Thekrü 1:1 - Angami Naga CL (Re-edited) Bible (BSI)

¹ Kiüdi themia ketshu chüpfü keba nadiu nu themia tuo mote shi! Kiüdi puo bu samipfü tuoite shi, puoe seyieko donu kezhau chü! Puoe kedirüvieko donu kedipfü chü ba ru kituomia chüte.

Thekrü 1:1 Iomraidhean Croise

Kediko Kerieu 4:21

Solomon-e Eufrat nunu vo Filistin kijü ketso, tsiu Ijipt tierie ketso kedirüvie peteko mho kedi chü; sükoe Solomon kerhei chie khezhanuo se vor puo tsü mu puo lie chü.

Kediko Kenieu 23:33

Faro Nekoe puo bopie puo bu Hamat kijü nu Ribla nu bata, süusü puo bu Jerusalem nu kedi chülie lhoü; sidi rünau kemvü chü di khezhanuo rakachü krie puo, mu suna talent puo khruo.

Kediko Kenieu 23:35

Jehoiakim-e rakachü mu suna pie Faro tsü, derei puoe Faro die khakeshü mhiei raka khashütuo üdi kijüu bu khezhanuo khruo; puoe mia puopuokecü puo khezhanuou ze di, pie Faro Neko tsütuo üdi kijüu kinu rakachü mu suna lielie.

Seyiedze Kenieu 9:26

Tsiu puo Eufrat nunu vo Filistinko kijü ketso mu vo Ijipt rie ketso kediko pete mho dilie.

Ezra 4:20

Thiedzü kedi kekuo kro puoe Jerusalem mho di, sükoe Kerüu Lutsakhie keba pete mho di, tsiu khezhanuo, thekhruo mu cha nyie khruopie uko tsü vor zo.

Nehemia 5:4

Mu huomia sie, “Kediu khezhanuo suketuo la hie lie, hie khubelie pupie khe di mia raka thepu molie kenjüte.

Nehemia 9:37

Hie kephouma la, puo si rüchü pevi sepie hie ketsüko noe kedi khapie hie mho dikeshüko dzie nu vote, siro ukoe hie chüümo, hie kicükiri kekha u medo chü, sidi hie bu kemezhie sekecü nu bate.”

Chieliko 122:4

Seyieko, sünu voya Jihova seyieko sünu khoya, sidi Israel ki ahza khakeshü tuoi, Jihova zanu kethezie khashütuo üdi.

Isaya 14:12

He-i khinhie Mvüu, Teikeso nuou, No teigei nu kiki zo di tetsuta mu! No seyieko bie kerünuoshüshü kevor-u, kikidi n dathepie kijü shüwate mu!

Isaya 22:2

Nieko melie kekuoko, metoumebe keba nadiu, puo nei keba nadiu. N themia siaketako zhiecha geinu sia mo, morei terhü nu sia mo.

Isaya 3:26

Mu süpfü kharuko nu thekrü chü mu kratuo, puo menyümenouwa di, puo bu tsu kijü batatuo.

Isaya 49:21

Sitse no n nou nu, “Supuonie hako penuoshü a tsü ga? A nuonuo siata mu nuojü chü, a whuowa mu a vawa, ru supuonie hako theke siershü ga? A rübei zota, ru hako kirapuo nu vor ga?” si ba.

Isaya 50:5

Niepuu Jihovae a nyie bu cie parte, mu a dieze chü mota mo, a rürei pesieta mo.

Isaya 52:2

Nyophe n kevako kesouwalie, sielie, he-i Jerusalem, kedieu; n vo kepha roko phreiwalie, he-i Zion nuo kediepfü!

Isaya 52:7

Kezekevi pu pesikeshü dielieko phi kijüthouko gei ketuo kide zivi shi! Dieliekevi se kevor-u, kelakelie pu pesikeshüu, Zion ki, “N Kepenuopfü di ba” ikeshüu.

Isaya 54:4

Michie hie, n bu mengatalie lhocü la; n chamezieta hie, n bu thengachütalie lhocü la; noe n khriesarüü ki ngau rükra motatie eru, mu sami teiki n thethau no rükra salie lho.

Jeremia 31:7

Kekreilamonyü Jihovae puya: Jakob la nie nei di keliliecie, tsiu seyieko krüu la shieshülie; pu pesishülie, ketshe khashülie, di sie, “He-i Jihova, n themia, Israel lhiepie kebako kelashücie,” ilie.

