Ruth 2:9 - Angami Naga CL (Re-edited) Bible (BSI)

⁹ Siro liekereko meho di a zetuopfüko sie nu tuolie. A khriesako bu n kebvü suo ükecü pushüwate ho. Mu no terhütaü mha ro, vo di khriesako dzüü se vor keba mhabouko nunu krielieliecie.”

Ruth 2:9 Iomraidhean Croise

Keriekitho 20:6

Sitse Jihova puo mho geinu sie, “U zo, no n nou puotou chü di hau chü zo, süla n bu kephouma chü di a petsouta molieketuo la a n bu puo nyükecü khaliete.

JOB LESHÜDAU 19:21

He-i nie a kezemiako, a ngumezhiecie, a ngumezhiecie, kekreilamonyü Ukepenuopfü dzie a bieshüte!

Chieliko 105:15

sidi sie, “Ae kenhekelieko bie hiecie, mu a siedzekesiko pechü hie,” isi.

Mhasidie 6:29

Sütuoi mia puoe vo puo zanuou kimiapfü ze zhü liro süu pejo motalie lho.

Mathi 10:42

Siro kehoupuorei pethakeliemia za nunu dzüku hie puo rei pie kecütho hako yopuo zorei dieshü ro: a nieko ki pu toushütuo, süko puorei u zhakhra jütalie lho zo.”

Korintmiako Kerieu 7:1

Siro tsie niekoe leshü thupie ketsokeshü dze kelashüzhie: “Thepfumia bu thenumia nyü mo zorei puotou.”

Johan Kerieu 5:18

Ukepenuopfü nunu penuolieketako we kephouma chü zo bataya mo; derei Ukepenuopfü nunu penuolieketako rüguose bataya, sidi kesuou bu uko biewaya mo.

Ruth 2:10

Sitse puoe puo zie pesulie di nuke kijü tsuta, di sie puo ki, “Kiüdi a nie n mhinguki n khriepfü hade chüliete shi, no a rüli lekecü ha, a sü solhimiapfü puo zemu.”

Ruth 2:8

Sitse Boaz-e sie Ruth ki, “A nuopfü, no a die siliecie, mia kekreimia lie nu vo siepfhü hiecie, morei hanunu tuota hiecie, derei haki a zetuopfüko penuo baliecie.