Pethakeshüu 1:2 - Angami Naga CL (Re-edited) Bible (BSI)

² Kemethuo sie rei kemethuo zo, Pethakeshüue, sidi puya, kemethuo sie rei kemethuo zo! Mha pete rei kemethuo zo.

Pethakeshüu 1:2 Iomraidhean Croise

JOB LESHÜDAU 11:12

Derei nha gada puoe themia mevi di penuo kevor nhie nu, mhasikemomia puoe kesikele ngulietuo.

Chieliko 144:4

Themia sü thesü puo kemhie zo; puo zhako teisükeyu mhie votaya.

Chieliko 89:47

A kelhouu kide dzü shi rükrashücie. No kidi kemethuo puo la themia chüshüte mu?

Pethakeshüu 11:10

Süla n melou nunu thenou kesuo whuowalie, tsiu n mo geinu kechüu chüwalie; nhicu tsiu khriesarüü sü kemethuo zocü la.

Pethakeshüu 11:8

Mhanuü mia puoe teicie kekra lhoulie ro, puo bu süko nu puo neiliecie; derei puo bu teisozha kezeiko rükrashücie, süko kra se batuocü la. Mha voryakecü pete kemethuo zo.

Pethakeshüu 12:8

Kemethuo sie rei kemethuo zo; Pethakeshüue puya; mha peteko kemethuo zo.

Pethakeshüu 2:11

Sidi a a dzie pie chükelie peteko tsiu a mhachükelie mhathoko mehoshü; mu harie, mha pete kemethuo zo, tsiu teikhrie whuo ketuo mhie zo, siro niakiu khro mhapuo kemevi ba mo.

Pethakeshüu 2:15

Sitse a thuo a rüchü di sie, “Mhalekemomia gei kevor-u a gei rei vor zotuo; di siro kiüdi a bu mhasi sete shi?” siya. Tsiu a thuo a rüchü keba hauha rei kemethuota zo.

Pethakeshüu 2:17

Süla a kelhouu ngu mecüta zo, kekreilamonyü tei khro mhathomhachü pete a la nousuo zo; mha pete rei kemethuo zo tsiu teikhrie whuo ketuo mhie zocü la.

Pethakeshüu 2:19

Mu sükoe mhakesimia puo tuo mo mhalekemomiatuo shi supuoe silie ta? Sirei ukoe a mhachüpie kezhü peteko, tsiu niaki khro a mhasi se kechü pete kekhatuo. Hau rei kemethuo zo.

Pethakeshüu 2:21

Kekreilamonyü mia puoe mhasi, kesikele mu thedo kevi se mhachüshü; di süu khapie chü kemomia puo tsüwaya. Hau rei kemethuo tsiu mha kesuo se puo zo.

Pethakeshüu 2:23

Kekreilamonyü teisozha puo pete nu thenou kesuo, tsiu puo mhathoe puo keyhukezhie zo; theva gei rei puo noue rüleilieya mo. Haha rei kemethuo zo.

Pethakeshüu 2:26

Kepenuopfüe puo neimia gei mhasi, kesikele, tsiu thenou kenei khashü tsüya derei kephoumamia la we puoe kengulie tsiu pfhepie zhü di se Kepenuopfü mhodzünu themia keviu tsüwaya. Hau rei kemethuo zo tsiu teikhrie whuo ketuo mhie zo.

Pethakeshüu 2:8

A a la rakachü mu suna tsiu kedimia kinyi mu rünako kengulie; ae ü kechü thepfumia rei thenumia rei tsiu uchü umo menguko siro a pelipfümia kekra rei nyi.

Pethakeshüu 3:19

Kekreilamonyü themia gei voryakezhau khunuo gei rei vorya; mia puo siaketa mhie di kekreiu rei siataya; uko pete u keha kemhie zo, tsiu themiae khunuo ki meyiekuo mo zo; kekreilamonyü mha pete rei kemethuo zo.

Pethakeshüu 4:16

Themia peteko rei, uko mhodzü lhouwaketako rei uko thela jü, hasie vorketuoko rei puo geinu u neilie lho. Hau rei kemethuo zo tsiu teikhrie whuo ketuo mhie tou zo.

Pethakeshüu 4:4

Süsie ae mhatho pete tsiu mhachü kesi pete u siezanuomia ngu urokecü geinu voryakezha ngushü. Hau rei kemethuo zo tsiu teikhrie whuo ketuo mhie zo.

Pethakeshüu 4:8

mia puoe puo rübei zo, puo nuo rei jü morei puo siezedzürie rei jü; sizorei puo mhatho pete nu puo thela tuo mo; morei puo kinyiko se puo mhi kelhuo chülie mo; süla puoe sie, “A supuo la mhachümhalie di a nei a nyü kechü a thuo chülieya mo mu?” idi ketsoya mo. Hauha rei kemethuo zo tsiu u nei kemo merei puo.

Pethakeshüu 5:10

Raka puo neiyakezhamia raka se puo kelhuo chülie lho; morei kinyi ngu krakelie u neiyakezhamia kinyi se u kelhuo chülie lho; hauha rei kemethuo zo.

Pethakeshüu 6:11

Die krakuo mu kemethuo rei krakuo, siro mia puoe kedipuo nu vikuo ga?

Rommiako 8:20

kekreilamonyü chükeshü pete pie kemethuo chüwate, süu si nyü di mo, derei süko kekhakelieu medo la zo, süu kemerü liro,