Nehemia 9:8 - Angami Naga CL (Re-edited) Bible (BSI)

⁸ tsiu n mhodzüki puoe dietho ba di ngulie, sidi Kananmia, Hitmia, Amormia, Perizmia, Jebusmia mu Girgashmia kijü khashü puo tsütuoü puo ze dietseidiekholie, sidi n die phrakeshüu chü tseishü, noe dietho zokecü la.

Nehemia 9:8 Iomraidhean Croise

Keriekitho 12:7

Sitse Jihovae Abram pengushü di puo ki, “A kijü hau khapie n nuosenuoyie tsütuo.” Süsie Abram-e sükinu ruosuoba puo chüpie puo pengukeshü Jihova tsü.

Keriekitho 15:6

Sitse puoe Jihova pelelie, mu süla Jihovae puo üse miatho üta.

Keriekitho 22:12

Sitse puo sie, “N dzie khapie unuoyo gei shü hiecie, puo gei mhapuorei chüwa hie; a tsie no Ukepenuopfü khrüpreiyakecü siliete, no a kinu n nuou, n nuo pfuliu se bata mo ze ru.”

Samuel Kenieu 22:31

Kepenuopfü ha vitsei; Jihovae phrakeshüu ketho ücü thashüya; puoe puo rüzhü kevorko pete keyau zo.

Seyiedze Kerieu 1:14

Süsie Jebusko, Amorko, Girgashko,

Seyiedze Kerieu 16:16

Puo Abraham ze dietseidiekhokelie, Isak ki rüse di phrakeshüu,

Ezra 9:15

He-i Jihova, Israel Kepenuopfü, noe miatho zo, hiekoe lhiekeliemia puo tuoi tapralie, thie hakemhiei, derei hieko n mhodzünu hie kephouma nu ba zo, mha hau la n mhodzünu miapuorei thalie kenjü zo ürei.”

Nehemia 9:33

Sirei no hieko gei se kevorko pete rei puotou zo; noe mha kemezhüu chüshü, derei hieko we chü kekrüwaketa la.

Chieliko 116:5

Jihovae mia ngumezhie mu miatho; úko Kepenuopfüe mia ngumezhieya.

Toukepra 3:17

Mu ae kemezhiekecü Ijipt nunu nieko ze parshütuoü a die phrashü, sidi nieko ze Kanan kijü nu, Hitko, Amorko, Perizko, Hivko mu Jebusko kijü mithunudzü mu mepfhidzü krukezhü nu nieko ze voshütuoü shü,’

Toukepra 3:8

mu a Ijiptmia dzie nunu uko shüphralietuo üdi kerwe, siro kijü sünunu uko ze kijü kevi mu kemeya puo mithunudzü mu mepfhidzü krukezhü kijü puo nu pralieketuo la, kijü süu Kananko, Hitko, Amorko, Perizko, Hivko mu Jebusko kebachü.

Ezekiel 33:24

Themiau, Israel kijü khawaketako nu lhou bayakezhakoe hakemhie pu bate, “Abraham-e mia puo rübei zo; sirei puoe kijüu welie, derei hieko we themia kekra; süla kijüu hie bu welietuoü kha toushütuo.”

Nuolhoutsüphrü 13:29

Negeb kijütsa Amalekmia lhou ba; mu kijüthou rünako nu Hitmia, Jebusmia mu Ammonmia lhou ba; siro dzükezha khie mu Jordan rü merhieko nu Kananmia lhou ba.”

Nuolhoutsüphrü 23:19

Ukepenuopfüe themia di tijüya mo, morei themianuo di puo nou rüdiya mo. Puoe phrashü di süu chü motatuo me? Morei puoe phrashü di chü tseishü motatuo me?

Mhakechüko 13:22

Puoe süu chükewa sie, David bu uko kediu chü lalie. Sidi puoe süu zhapu chü di sie, ‘A Jese nuou David, themia a nou kele touu nguliete, puo a medo kheko chüshüketuou zo.’

Pulakeshüzho 26:3

Mu no süteiki zievo chükebau ki vo di puo ki, “Jihova se n tsütuo üdi u puonuoko ki rüsekeshü kijüu nu vorkelie la, a thie Jihova n Kepenuopfü thezieshüzhie,” situo.

Pulakeshüzho 32:4

Tsiekrieu, puo mhatho sü vi lotso, puo chako pete mezhü. Kemiatho Kepenuopfü, puo gei kecürü tuo mo, puoe dietho mu mezhü zo.

Pulakeshüzho 7:1

Jihova n Kepenuopfüe n bu pevielietuo üdi lekezhü kijüu nu n ze vorshü di n mhodzünu seyie kekra, Hitko, Girgashko, Amorko, Kananko, Perizko, Hivko, Jebusko, n ki zhakuo mu kuokuokecü seyie thenieko whuo kemesashü di,

Pulakeshüzho 9:5

No kijü hau pebalietuoüzhükecü n mezhü geinu mo morei n nou kemezhü la mo, derei seyie hako kerüzhü la Jihova n Kepenuopfüe n mhodzü nunu uko whuowazhie, sidi puoe n puonuoko, Abraham ki, Isak ki, mu Jakob ki, rüsekeshü dieu chü kemeteishütuo üdi.

Tita 1:2

süu tijülie kelho Ukepenuopfü thuo nnhiennhie nu pupie ketuo,

Ibriko 11:17

Kepele la Abraham rei puo dojü kesie ki, Isak rei pie ruosuo chütuoü sie zo. Phrakeshüu ngulieketau puo nuo pfuliu zorei khapie ruosuo chütuoü dojüse tuo,

Ibriko 6:18

Sidi rüditalie kelho kenie geinu, Ukepenuopfü mhakipuorei tijütalie lho zo ükecü geinu we ta puo khrükhro kevoko bu u mhodzütsa kezhü siedzeu thezetsase tuolieketuo le u kethepfu nyi selieketuo chüshü.

Joshua 11:23

Jihovae Mosa ki pukeshü tuoi di Joshuae kijüu pete lielie; sidi Joshuae Israel bu puo kayie chünu di kezapie seyie puopuo ya chüshü. Sidi kijüu terhü kechü nu rüleilie.

Joshua 11:3

mu dieliemia ketsepie Jordan khie lutsahatsa keba Kananko, mu kijüthou gei keba rüna Amorko, Hitko, Perizko, Jebusko mu Mizpa kijü nu Hermon kijüthou phi ki keba Hivko rei tsüshü.

Joshua 23:14

“Siro harie, tsie a se tei tso bate; siro Jihova nieko Kepenuopfüe nie la phrakeshü mha kevi pete puorei tsei moketa jü zo, mu hau nie melou pete se mu nie ruopfü pete se si bate, mha pete nie la tsei vorte, mhapuorei tsei moketa jü.

Joshua 9:1

Jordan khie kekreitsa kijüthouu gei rei, razhau nu rei mu Dzükezhau khie pete Lebanon ketso bakecü kediko, Hitko, Amorko, Kananko, Perizko, Hivko mu Jebuskoe Israelmia kuokelie dze sishü tse,

Johan Kerieu 1:9

We u kephoumako pu phrashü ro, puo zowe dietho mu miatho di u kephoumako vashütuoü tsiu miatho kemo kheko nunu u chü kemesalietuoü ba zo.