Pethakeshüu 6:2 - Angami Naga CL (Re-edited) Bible (BSI)

² Kepenuopfüe kinyi, mhanya tsiu therhu pie mia puo tsüshüya, sikecü la puoe puo menguko puorei tso moketa jü, sishierei Kepenuopfüe puo bu süu se puo neikelie kekuo pie puo tsü mota, derei sikemomia bu süu se u neilieya. Hauha kemethuo zo, süue mha kesuo se puo.

Pethakeshüu 6:2 Iomraidhean Croise

Kediko Kerieu 3:13

Sizomonyü ae no cha kemo rei sa pie n tsütuo: kinyi, tsiu thetshetherhu, süla n teisozha pete nu kedimia donu n kemhie miapuorei balie lho.

Seyiedze Kerieu 29:25

Siro Jihovae Israel pete mhodzünu Solomon chü pezha phishü, sidi Israel nu puo mhodzü kedi puorei nguliekemo kedi therhu mu kekuo se puo tsü.

Seyiedze Kerieu 29:28

Süsie puo phichü di teisozha kekra lhoulie, tsiu kinyi mu therhu thuo puo tshupfü di siata; tsiu puo nuou Solomon puo sou nu kedi chüta.

Seyiedze Kenieu 1:11

Sitse Ukepenuopfüe Solomon pfhekhoshü di sie, “Kekreilamonyü mha hau n melou nu parkecü la, mu noe kishükinyi morei therhu, n ngumvü phou, morei rhei kecha cha mo, derei n thuo n la we mhasi mu kesikele cha di n bu uko mho di tuo ükelie themiako kekhalie kevi chate.

Chieliko 17:14

He-i Jihova, haicümia kinu n dzie pie a kelaliecie: kijü hanu, kelhou ki u ya ngukelieko. No uko la kesepie kebako nunu uko bu uko va ketshu ngucie; uko nuonuoko bu rei u kelhuo ngucie; mu süko nuonuo bu rei u ya ngucie.

Chieliko 39:6

Ketho, themia ha mhakhrü puo kemhie zo; uko kemethuo puo nu meyhumezhie tuoya zo, puo kinyi pfhepie ba, sirei supuoe süko pielietie shi siya mo.

Chieliko 73:7

Luo pie uko mhi rüla tuoya, kenya se uko melou tshu tuoya.

Pethakeshüu 4:4

Süsie ae mhatho pete tsiu mhachü kesi pete u siezanuomia ngu urokecü geinu voryakezha ngushü. Hau rei kemethuo zo tsiu teikhrie whuo ketuo mhie zo.

Pethakeshüu 4:8

mia puoe puo rübei zo, puo nuo rei jü morei puo siezedzürie rei jü; sizorei puo mhatho pete nu puo thela tuo mo; morei puo kinyiko se puo mhi kelhuo chülie mo; süla puoe sie, “A supuo la mhachümhalie di a nei a nyü kechü a thuo chülieya mo mu?” idi ketsoya mo. Hauha rei kemethuo zo tsiu u nei kemo merei puo.

Pethakeshüu 5:13

Niaki khro a mha kesuo se puo ngu; süusü kenyimiae kinyi khapie kebau thuo u pechüya.

Pethakeshüu 5:16

Hau rei mha kesuo se puo zo, puo kimhie di vor shi, sütuoi puoe latatuo; puo mhachümhalie pie teikhrie tsükewa kemevi kedipuo ba ga?

Pethakeshüu 5:18

Harie, a ngukecü, Ukepenuopfüe khapie puo ketsü, niakiu khro nu teisozha pete mhacümhakrie tsiu puo mhatho pete nu puo neikelie, haha vi mu puo mese tou zo; kekreilamonyü hau puo yau zo.

Pethakeshüu 5:19

Themia kehoupuorei Kepenuopfüe khapie puo ketsü kinyi, mhanyaürako tsiu se puo neilie kevi kekuo, tsiu puo bu puo ya ngukelie mu puo mhatho nu puo neikelie ha Ukepenuopfü mhaphruo zo.

Isaya 55:2

Kiüdi nie niekhrüda kemo puo la nie raka keza, mu u kelhuo chülie kelho puo la mhachü kemezhieya ga? A die rünyü menuolie, mu mha keviu cülie, tsiu kecüca keviko nie neilie.

Thekrü 5:2

Hie kayieko sikemomia tsüwate, hie kiko pie solhimia tsüwate.

Daniel 5:18

He-i kediu, Kerükrietho Kepenuopfüe kedi kechü, zhakecü, zayie mu kuokecü pie n puo Nebukadnezar tsüshü.

Hosea 7:9

Chazoumia bu puo kekuo mezulie, derei puoe süu si mo; puo tsü gei puo tsütha rüpou, derei puo süu si mo.

Pulakeshüzho 28:33

No siya kemo seyie puo thuo n kinyi sikevüko mu n mhatho siko pete cülietuo; sidi mia bu n pese tsiu n kedepfü tuotatuo.

Pulakeshüzho 28:43

N donu chazoumiako n mho rükrie miemietatuo, mu no rünuo miemietatuo.

Capiko 18:10

Nie sünu le ro, themia jüdziecü kro puo ngutuo, mu kijüu rei zha phi zo, siro sünusü mha ketsopfhü puorei kejü kijü, vi rükrücü puo Ukepenuopfüe kha nie dzie nu shüshüta zo.”