Pethakeshüu 4:1 - Angami Naga CL (Re-edited) Bible (BSI)

¹ Siro a niaki khro huoniehuo pesekecü pete ngushü. Mu harie, mia bu u peseyakezhako mhidzü mehoshücie, miapuorei uko nou thupeluoketuo tuo mo! Mia uko peseyakezhako kitsa we kekuo nyi, derei uko mia nou thupeluoketuo puorei tuo mo.

Pethakeshüu 4:1 Iomraidhean Croise

JOB LESHÜDAU 16:4

A rei nieko kemhie di pulie vi ba; mhanuü nieko a tha nu ba ücü we; a die kekra pu nieko petsoulie vi, tsiu nieko gei a tsü tsügeta zotuo.

JOB LESHÜDAU 35:9

“Kepechü kekra la themiae krakhouitaya; kekuomia bou la ukoe kekhruohi chataya.

JOB LESHÜDAU 6:29

Rüreilie, a chaya, kekrüwa hiecie. Tsie rürei vorlie, a kemezhüu dojü tha zo.

JOB LESHÜDAU 9:24

Kijüu khapie themia kesuomia dzie nu shüwate; puo capimiako zie whewate; puo süu mo üliro, süu supuo ga?

Chieliko 12:5

“Kejüko menyükewa la, ketsopfhüko meheimelo keba la, a tsie sietuo, uko khrukhrekecü mengu keba thechü nu A uko pie sünu shüshütuo,” Jihovae siya.

Chieliko 142:4

A zatsa phi di mehoshü phi miapuorei a mehokecü tuo mo; a yakelie tuo mote; miapuorei a ruopfü la puo nounyü mo.

Chieliko 142:5

A n ki melieshü, O Jihova; “No sü a keyau mu kerheiko kijü nu a yau zo.”

Chieliko 42:3

A mhidzüko pie teisoteizei a ca chü bate; sirei uko zhate a ki, “N Kepenuopfü kirapuo ba ga?” siya.

Chieliko 42:9

A Kepenuopfü a tsiekrieu ki putuo, “No kiüdi a rükra mota ga? A ngumvümia a kepese la a bu kiüdi kra zo tuotieya mu?”

Chieliko 69:20

A kengakecüko bu a melou biephrowate; a dzüzei phite. Ae ngukemezhie pfhü, derei miapuorei tuo mo; thenou thukepeluomia pfhü, derei puorei ngulie mo.

Chieliko 69:21

Uko therei pie a bu cü; mu a terhülie ru kekhrodzü pie a bu krie.

Chieliko 80:5

Noe mhidzü niekhrüda pie uko vachü, mu mhidzü pie uko hie ketshu chüpie uko bu krie.

Toukepra 1:16

“Nnie Ibripfüko nuoze thekecü ki, nuokezechü nunu uko mehoshü di, thepfunuomiata ro puo dukhriwalie, derei thenunuomiata ro, perheishülie.”

Toukepra 1:22

Süsie Faro puo themia peteko ki diekhashü, “Ibrimia thepfunuomia penuokelie pete kelhoupie Nail rüu nu shüwalie, derei thenunuomia we pete perheishülie.”

Mhasidie 19:7

Kejümia puo siezedzürie pete puo mecütaya; siüliro puo zemia we kide puo ze kepecietatuo mu? Puo die pu uko whuo voya, derei uko puo khawaya.

Mhasidie 28:3

Kekuokesemia thuo kejümia pesekecüe teirü phi di kecüca peka lotsokewa mhie zo.

Mhasidie 29:2

Kemiathomia kekuo se keba ki, themia u nei baya; derei kerüzhümia dilie tse, themia meheimelo bataya.

Pethakeshüu 3:16

Sizomoü a niaki khro kethoca sou nu kerüzhüu ba, tsiu kemiatho-u sou nu mha kesuo baketa ngu.

Pethakeshüu 5:8

Mhanuü no rüna puo nu kejümia pese tsiu kethoca mu kemezhüu bie pejükewa ngu zo ürei, süu la n ngo hiecie, rükriekuokecüue kezha kerükrieu meho bayacü la, tsiu süu ki rükriekuokecü puo uko mho ba.

Pethakeshüu 7:7

Mha pesekecüe mhakesimia chü penyawaya ketho zo, tsiu thesoe u nou bie perhuwaya.

Pethakeshüu 8:9

Mha hako pete ae ngushü, sidi niaki khro mhatho peteko nu a nou khashü; mia puoe kekreimia puo mho kekhakecü ki süu bu kemezhiekelie tei nyi.

