Nuolhoutsüphrü 11:2 - Angami Naga CL (Re-edited) Bible (BSI)

² Sitse themiako Mosa ki rükhruoshü; mu Mosae Jihova ki chashü tse miu mheta.

Nuolhoutsüphrü 11:2 Iomraidhean Croise

Chieliko 106:23

Süla puoe uko pekawatuo ücü pu, Puoe uko pekawa rei silie kelho la puo noupfhü kereiwatuo üdi puoe kedakelieu Mosae sie puo mhodzü thedo nu thalie mo üme?

Toukepra 10:18

Süla puo Faro mhodzü nunu prata; di Jihova ki chashü.

Toukepra 34:9

Mu puo sie, “A tsie n mhiki n khriepfülieta üro, he-i Niepuu, a n ki chaya, Niepuu bu hieko ze vocie, hiekoe pietsümvükecü themia kro puo zo ürei mu hie kejo mu hie kephouma vashü, di n kayie la hieko zeliecie.”

Isaya 37:4

Rabshakeue puo niepuu Asiria kediu bu rhei ketuo Ukepenuopfü kengashünu di puo ketsekeshü mu puo dieko Jihova n Kepenuopfü sishüte; süla lhiekelieko la no kecha chüshücie,” si.

Jeremia 15:1

Süsie Jihovae a ki: Mosa mu Samuel unie thuo a mhodzünu thalie zorei, a nou we themia hako kitsa rürei volie kenjüte. A mhodzü nunu uko ketsewatacie, sidi uko bu tuotalie!

Jeremia 37:3

Siro kediu Zedekiae Shelemia nuou Jehukal mu Maseia nuou Zefania zievo-u ketsepie siedzekesiu Jeremia ki shü di sie, “Hieko la Ukepenuopfü Jihova ki chashücie,” si.

Jeremia 42:2

Jeremia siedzekesiu ki, “Hieko n ki hie mezhiemelokeshü rünyüshüyi, sidi n Kepenuopfü Jihova ki hieko la, lhiekelieko hako la chashüyi, kekreilamonyü kekra nunu hieko mia huoyo lhiekelie zote, n mhi ngukeba mhie.

Nuolhoutsüphrü 12:11

Sitse Aron-e Mosa ki, “Harie, a niepuu, kephouma pieu pie hienie tsü gei shü hienu di n ki chayawe, kekreilamonyü hienie mhasi kemo mhatho chüwa di phoumawate.

Nuolhoutsüphrü 12:13

Sitse Mosae Jihova ki shie di sie, “He-i Kepenuopfü, puo chü pevishünu di ae n ki chaya,” si.

Nuolhoutsüphrü 21:7

Sitse themiako Mosa ki vor di sie, “Hie phoumawate, kekreilamonyü hie-e Jihova mu n ngukemvü die puwate, Jihova bu tinyhüko se lataketuo la puo ki chashücie.” Süla Mosae themiako la chashü.

Mhakechüko 8:24

Sitse Simon sie, “Niepuu ki a la chashücie, sidi nnie kepu mha kesuo hako puo bu rei a gei vor moliecie,” sita.

Ibriko 7:26

Kekreilamonyü we zievokezhatho haikecü se morosuo tuoya, puoe mesa, pejolie lho, rhuta mo, kephoumamia kinu kelakreilie di teiko ki rei rükriekuo.

Jakob 5:16

Süla nie shürholieketuo la huoniehuo mhodzünu nie kejokemouko phrawalie mu huoniehuo la chaliecie. Kemiathomia kechae kuo phi mu chükhrielieya.

Johan Kerieu 5:16

Miapuonie puo siezedzüriemia siata kesü kephouma zo kemo puo chükewa ngu ro, puo bu chacie, siliro Ukepenuopfüe siata kesü kephouma zo kemo chükewako la kerhei khapie puo tsütuo. Siata kesü kephouma rei nyi; puo bu chanukecü we süu la mo.