Nuolhoutsüphrü 18:3 - Angami Naga CL (Re-edited) Bible (BSI)

³ Sidi uko bu n mhatho siro rüsuopfhekiu nu mhatho pete chütuo; derei no mu uko bu siata molieketuo la uko bu kemesachüu mu ruosuobau penuo volie lho.

Nuolhoutsüphrü 18:3 Iomraidhean Croise

Ezekiel 44:13

Uko a penuo vorlie lho, zievomia puo chü di a lie chülie lho, morei a ruosuo kemesako, mha kemesathoko penuo vorlie lho; derei uko ngau mu mha kerütsekecü kechü pete pfütuo.

Nuolhoutsüphrü 1:51

Sidi rüsuopfhekiu se keyietuo üro, Leviko bu rhuotuo; mu rüsuopfhekiu pethoutuo üro, Leviko bu chüshütuo, siro kehoupuorei penuo kevormia, dukhriwatuo.

Nuolhoutsüphrü 1:53

derei Leviko we Israelko kro-u nu noupfhüu bu vor moketuo la u pfheki pethoupie dietseidiekhobou rüsuopfhekiu houpfü batuo, sidi Leviko bu dietseidiekhobou rüsuopfhekiu mehokecü pie uko mese chütuo.

Nuolhoutsüphrü 16:40

süusü Jihovae Mosa ki pukeshü tuoi, Aron yie kemo rüsomia puo bu rei Jihova mhodzünu vor di kethengu thepie ruosuo chü di Kora mu puo kro-u mhieta moketuo Israelmiako bu rükra tuolieketuo la süu chülie.

Nuolhoutsüphrü 18:4

Siro uko bu n ze di rüsuopfhekiu nu mhatho pete chütuo, mu kekreimia puorei nieko penuo vorlie lho.

Nuolhoutsüphrü 18:7

Siro no mu n nuonuoko n sa di ruosuobau la mu pfhe lhapie keba bau sietsa la nieko bu zievo mhathoko menuo di chütuo. Ae zievo kechü phruopie nie tsüwate; mu kekreimia hako penuo kevormia pesiawatuo.

Nuolhoutsüphrü 3:25

Siro Gershon nuonuoko pelekeshü mhathoko liro, mechükehou rüsuopfhekiu nu vo pfhekiu, süu kewheu mu rüsuopfhekiu keyapfhe pete.

Nuolhoutsüphrü 3:31

Uko bu dietseidiekhobouu mu mizhüu tsiu mitubou mu ruosuobako siro kemesachü nu seyakezha mhabouko tsiu keyapfhe mu se süu chüyakezha mha pete mehotuo.

Nuolhoutsüphrü 3:36

Tsiu Merari nuonuoko bu rüsuopfhekiu melako, puo kitheko, puo coko, cokhreko, sünu se mhachüyakezha nyako pete mu sünu mhatho pete chütuo.

Nuolhoutsüphrü 31:30

Tsiu Israelmiako vie tsatie, themia rei, thudo rei, gada rei mu temvü tekuo rei, khurinuo pete hiepengou gei puopuokecü no selie di pie Jihova rüsuokiu seyakezha Leviko tsüshücie.”

Nuolhoutsüphrü 4:15

Pfhekiu se keyietuoükecü ki Aron mu puo nuonuokoe kemesachüu mu kemesachüu kewhe vienyako pete tseilie di puo kro-u tuo sedevü tse Kohat nuonuoko bu vor pietuo derei kemesachüu vie puorei bie lho, moro uko siatatuo. Rüsuopfhekiu nu Kohatmiako bu pieketuoko mha hako.