ze vorlie sidi kediu puo ki nu pekhre puo ketso, di sie, “Jihova kinu die huo ba me?” Sitse Jeremia sie, “Bawe!” Sitse puo sie, “N tepie Babilon kediu dzie nu shüwatuo,” sishü.

Ezekiel 11:9

A sünunu nieko chüse parwatuo, sidi nieko khapie chazoumia dzie nu shüwatuo, mu ketsokecüu pie nie gei shütuo.

Ezekiel 21:31

A a noupfhü rupie n gei shütuo, ae nouyie miu pie n gei mhe petushütuo. A n khapie u zhokesuomia, mia pekakecü do siyakezhamia dzie nu shüwatuo.

Ezekiel 23:28

Kekreilamonyü Niepuu Jihovae puya: A n khapie noe ngumecüyakezhako dzie nu shüwatuo, no n nei mo di uko kinu rüreiketako dzie nu shüwatuo;

Ezekiel 25:4

süla a niathutsa mia bu n pie u vie chülietuoü khashüwate. Uko nie donunu u razhüchüko chülietuo tsiu uko pfhekiko pethoupie nie donu batatuo; uko nie nhasi cütuo, mu nie thunudzü krietuo.

Ezekiel 25:7

Süla a a dzie yhapie n petsoutuo, sidi nie khapie seyieko bu pekawatuo. A mia donunu nieko kelhiwatuo mu a nie bu rünako nunu kaüjütatuo; a nieko pekawatuo. Sitse nieko ae Jihova ücü silietuo.

Hosea 5:14

Kekreilamonyü ae Efraim la losha tuoi, tsiu Juda kinumia la losha shapou tuoitatuo. A thuo cierhawa di tuotatuo; ae chüsetatuo, mu miapuorei kelashülie lho.

Mika 2:3

Süla Jihovae puya: Tsie, a kikru hau petsou di mha kesuo rhüzhie, sünunu niekoe nie vo kereilie kenjütatuo; tsiu kerüzha di tuolie motatuo; kekreilamonyü süu teisozha kesuo puotatuo.

Pulakeshüzho 28:48

Süla noe terhümerü di, methuo mu mha pete nu tsopfhü di n ngumvümia, Jihova ketsepie n petsoukecüko lie chütuo; mu n pekawa kemochie puoe thegi vocie pie n vo gei shütuo.