Nuolhoutsüphrü 16:3 - Angami Naga CL (Re-edited) Bible (BSI)

³ Ukoe kepekrolie di Mosa mu Aron unie petsouta, sidi unie ki, “Nnie keyiethorte! Mechükehou pete, mia puopuocü, mesa phre ba zo, mu Jihovae uko donu ba, süla nnie kiüdi Jihova mechükehouu ki zhakuoü bata ga?”

Nuolhoutsüphrü 16:3 Iomraidhean Croise

Ezra 9:2

Kekreilamonyü ukoe uko thuo uko la, uko nuonuo thepfuko la, süko nuonuo thenuko lieliete, süla kemesa tsiau kijüu nu themiako ze kereiwate, mu kejokemou mhatho hau nu kezhako mu mia kekhayakezhakoe kerie chüta zo.”

Chieliko 106:16

Uko razhü nu Mosa mu Jihova themia kemesau Aron ngu uro sieketa ki,

Chieliko 68:17

Ukepenuopfüe kierbagei kevitho, nyie kercü va kenie; nyienyiekecü se di; Jihovae Sinai geinu puo kemesa chü nu tsur.

Toukepra 19:6

mu nieko a la kedi zievoko mu kemesa seyie puo chülietuo. Die hako no pie Israel nuonuoko ki pushülie.”

Nuolhoutsüphrü 14:14

mu ukoe kijü hau nu lhou kebako ki pushütie, no Jihova themiako hako donu bakecü ukoe site; harie Jihova, mia bu mhotsou n nguwate, mu n kimhou bu uko mhogei zhate, siro no khinhie gei ro kimhou nu mu theva gei ro mi nu idi uko mhodzü tuoyakezha la.

Nuolhoutsüphrü 16:11

Süla no mu n kro-u pete Jihova ngumvü di kenguba me? Siro niekoe Aron gei kenya keba hau kedipuo ga?”

Nuolhoutsüphrü 16:41

Derei süsienhie Israelmiako mechükehouu pete Mosa mu Aron unie gei panya di, “Nnie mechükehouu dukhriwate.”

Nuolhoutsüphrü 16:7

süko nu mi khashülie, mu sodu Jihova mhodzünu mi mhogei mha kethengu khapie baliecie; sümhie di Jihovae u kedakeliemia mesalietuo: Nie Levi nuonuoko keyiethorte.”

Nuolhoutsüphrü 23:21

Puoe Jakob gei suoketa puorei ngulie mo; morei Israel gei kemezhieketuo puorei ngulie mo. Jihova uko Kepenuopfüe uko ze tuo, uko donu kielieketa kedimia puo tuoi di.

Nuolhoutsüphrü 35:34

Nie lhou keba kijüu nu a rei lhou ba, süu chü perhuwa lho, kekreilamonyü ae Israelmiako donu lhou bayakezhau Jihova zokecü la.

Nuolhoutsüphrü 5:3

Uko bu a uko donu bayakezha razhüchüu perhuwa moketuo la thepfu shierei thenu shierei khapie razhüchü chazoutsa shüwalie.

Mhakechüko 7:39

Derei u puonuoko puo die ze mvüte; uko puo khukege zowa di uko noue la Ijipt nu vota nyü sie zo,

Mhakechüko 7:51

“Harie pietsümvükecü themiako, umelou mu unyie zhürekemo, nieko rei nie puonuoko mhiei Kemesa Ruopfü petsou seiya.