Ruth 3:10 - Angami Naga CL (Re-edited) Bible (BSI)

¹⁰ Sitse puoe sie, “A nuopfü, Jihova bu japie n tsücie; kekreilamonyü noe therieu ki rei tsie n kedietho thakuoshüte; mu noe khriesamia puo thuo mhajü rei nyi rei süko siemedzita mokecü la.

Ruth 3:10 Iomraidhean Croise

Keriekitho 24:31

Sitse puo sie, “Vorlie, Jihova thejakepfüu; no kiüdi chazou tha zo ga? A kinu utko la thechü kesepie bate.”

Ruth 1:8

Ru Naomi-e puo miepfünie ki, “Nnie kenienie rei nnie zuonuo ki la votacie, nnie kesiamia gei, tsiu a gei chükeshü tuoi Jihova bu nnie gei tseiüvishülie.

Ruth 2:11

Siru Boaz puo ki, “N nupfu siaketa yawinu no n niapfü gei kedipuopuo chüshü shiü, siro kimhiei zo di n puo n zuo tsiu n kepenuo rüna vawa di no thiedzü si mo zokecü themiamia ki vorte shicü thapie a kie phreshüwate.

Ruth 2:20

Sitse Noami-e sie puo miepfü ki, “Jihova bu ja phipie puo tsücie, Jihova bu japie kesiamia mu kerheimia gei tseiüvikeshüu tsücie.” Tsiu Naomi sie puo ki, “Themia süu u chienuomia, u ze kepenuo perekecümia zo.”

Ruth 2:4

Siro süki Boaz-e Bethlehem nunu vor. Sidi lie kereko ki, “Jihova bu nieko ze tuoliecie.” Sitse uko rei sie puo ki, “Jihova bu ja n ketsüu chücie,” ilashü.

Ruth 3:9

Sitse puoe sie, “No supuo ga?” Ru puo sie, “A n kituopfü Ruth lie; süla n pfhetie kelhapie a wheliecie, kekreilamonyü noe a kinumia kepenuotho puota zeru.”

Samuel Kerieu 15:13

Mu Samuel-e vor Saul tsolie tse Saul-e puo ki, “Jihova bu japie n tsücie, a Jihova diekhakeshüko chü tseiwate.”