Nuolhoutsüphrü 22:3 - Angami Naga CL (Re-edited) Bible (BSI)

³ Ru Moab-e themiako prei se bata, uko kra secü la; mu Moab-e Israelmiako prei bata.

Nuolhoutsüphrü 22:3 Iomraidhean Croise

Nehemia 13:2

kekreilamonyü uko niekhrüda mu dzü se vor Israelmia nuonuoko ze kese mo, derei Balaam zha khrüpie uko petsouta, sidi puo bu uko rüsewanuta; sirei Ukepenuopfüe rüseu pie theja chüwa.

Chieliko 53:5

Sünu uko kemichie kezha ze kesetuo, sükemhie kemichie ngu chie kemo; Ukepenuopfüe puorhi kemoko ru bie kezakeziwatuo. No uko bu thenga chütuo. Ukepenuopfüe uko meliewaketa la.

Toukepra 1:12

Derei uko pese kra mu uko kruo miemieta mu uko kezapie meya miemie prata. Süla Ijiptmiakoe Israelmiako la merie bata.

Toukepra 15:15

Edom nu peyuko u ziekejü chü bata; Moab krütako perüsürüsa bata; Kanan nu lhou keba pete ze jüte.

Toukepra 23:27

Ae kemichie ketsepie nie mhodzünu shütuo di nie-e vo ze kesekelie pete, nie petsou kevor pete bie kebvüwatuo, mu ae n ngumvümia pete bu rünoupie n tsütuo.

Isaya 23:5

Dieyieu Ijipt nu vor ro, Tur dze la uko nou kemezhietuo.

Pulakeshüzho 2:25

Ae thie teiso mia bu n prei mu n ngu merielieketuo khapie tei khro kebako gei shütuo, mia n dze sishü ro petatuo, di n la meyhumezhietuo.”

Joshua 2:24

Siro unie puo ki pu sakecü, “Jihovae kijüu pete pie úko tsüwaketa hie si touta zo, mu harie, sünu kelhouko pete u prei di michie bate,” sishü.

Joshua 9:24

Sitse ukoe Joshua ki, “Jihova n Kepenuopfüe Puo kituou Mosa ki pushü di kijüu pete pie n tsüwa mu no penyü vorkezhü tuoi hanu lhou keba pete dukhri pejüwatuo ükecü hie silieketa la; mu hie-e hie kerheiro la rei michiethorta di hau chüwate.