Isaya 5:7

Krodiko Jihova khubelieu sü Israel kikruko zokecü la, mu Judamia sü puo kenei mhalei zo, puoe kethocau merü, derei thezie kepekru ngulie; kemiatho merü sie, derei kekra pfhe silie!

Isaya 51:23

Siro a süu pie nie kepechüko dzie nu shüwatuo, süko ki, “Nuketsulie, hie bu n mho gei tuoketuo la,” ikebako; mu n chie pie kijü kemhie mu cha kemhie di uko bu tuo volieketuo la.

Isaya 59:7

Uko phi ta kesuo nu voya, mu ukoe jo kemo zie pekrutuoü rhürhü voya; uko nouleko kejo noule zo, mha vakecü mu pekakecü uko chaüko nu ba.

Jeremia 16:7

Miapuorei thekrü kechümia la kecüca keselie lho, kesiamia la uko nou thupeluolie lho; morei mia u puonuo morei uko zuonuo la thenou chü peluokecü hiepie u bu krienu khashülie lho.

Thekrü 1:16

Mha hako la a kra; a mhi nu mhidzü krütsur; kekreilamonyü thukepeluou a ki nu peciete, a kekuo chü perheishükezhau rei; a nuonuoko u dzükezei chü bate, ngumvümia kuolietakecü la.

Thekrü 1:17

Zion-e puo dzie yhashü, derei miapuorei puo nou thupeluokeshü jü; Jihovae Jakob petsoulie nu diekhashü puo siezanuomia bu puo ngumvümia chütaketuo la; Jerusalem-e süko donu mha kerhu puo chüte.

Thekrü 1:2

Puoe theva gei kra phi baya, puo mhidzü puo dzo kerhiekerho pfü di; puo kekhrieko donu miapuorei puo nou thupeluoketuo ba mo; puo zemia pete rei puo gei kelhie, ukoe puo ngumvümia chüte.

Thekrü 1:9

Puo kerhue puo chiecha nu tuote; puoe puo siedze la mhapuorei le mo; puo tetsuketae kemerie zo, miapuorei puo nou thupeluokecü jü. “He-i Jihova, a kemezhiekecü mehoshüyi, kekreilamonyü ngumvümiae kuoliete!”

Amos 3:10

Mha kemezhüu chüketuo si kemoko, Jihovae siya, sükoe mia kemvü chükecü mu mia kede di rügukelieko pie uko badiko nu kengupie ba.

Amos 3:9

Ashdod nu badiko ki, tsiu Ijipt kijü nu badiko ki pushücie, sidi sie, “Samaria nu Kijüthouu gei nie thuo vo kenguliecie, sidi sünu kebou pezhapie kide chüzhü shi, tsiu kidepuo mia pesekecü u donu ba shi mehoshücie.”

Malaki 2:13

Siro nieko hau rei chü sa, Jihova ruosuobau mhodzü, kekra mu meheimelokecü pie wheshü kekreilamonyü puoe nieko ruosuo lie sa mota, morei puo nei di nie dzie nunu lie sa motacü la.

Malaki 3:18

Sitse nieko kemiathomia tsiu kerüzhümia si kekreilietuo, Kepenuopfü lie chüyakezhako mu chüya kemoko.

Malaki 3:5

Sitse a dienya kecüketuo la nie penuo vortuo; a themoumia petsoukecü, pieü kechümia petsoukecü, tijü di rüsekecümia petsoukecü, zhakhrü ze mhachü di mia zhakra peseyakecümia, samimiapfü mu merünuomia, chazoumia mezhü pejücümia, mu a preiya kemomia petsoutuoü mhai vor zhapu khashütuo, krodiko Jihovae siya.

Mathi 26:56

Derei mha hako pete chüketa ha siedzekesikoe Kethodieko nu thupie kezhüko chü tseilieketuo la zo.” Süsie pethakelieko pete puo khawa di tata.

Pulakeshüzho 28:33

No siya kemo seyie puo thuo n kinyi sikevüko mu n mhatho siko pete cülietuo; sidi mia bu n pese tsiu n kedepfü tuotatuo.

Pulakeshüzho 28:48

Süla noe terhümerü di, methuo mu mha pete nu tsopfhü di n ngumvümia, Jihova ketsepie n petsoukecüko lie chütuo; mu n pekawa kemochie puoe thegi vocie pie n vo gei shütuo.

Jakob 5:4

Rünyüliecie! Nie mia nie lie nu mhachükeshüko zha chü moketako zha thuo shiekhoui zhüte, mu nie lie rekeshüko shiekeshü pfhe si kho krodiko Niepuu tsote.

Capiko 4:3

Jabin-e thegi bagei krie thepfü ba mu puo zho suo se di cie mepfü Israelko pese vor, süla Israelkoe Jihova ki kekhruo cha mu meloshü.