Ruth 3:9 - Angami Naga CL (Re-edited) Bible (BSI)

⁹ Sitse puoe sie, “No supuo ga?” Ru puo sie, “A n kituopfü Ruth lie; süla n pfhetie kelhapie a wheliecie, kekreilamonyü noe a kinumia kepenuotho puota zeru.”

Ruth 3:9 Iomraidhean Croise

Ezekiel 16:8

Süsie a n pfüthe la vo di n mehoshü ru noe mia ngu n neikecü teiu nu bata, süla a pfhe khoupie n wheshü, di n kemethuo wheshü: A rüse n ki shü, sidi n ze dietseidiekholie, Niepuu Jihovae siya, sidi n pie a vie chüliete.

LUK THUKESHÜ DIELIEKEVI 14:11

Kekreilamonyü kehoupuorei puo thuo puo chü kerükrie kenyüu chü kerünuowatuo, tsiu kehoupuorei puo thuo puo chü kerünuolieyakezhau chü kerükrieshütuo.”

Ruth 2:20

Sitse Noami-e sie puo miepfü ki, “Jihova bu ja phipie puo tsücie, Jihova bu japie kesiamia mu kerheimia gei tseiüvikeshüu tsücie.” Tsiu Naomi sie puo ki, “Themia süu u chienuomia, u ze kepenuo perekecümia zo.”

Ruth 3:10

Sitse puoe sie, “A nuopfü, Jihova bu japie n tsücie; kekreilamonyü noe therieu ki rei tsie n kedietho thakuoshüte; mu noe khriesamia puo thuo mhajü rei nyi rei süko siemedzita mokecü la.

Ruth 3:12

Siro ae n seyie kepenuomia zo ükecü ketho zo, sirei a ki n penuokuokecü n seyiemia puo baluo.

Ruth 3:8

Süsie khisoteiluo ki mhapuo themiau kerieshü, sidi puo rükhe pra tse thenumiapfü puoe puo phi ki zhücü ngulie.

Ruth 4:4

A hau n ki putuoü ba: No haki kebako mu a rüna nu phichüko mhodzünu hau khrü nyü ro khrüliecie. No süu rhalietuo üro, rhaliecie, derei moüliro a ki pushü di a bu rhaliecie; kekreilamonyü no süu rhaketuo niepuu zo, mu n sieu sü a zo.” Sitse themiau sie, “A süu rhalietuo.”

Ruth 4:6

Sitse themiau sie, “Sita liro a süu rhalie kenjü, a a thuo a kayie kebvükewa prei eru. No n thuo a mese nu süu rhaliecie, a süu rhalie kenjücü la.”

Samuel Kerieu 25:41

Sitse puoe sielie di nerhutsu kijü zhüta, di sie, “N kituopfü bu a niepuu kituoko phi kekhrü kituomia chücie.”