Jeremia 40:9

Siro Gedalia Ahikam nuou Shafan tsuue uko mu uko chüpahiko rüseshü di sie, “Chaldiamia lie chü michie hie. Kijüu nu lhou di Babilon kediu lie chü balie, silie ro süu nie la vituo.

Jeremia 42:2

Jeremia siedzekesiu ki, “Hieko n ki hie mezhiemelokeshü rünyüshüyi, sidi n Kepenuopfü Jihova ki hieko la, lhiekelieko hako la chashüyi, kekreilamonyü kekra nunu hieko mia huoyo lhiekelie zote, n mhi ngukeba mhie.

Jeremia 44:2

Krodiko Jihova, Israel Kepenuopfüe puya: Nie thuo ae kepeka se Jerusalem nu mu Juda rünako pete nu kevor ngushüte, süko mehoshücie; thie süko methuo zhüte, süko nu miapuorei lhou keba jü,

Jeremia 44:6

Süla a noupfhünouyie rushüwa sidi Juda rünako tsiu Jerusalem chaüko thewa, sidi süko rate tsiu methuo zhüte, süko thie rei sizhü zo.

Jeremia 50:23

Kimhie di kijü pete metevüu dathewa mu bie pesuoshü shi! Kimhie di Babilon-e seyieko donu kemeriekecü puo chüte shi!

Jeremia 9:11

Ae Jerusalem pekapie puo bu puo kro chüpfü zhütatuo, meseru ki chüwatuo; tsiu Juda rünako chü kemethuowatuo, miapuorei lhou motatuo.

Thekrü 1:19

A a neimiako kieshü derei uko a sewate; a zievoko mu phichümiako uko kekuo chü penyilietuo üdi uko kecüca pfhüketuo ki nadiu nunu kate.

Thekrü 2:1

Kimhie di Niepuue puo nouyieu pie Zion nuopfü chü kemengashü shi! Puoe teigei nu Israel ziviu chü kelhoupie kijü shüwate; puoe puo nou meyiekelie nhie puo phikhrau rükra mote.

Thekrü 2:10

Zion nuopfü phichüko kemekrie di kijü bate; ukoe nyophe kelhoupie uko tsü gei shü mu gakhropfhe dzie bate; Jerusalem rüüko u tsü pesupie kijü tsu tuote.

Thekrü 4:1

Kikemhie di sunau zeita, siro kimhie di suna kevithopfü rüdite mu! Kemesa tsieko khu ketoupie chaü peteko nu kezakeziwate.

Thekrü 5:16

Hie tsü gei keditsüreu tetsute; hie we ce, chülietie, hie phoumawaketa la!

Ezekiel 26:16

Sitse dzükezha kedinuoko pete u kedibako geinu kertatuo; uko pfheneiko rhuowatuo tsiu puokhu kethu pfheneiko lhewatuo. Uko perüsürüsakecüu chü dzielietuo, sidi kijü batatuo; siro tsiekenuo perüsürüsa batatuo, tsiu n la thopfü batatuo.

Ezekiel 26:2

Themiau, kekreilamonyü Tur-e Jerusalem dze pu di: “Yha, themiako kharu chau bierhuowate; süu ta a ki vorte; a ketshu chülietuo, tsie süue methuo zhüte.”

Ezekiel 5:5

Niepuu Jihovae puya: Haue Jerusalem we; ae puo pie puokhie puomhou keba seyieko metsuo nu shüshü.

Levimiako 26:31

Tsiu a nie nadiko pekawatuo, siro nie kemesachüko themia jütatuo, mu a nie vie re kethenguko thengulie lho.

Levimiako 26:33

Tsiu a nieko kezapie seyieko donu shüwatuo, mu a zhiechau zupie nie petsoutuo, di nie kijüu thedzükezei chütatuo, mu nie nadiko kaüruotatuo.

Zefania 2:15

Hau puo nei keba nadiu khrukhre di lhou kebau, puo thuo puo üse, “A zo, mu a sie kekrei tuo mo,” iyakecüu mo me? Kedipuo mhie di rate shi, nhachü bu kezhü chü chüte! Kehoupuorei tuo puo cie kevo pete puo rütse mu puo dzie kesütuo.

Pesikeshü 18:7

Puo thuo puo tshe mu puo theguo chü lhoukecü tuoi, kemezhiekecü mu thenou kesuo süde mejüpie puo tsücie. Puo thuo puo nou nu, ‘A kedimiapfü zo; A samimiapfü mo, mu a mhakipuorei nousuo ngulie lho,’ iya;