Ruth 1:6 - Angami Naga CL (Re-edited) Bible (BSI)

⁶ Siro puoe Moab kijü nu keba ki Jihovae kecüca pelhoupie puo themiako tsüshü bata ükecü sishü tse, puo miepfünie ze di puo rüna nu la votatuoü dojülie.

Ruth 1:6 Iomraidhean Croise

Keriekitho 21:1

Jihova pukeshü tuoi Sara ki vor mu Jihova phrakeshü mhiei Sara gei chüshü.

Keriekitho 28:20

Süsie Jakob rüse di sie, “Ukepenuopfü a ze tuo, mu a kevo cha nu a rüguo se tuo liro, tsiu thiethie va niekhrüda se a tsü siro dziemeneiketuo la pfhemenei se a tsü üliro,

Keriekitho 48:15

Sidi puo japie Josef tsü di, “A puonuo Abraham tsiu Isak puo mhodzünu tuo kevor Ukepenuopfü, a kerhei chie a kepfheu chü vor thie tsokeshü Kepenuopfü,

Keriekitho 50:25

Sidi Josef-e Israel nuonuoko ki, “Ukepenuopfü nie ki vor zotuo, mu nieko bu hanunu a ruko pfü khotuo.” Sidi uko bu süu chüketuo rüsewa.

Chieliko 102:14

N kituokoe puo tsieko ngu u neiyakezha la, mu puo nyopheko ngu u noumezhieya.

Chieliko 111:5

Puo preiyakezhako va khashüya, puoe puo dietseidiekho-u le terü tuoya.

Chieliko 132:15

A japie puoca puova gei shü phishütuo; a niekhrüda pie puo kejüu kelhuo chüshütuo.

Chieliko 145:15

Themhi pete n pfhe kelho ba, mu no puotei pete nu cava khashü uko tsüya.

Chieliko 146:7

Mia bu u neketekezhako la kethoca chüshüyakezhau; cava pie kemerüko tsüyakezhau. Jihovae kedieko phreishüya;

Chieliko 147:14

Puoe noune pie n rienu kebako tsüya; puoe thoulha kememhietho-u pie n ketshu chüshüya.

Toukepra 3:16

Vo di Israel phichüko pfhü kengulie, di uko ki pushülie, ‘Jihova, nie puonuoko Kepenuopfü, Abraham, Isak mu Jakob Kepenuopfü, a pengushü di a ki: A nieko mehoshü mu Ijipt nu nieko gei kedipuo chüshü shi ngushüte.

Toukepra 4:31

Sitse themiakoe pelelie; mu ukoe Jihova Israelko ki vor di uko kemezhiekezhüko ngu ba ükecü silie tse, uko tsu Ukepenuopfü rüsuota.

Mhasidie 30:8

A kinu ketho kemo mu kemeda chü kedeipie kepetse nu shüwacie, kejü morei kenyi rei pie a tsü hie; a la puotoukecü kecüca pie a va chüshücie,

Isaya 55:10

Teirü mu pekrie teigei nu tsuryacü la, mu uko kijü tsheshü kemochie la sünu khoya mo, mha pethepelhoushü di tsia vüpie tsievau tsü mu cava pie kechüu tsüyacü tuoi.

Jeremia 29:10

Kekreilamonyü Jihovae puya: Babilon nu teicie hiethenie tseiketa ze nu a nieko ki la vortuo, sidi a phrakeshüu nieko gei chü tseishütuo mu a thechü hanu nieko ze la vorshütuo.

Joel 2:19

Jihovae puo themiako die kela di sie: A nieko ki telha, khubedzü, tsiu tier ketseshüzhie, mu nieko kelhuo chülietuo; siro a nieko bu seyieko donu miakrenyü chü salie lhote.

Zefania 2:7

Dzükezha khie kijükoe Juda kiu lhiepie kebako vie chütatuo, sünunu uko nhaliecütuo, mu uko thevatie Ashkelon kiko nu zhütuo. Kekreilamonyü Jihova uko Kepenuopfü uko rükralietuo sidi uko miadie chü ketuo nunu ze la vorshütuo.

Mathi 6:11

Thiethie va kha hie tsücie.

LUK THUKESHÜ DIELIEKEVI 1:68

“Israel Kepenuopfü, Niepuu bu thetshepfücie, puoe puo themiako mehoshü di uko rhalieketa la.

LUK THUKESHÜ DIELIEKEVI 19:44

Süko no mu n gei keba n nuonuoko vütshiepie kijü zhüwatuo, siro n gei ketsie puo bu rei kemhosepfü zhülie lho; kekreilamonyü no Ukepenuopfü n pfhü kevor teiu silie moketa la.”

Timothi Kerieu 6:8

derei we ucauva mu pfhemenei bakelie sie u nei zo.

Pitor Kerieu 2:12

Nie Judakemoko donu nie zhorüli vi se di lhoulie, sidi mia nie üse kesuo kechümia üdi nie thaya rei, uko bu nie mhatho kevi ngu di Ukepenuopfü mia nyie pepituoü kevor nhie puo tshelie.

Ruth 1:5

Mahlon mu Kilion unie rei siata, sidi Naomi-e puo nuonie mu puo nupfu rei tuo mota di lhou.

Ruth 1:7

Sidi puoe puo miepfünie ze di uko lhou keba rünau nunu tuota, mu ukoe Juda kijü nu votatuo üdi cha nu vozhü.

Samuel Kerieu 2:21

Siro Jihovae Hana ngumezhieshü, sitse puoe nuonipfülie di thepfumia se mu thenumia kenie penuolie. Siro unuoyo Samuel-e Jihova mhodzünu zha miemie sielie.