Sitse nie pete a penuo vor di sie “Hie bu themia ketsepie hie mhodzü shü di uko bu vo kijüu rie di hie bu cha kiu ze kho morosuo shikecü mu nadi kikecü kro puo nu votie shikecü die se la vor hieko tsücümu,” si.
Mu Jihova Kadesh-barnia nunu nie ketse di sie, “Kho di a kijü se n ketsüu lielie,” ikeshü ki niekoe Jihova nie Kepenuopfü diekhakeshüu perhiepetsouta, di puo pele mo mu puo pfhe rünyü mota.
A a kelhouzha teicie hiedia-keta ki Jihova kituou Mosae Kadesh-barnia nunu a ketseshü di a bu vo kijü rie; mu a dietho di a kengu touu se vor puo ki pushü.
Siro Nun nuou Joshua pekhre di mia rücieketuo la Shitim nunu mia kenie ketseshü di sie, “Vo di Kanan kijüu ba hurei Jeriko rieshüliecie,” si. Süla unie rünau nu vorlie di süzhü teizeizhau la Rahab ükecü thethenumiapfü puo kinu balie.
